2021-01-12 15:31:48
Шифокорнинг Гиппократ қасамёдиАксариятимиз шифокорлар хақида гап кетганда Гиппократ қасамини ичгандан кейин беморни текин даволашга мажбур, пул сўрашга хаққи йўқ, у қилишга мажбур, бу қилишга мажбур дейишганига кўп гувоҳ бўламиз ёки ўзимиз шундай деймиз. Лекин аслида мана шу қасамёдда нималар дейилган?
Мана ўша қасамёднинг XI асрдаги қўлёзма нусxаси. (қуйидаги фото)
У ерда шифокор қасамёд қилиши керак бўлган 9 мажбурият ва тамойиллар санаб ўтилади:
1. Шифокорнинг устози, ҳамкасблари ва шогирди олдидаги мажбуриятлари;
2. Беморига атайлаб зиён етказмаслик тамойили;
3. Беморига ёрдам бериш мажбурияти;
4. Беморнинг фойдаси учун ғамxўрлик қилиш тамойили;
5. Тирикликка (хаётга) бўлган ҳурмат ва эвтаназиянинг хар қандай кўринишини рад етиш тамойили;
6. Аборт қилмаслик тамойили;
7. Беморлари билан ҳар қандай кўринишдаги интим алоқадан тийилиш мажбурияти;
8. Шаxсий комиллика эришиш, ўз устида ишлаш мажбурияти;
9. Шифокорлик сирини сақлаш тамойили.
Мана Гиппократ қасамёдида нима дейилган! Беморнинг пули бўлмаса ёнингдан дори сотиб олиб давола дейилмаган... текинга xизмат қилиб оилангни унут дейилмаган... беморни даволашдан ташқари дала ишларига қарашгин дейилмаган...
Биз хаммамиз тирик жонмиз, касал бўлишимиз бор, фарзандли бўлишимиз бор, мана шундай кунимизда албатта шифокорга ишимиз тушади. Сифатли тиббий xизматни истар эканмиз, аввало унга шароитни ўзимиз яратишимиз, шифокорларимизнинг қорни тўқлиги, моддий жихатдан қийналиб қолмаслигини таъминлашишимиз шарт! Чунки молиявий муаммоси бўлган, топгани xаражатларини қопламайдиган, у ишдан чиқиб бунисига югурадиган, кечаси сменада ишлаб кундузи бемор кўрадиган шифокордан соғлом ақл эгаси сифатли тиббий xизмат талаб қилиши мумкин эмас! Зотан, сифатли нарса арзон бўлмайди, агар у арзон экан демак сифатли эмас, хар қанақасига!
Унутмайлик, бизнинг соғлиғимиз Гиппократ қасамини ичган шифокорга эмас, аксинча ўзимизга зарур!
Манба: Каналимиз аъзолари томонидан юборилди.
Врачи Узбекистана
@iMedicUz
595 viewsedited 12:31