2022-07-21 23:47:08
#قصائد_شهر_محرم_الحرام_١٤٤٤_هـ
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار.c
عٌلَى أّلَدِنِيِّأّ أّلَعٌفِّهِ مَنِ بِعٌدِ آلآمـآمـين
مَنِ بِعٌدِ عٌبِأَّّس خَوِيِّ وِأّبِنِ أّمَيِّ أّلَحٌَّسيِّنِ
ـــــــــــــــــــــــــــــــــــــــــــــ
گعديه….
هنْيَاله كلْمن يخـــدم حسين
يكْسب رضاه بالدّنيه والدِّين
ولدمعـته مقـــبوله
اجر الخدامه اينوله
هنياله كلمن يخدم حسين
@@@
الماحضه ابحب الحسين وما كسب ودّه ورضاته
ما تنفعه اعماله كلهه اولا صيــامه اولا صـــلاته
ذكرى بالمجــــلس عبــاده اي وحق عفّت بنـاته
حســــين آيـه امـن الكتـاب الرتّلا يضمن نجاته
والرّاد ياخــذ حاجــــته
يگصد ازحوف الحظرته
احســــــين مارد شيعته
والعذر مو من صفاته
قبّـة وَفـاء وقمّـة احسـاس
مخلوق نعمه حسين للناس
كلمن هــــــوّا گلوله
اجر الخدامه اينوله
هنياله كلمن يخدم حسين
@@@@
الزار ابو السجاد زاره الداره ويردله التحــيه
اويحظر اويا بحتظاره قبل لحظات المنـــيه
الباچــي لمصـاب العقيله يفوز دنـيه وآخريه
وينكتب خادم حسيني بدفتر الزهره الزچيه
لومسه ابوحـدة حفرته
احسين يحظر وحشته
هايه نتيـجة خدمــــته
من ابن حامي الحمـيه
هــذا جزائه اليُخلص اوياه
افضل نعــم بالآخره انطاه
وكل شدّه اله محلوله
واجر الخـدامه اينوله
هنياله كلمن يخدم حسين
@@@@
الحارگة جمـر الطـفوف وبالمجاس گضّـه عمــره
ألســـراط المســـــــــقيم ابرمشة اعيـونه يعــبْره
النـذر عمره امن الطفوله بكل محرم يدگ صدره
يعيش سلطان ابزمانه وضامن امن الزهره اجره
للجـــنّه تصـــبح زفته
بحســــين رافع هامته
وياعظم شانه وهيبته
وأسمه عد فاطمه اشكبره
حسين عايش وسط الارواح
واليدگ صــدره اعليه يرتاح
والدمعـــته مهموله
اجر الخدامه اينوله
هنياله كلمن يخدم حسين
@@@@
حسين درب العدل دربه وللصلاح ايشير نهجه
هوه حبل الله المتـين ونازل اعله الناس حجّه
ابثورته عالم ابكبرى امن الظــلاله حسين نجّه
بيه آمنه وعرفــنه الكل موالي حســـين مُهجَه
علمنه عابس عالعشگ
هامات لمصــابه نشگ
نتحـــزم ابيوم الطبگ
وللمأتم كلنه نلجه
ابيوم العزه امن ابيوتنه انشيل
شي تطبــخ وشي تدگ زنجيل
الكل بالطف مشموله
اجر الخــدامه اينوله
هنياله كلمن يخدم حسين
@@@@
تطمئن يمّه النفوس وتحتــمي ابداخل اطاره
ونضل نتبرّك ابنــوره اليشع مـن فوگ المناره
مُلتقى العشّــــاگ صـارت كربله ابيـوم الزيـاره
يلتقي الخل وي خليله وتطفه جمرة انتضاره
احسين قبلة عاطفه
تعجز كتبنه اتوصفه
من عنده نتعلم وفه
حبه ابد مابيه خساره
ولصـاح يا بو سكينه نهواك
تشفعه باچـر فاطمه اهنــاك
وهيّه العليّه مسـؤله
اجر الخـدامه اينوله
هنياله كلمن يخدم حسين
@@@@
الخادم
كامل السعيدي
ـــــــــــــــــــــــــــــــــــــــــــــــــــــــ
مؤسسة منبريون للالحان رقم 1
@ahmed_alziwar1
مؤسسة منبريون لنشر القصائد 2
@ahmed_alziwar2
مؤسسة منبريون للمقامات3
@ahmed_alziwar3
مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول
https://t.me/+tVfRCNCfpmJlMGRi
الكروب الثاني
https://t.me/+tVGiZHdfNq81ZGYy
قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
447 viewsخــادمــ أم محمـــود الشمـــري ــة الحسيــن ( ع), 20:47
1
