Mratt's Channel

2024-02-08 17:11:40 စစ်ကောင်စီ ဖုံးကွယ်ရန်ကြိုးစားနေသည့် မြောက်ခင်ရန်းရွာ မီးရှို့သတ်ဖြတ်မှု
သက်သေအထောက်အထားများ
(သတိပေးချက်။ စိတ်မချမ်းမြေ့စရာ စားသားနှင့် အကြောင်းအရာများ ပါဝင်သည်။)

မြန်မာစစ်တပ် လက်နက်ကိုင်များဝတ်လေ့ရှိသည့် စစ်ပြောက်ကျားဝတ်စုံ ဝတ်ထားသူတချို့နှင့် အရပ်ဝတ် တစုသည် သွေးအလိမ်းလိမ်းဖြင့်ရှိနေသည့် လူငယ်နှစ်ဦးကို သံကြိုးဖြင့်တုတ်ကာ လမ်းတွင် တရွတ်တိုက်ဆွဲခေါ်သွားပြီး သစ်ပင်ထက်မှ တွဲလောင်းချကာ မီးတင်ရှို့ခဲ့သည်။ မီးတင်ရှို့ခံရသည့် လူငယ်နှစ်ဦးမှာ နာကျင်မှုကြောင့် ညည်းညူ ရုန်းကန်နေပြီး မကြာမီတွင် တကိုယ်လုံးလောင်ကျွမ်းကာ သေဆုံးသွားကြသည်။

ဤအဖြစ်အပျက်သည် လွန်ခဲ့သည့် သုံးလခန့် က မကွေးတိုင်းမြောက်ပိုင်း၊ ဂန့်ဂေါမြို့နယ်ရှိ မြောက်ခင်ရန်းရွာတွင် ဖြစ်ပွားခဲ့ခြင်းဖြစ်သည်။ စစ်ကောင်စီလက်အောက်ခံ ပျူစောထီး ခေါ် ပြည်သူ့စစ်များ အခြေချရာ မြောက်ခင်ရန်းရွာကို ယောဒေသရှိ တော်လှန်ရေး အဖွဲ့များ ပူးပေါင်း တိုက်ခိုက်ရာတွင် YDF အဖွဲ့မှ တော်လှန်ရေး ရဲဘော် ၂ ဖမ်းဆီးခံခဲ့ရပြီး ရက်စက်စွာ သတ်ဖြတ်ခံခဲ့ရခြင်းဖြစ်သည်။

အခင်းဖြစ်ပွားသည့် ၂၀၂၃ နိုဝင်ဘာ ၇ ရက်နေ့ကထဲကပင် ဖမ်းဆီးခံရသည့် ရဲဘော်နှစ်ဦး မီးရှို့သတ်ဖြတ်ခံခဲ့ရကြောင်း သတင်းများ ထွက်ပေါ်ခဲ့သော်လည်း စစ်ကောင်စီက ထိုအဖြစ်အပျက်ကို ဖုံးကွယ်ရန် ကြိုးစားခဲ့သည်။ စစ်ကောင်စီ၏ ဝါဒဖြန့် လော်ဘီချန်နယ်များတွင် PDF ၂ ဦးကို အရှင် ဖမ်းမိကြောင်း အစောပိုင်းသတင်းများတွင် ဖော်ပြခဲ့ပြီး ဖမ်းမိသူများ ဓာတ်ပုံများပါ တင်ခဲ့သော်လည်း နောက်ပိုင်းတွင် အဆိုပါပုံများကို ပြန်လည်ဖြုတ်ချခဲ့သည့်အပြင် သတင်းများတွင်ပါ အရှင်ဖမ်းမိကြောင်း မပါတော့ဘဲ အလောင်းများသာ ရရှိကြောင်း ပြန်ပြောင်းတင်ခဲ့ကြသည်။

ထို့သို့ဖုံးကွယ်ထားသည့်ကြားကပင် ၃ လခန့်အကြာ ၂၀၂၄ ဖေဖော်ဝါရီ ၆ ရက်တွင် မီးရှို့သတ်ဖြတ်ခဲ့သည့် ရုပ်သံမှတ်တမ်းဖိုင် ထွက်ပေါ်လာခဲ့သည်။ ရုပ်သံဖိုင်တွင် စစ်ကောင်စီလက်အောက်ခံ ပျူစောထီး(ပြည်သူ့စစ်) များ သတ်ဖြတ်မှု ကျူးလွန်သည်မှာ သိသာသော်လည်း စစ်ကောင်စီ ဝါဒဖြန့် သတင်းစာများ၊ စစ်ကောင်စီ ဝါဒဖြန့် လော်ဘီချန်နယ်များတွင် အခင်းဖြစ်ပွားချိန်၌ အရှင်ဖမ်းဆီးရမိခြင်းမရှိကြောင်း၊ PDF အချင်းချင်း သတ်ဖြတ်သည်ကို ပြည်သူ့စစ် (ပျူစောထီး) များက သတ်ဖြတ်ခြင်းဟု လုပ်ကြံဝါဒဖြန့်ခြင်းဖြစ်ကြောင်း ဝါဒဖြန့်ထားသည်။ ထို့အပြင် BBC သတင်းဌာနကလည်း စစ်ကောင်စီနှင့် တော်လှန်ရေးအဖွဲ့တို့ အပြန်အလှန်စွတ်စွဲနေကြသည် ဟု ပုံဖော်ရေးသားထားသည်။

စစ်ကောင်စီသည် ၎င်း၏ လက်အောက်ခံ လက်နက်ကိုင်အဖွဲ့များ စစ်ရာဇဝတ်မှု ကျူးလွန်ခြင်းနှင့်ပတ်သက်ပြီး အရေးယူရန်ပင်ဝေးစွ ၎င်းတို့ ပြုလုပ်ခြင်းမဟုတ်ကြောင်း မျက်နှာပြောင်တိုက်စွာ ငြင်းဆိုနေသည်။ စစ်ကောင်စီအနေဖြင့် မည်သို့ပင် ငြင်းဆိုနေစေကာမူ ၎င်းတို့ ပြုလုပ်ခဲ့ကြောင်း အထောက်အထားမှတ်တမ်းများသည် အွန်လိုင်း ပလက်ဖောင်းများတွင် ကျန်ရှိနေသည်ကို BACS က လေ့လာတွေ့ရှိခဲ့သည်။

◉ လူမှုကွန်ရက် သက်သေအထောက်အထား (၁)
အခင်းဖြစ်ပွားသည့် ၂၀၂၃ နိုဝင်ဘာ ၇ ရက်နေ့ကတည်း ကပင် စစ်ကောင်စီ ၏ ဝါဒဖြန့် လော်ဘီ ချန်နယ်များတွင် PDF ၂ ဦးကို အရှင် ဖမ်းမိကြောင်း ရေးသားဖော်ပြခဲ့ကြသည်။ စစ်ကောင်စီ ဝါဒဖြန့် People Media တွင် အရှင်ဖမ်းမိသည့် လူငယ် ၂ ဦး ဓာတ်ပုံပါ ဖော်ပြခဲ့သော်လည်း နောက်ပိုင်းတွင် ပြန်ဖျက်သွားခဲ့သည်။

◉ လူမှုကွန်ရက် သက်သေအထောက်အထား (၂)
စစ်ကောင်စီ ဝါဒဖြန့် People Media တွင် အရှင်ဖမ်းမိသည့်အကြောင်းအရာနှင့် ပတ်သက်ပြီး ဖျက်ခဲ့သော်လည်း ယင်းအကြောင်းအရာကို ပြန်လည်ကူးယူဖော်ပြသူများကို facebook လူမှုကွန်ရက်တွင် အများအပြားတွေ့ရသည်။ အဆိုပါ သတင်းအကြောင်းအရာ ဓာတ်ပုံများကို တိုက်ဆိုင်စစ်ဆေးကြည့်သည့်အခါ သတင်းတွင်ပါရှိသည့် အရှမ်ဖမ်းမိသည့် လူငယ် ၂ ဦးမှာ မီးရှို့သတ်ဖြတ်ခံရသည့် လူငယ် ၂ ဦးဖြစ်သည်ကိုတွေ့ရသည်။

◉ လူမှုကွန်ရက် သက်သေအထောက်အထား (၃)
စစ်ကောင်စီ လော်ဘီချန်နယ်များ ဖြစ်သည့် “Ko Thet” နှင့် “မဟူရာ မြွေဟောက်” တယ်လီဂရမ်တို့တွင်လည်း မြောက်ခင်ရန်းရွာ တိုက်ပွဲအတွင်း ကျဆုံးခဲ့သည့် PDF များနှင့် အတူ ဖမ်းဆီးရမိသူ နှစ်ဦး၏ ဓာတ်ပုံကို ဖော်ပြထားခဲ့သည်၊။ အဆိုပါ သတင်းအကြောင်းအရာ ဓာတ်ပုံများကို တိုက်ဆိုင်စစ်ဆေးကြည့်သည့်အခါ သတင်းတွင်ပါရှိသည့် ဖမ်းဆီးခံထားရသည့် လူငယ် ၂ ဦးသည် မီးရှို့သတ်ဖြတ်ခံရသည့် လူငယ် ၂ ဦးဖြစ်သည်ကို တွေ့ရသည်။

◉ လူမှုကွန်ရက် သက်သေအထောက်အထား (၄)
ဘူးလက်လှဆွေ၏ facebook လူမှုကွန်ရက်စာမျက် တွင် ၂၀၂၃ နိုဝင်ဘာ ၇ ရက်နေ့က မြောက်ခင်ရန်းတိုက်ပွဲအကြောင်း ရေးသားထားရာ ယင်းအကြောင်းအရာ အောက်တွင် ၎င်းအား ထောက်ခံသူက အရှင်ဖမ်းမိသည့် လူငယ်၂ ဦးပါသည့် ဓာတ်ပုံကို ၂၀၂၃ နိုဝင်ဘာ ၈ တွင် မှတ်ချက်ပေးထားခြင်းဖြစ်သည်။ ဘူးလက်လှဆွေသည် မြောက်ခင်ရန်းရွာသားလည်းဖြစ် မြောက်ခင်ရန်းရွာအတွက် ပျူစောထီး(ပြည်သူ့စစ်) ဖွဲ့စည်းခြင်း နှင့် လက်နက်တက်ဆင်ခြင်း ဆောင်ရွက်ပေးနေသူဖြစ်သည်။ Open / Comment

2024-02-01 15:13:04 စစ်ကောင်စီက ဖျက်ဆီးသွားတဲ့ နေစရာ စခန်းတွေ ပြန်ဆောက်ဖို့၊ ရိက္ခာနဲ့ တင်နေတဲ့အကြွေးတွေ ပြန်ဆပ်ဖို့ သူတို့ ကမ်ပိန်းလေးတစ်ခု လုပ်နေကြတာ တွေ့ပါတယ်။ မနှစ်ကတည်းက လုပ်နေကြပေမဲ့ ခုထိ မပြည့်သေးပါ။

မြေပြင်မှာ လူထုအတွက် ပညာရေး ကျန်းမာရေး စတာတွေကိုလည်း ကူညီပေးနေတဲ့ အဖွဲ့ဖြစ်လို့ ယုံယုံကြည်ကြည် ထောက်ပို့ လှူဒါန်းနိုင်ကြပါတယ် မိတ်ဆွေများ ခင်ဗျာ။ ကူညီချင်သူများအတွက် https://www.facebook.com/profile.php?id=100072034427171 Open / Comment

2023-11-25 18:06:19 ယူနန် နယ်စပ်က စစ်ဘေးရှောင်တွေကို တရုတ်နယ်ခြားစောင့်ရဲတွေက မျက်ရည်ယိုဗုံးသုံးကာ တားဆီး (ရုပ်သံ)

ကိုးကန့်တိုက်ပွဲတွေကြောင့် စစ်ဘေးရှောင်ရင်း တရုတ်မြန်မာနယ်စပ်ကို ရောက်နေကြတဲ့ ကိုးကန့် တိုင်းရင်းသားတွေကို တရုတ် နယ်ခြားစောင့် ရဲတွေက မျက်ရည်ယိုဗုံး အသုံးပြုပြီး တားဆီးခဲ့တယ်လို့ သိရပါတယ်။

ရုပ်သံအပြည့်အစုံ -

Open / Comment

2023-09-24 18:52:24 ဆောင်းပါးအပြည့်အစုံ - https://bit.ly/3PRDDNA Open / Comment

2023-07-14 14:42:57 NUCC ကွဲနေကြပြီဆိုတာ ဟုတ်သလား...

ပြည်သူ့ညီလာခံ ဘာလို့ မကျင်းပဖြစ်တာလဲ၊ အသွင်းကူးပြောင်းရေးကာလ ဖွဲ့စည်းပုံအခြေခံဥပဒေ ဘာကြောင့် မထွက်လာသေးတာလဲ... စတဲ့အကြောင်းအရာတွေနဲ့အတူ "NUCC ကိုလှစ်ဟခြင်း - လက်ရှိအခြေအနေနှင့် မသိရခြင်းများ" မေးမြန်းတင်ဆက်မှု တိုက်ရိုက်ကြည့်နိုင်တဲ့ Link https://fb.watch/lMXlXYXbPD/ Open / Comment

2023-06-02 02:47:00 ကိုယ် ကြိုက်နှက်သစ်ရာ နားဆင်နေကျ ပေါ့ကတ်စ် အက်ပလီကေးရှင်းမှာ Mratt's Podcast လို့ ရိုက်ရှာပြီး မေးမြန်းမှု အပြည့်အစုံကို နားဆင်နိုင်ပါတယ်။ ပြည်တွင်းမှာ နေထိုင်သူတွေအနေနဲ့ Google Podcasts မှာ အလွယ်တကူ နားဆင်နိုင်ပြီး Apple Podcast တို့မှာလည်း နားဆင်နိုင်ပါတယ်။ Open / Comment

2023-05-24 05:30:52 ဆောင်းပါး အပြည့်အစုံ - https://bit.ly/3OSxHDZ Open / Comment

2023-05-19 05:02:00 အင်တာဗျူး အပြည့်အစုံကို ကြိုက်နှစ်သက်ရာ Podcast Application များက နားဆင်နိုင်သလို ဒီမှာ [https://bit.ly/3WhBjRk] လည်း နားဆင်နိုင်ပါတယ်။ မုန်တိုင်းသင့်ချင်းပြည်နယ်ကို လှူဒါန်းလိုသူတွေအနေနဲ့ ဒီ Link [https://www.facebook.com/icncc] မှာ မေးမြန်းနိုင်ပါတယ်။ Open / Comment

2023-05-17 11:28:04 ပြီးခဲ့တဲ့လက မြိုင်၊ မန်ကျည်းကန်က ဆေးရုံကို စစ်ကောင်စီက ဝင်စီးပြီး ဆေးဝန်ထမ်းတွေနဲ့ လူနာတွေကို ဖမ်းခေါ်သွားခဲ့တယ်။ လူနာနဲ့ လူနာစောင့် စုစုပေါင်း ၂၀၀ နီးပါး ဖမ်းခံရတယ်လို့ မြိုင် ပီဒီအက်ဖ်အဖွဲ့က ကဆိုပါတယ်။

အများစု ပြန်လွတ်ခဲ့ကြပေမဲ့ ဆေးကုသပေးနေတဲ့ စေတနာ့ဝန်ထမ်းတွေ ပါသွားခဲ့တယ်။ အဲ့ဒီတုန်းက စစ်ကောင်စီ ဝါဒဖြန့်ချယ်နယ်တွေမှာ တင်ခဲ့တဲ့ မြိုင်က ဆေးကျောင်းနောက်ဆုံးနှစ် ကျောင်းသူတစ်ဦးဆိုတာ ဒီ မန်ကျည်းကန်ကနေ ဖမ်းဆီးခံခဲ့ရသူ ဖြစ်ပါတယ်။ (ကွန်မင့်ထဲမှာ သူ့ပုံ ရှိပါတယ်) တချို့ အထင်မှားနေသလို တခြားလူနဲ့ ဝါဒဖြန့်တာ မဟုတ်ဘဲ တကယ် ဖမ်းဆီးခံခဲ့ရတာပါ။

ဖြစ်စဉ်ကတော့ ပြီးခဲ့တဲ့ ဧပြီ ၁၈ က ဖြစ်ခဲ့တာပါ။ အများစု သတိမထားလိုက်ကြပေမယ့် မြိုင်၊ မန်ကျည်းကန်က ဒီဆေးရုံကို Mi-35 တစ်စီးနဲ့ ပစ်ခတ်၊ အဲ့ဒီနောက် အင်အားထပ်ချပြီး ဝင်စီးချိန်မှာ ဒီနယ်မြေမှာရှိတဲ့ မြိုင် ပီဒီအက်ဖ်အဖွဲ့ရဲ့စခန်းလည်း စီးနင်းခံခဲ့ရပါတယ်။

“လူနဲ့ လက်နက်တွေက အကုန်လွတ်တယ်ဗျ၊ ကျည် ၂ ထောင်ကျော်၊ ကား ၂ စီး၊ လက်ပစ်သီး ၃၀၊ အိုက်ကွန် အထိုင်စက်၊ ဂြိုလ်တု အင်တာနက် စက်၊ တခြား ခဲယမ်း နဲ့ ယူနီဖောင်းတွေ၊ အဲ့ဒါတွေတော့ ပါသွားတယ်ဗျ” လို့ မြိုင်ပီဒီအက်ဖ်ရဲ့ ခေါင်းဆောင်က ကျနော့်ကို လှမ်းပြောပါတယ်။

အဲ့ဒီမှာ ဖမ်းမိသွားတဲ့ ကားတွေ၊ ဆိုင်ကယ်တွေနဲ့ လူနေအိမ် ၄ လုံးလောက်ကိုလည်း စစ်ကောင်စီတပ်ဖွဲ့တွေက မီးရှို့ဖျက်ဆီးသွားတယ်လို့ ဆိုပါတယ်။ ဒီ စီးနင်းခံရမှုဟာ မြိုင် ပီဒီအက်ဖ်ကို အတော် အထိနာသွားစေခဲ့ပါတယ်။ ဒီမတိုင်ခင်က ရရှိခဲ့တဲ့ ထောက်ပံ့ငွေတွေ လက်လွှတ်ဆုံးရှုံးလိုက်ရသလို ဖြစ်ခဲ့တယ်။ ပြန်ရုန်းထဖို့ အတော် အားယူကြရပါဦးမယ်။
︎
မြိုင်၊ ဆားလင်းကြီး၊ ရေစကြိုနယ်ဟာ ဟိုးအစောပိုင်းတွေမှာ လူစိတ်ဝင်စားမှု မြင်ခဲ့ပြီး စစ်ကောင်စီကလည်း ဒီနယ်တဝန်းကိုပဲ ပိုပြီး ဖိနှိပ်ခဲ့တာပါ။ ဒီအဖွဲ့တွေကို တိုက်ရိုက်လူချင်တယ်ဆိုရင် ဒီ Link မှာ သွားရောက်ထောက်ပံ့နိုင်ပါတယ်။ https://www.facebook.com/profile.php?id=100092501444736 Open / Comment

2023-05-17 02:30:02 အင်တာဗျူး အပြည့်အစုံကို Google Podcasts, Apple Podcasts, Spotify နဲ့ Overcast တို့အပြင် ကိုယ်ကြိုက်နှစ်သက်ရာ ဘယ် ပေါ့ကတ် အက်ပလီကေးရှင်းမှာမဆို Mratt’s Podcast လို့ ရိုက်ရှာပြီး နားဆင်နိုင်ပါတယ်။ ဒီ Link မှာလည်း အလွယ်တကူ နားဆင်နိုင်ပါတယ်။ - https://bit.ly/44YRsiy Open / Comment