दिवाळी पहाट...... राज्यसेवा आणि संयुक्त पूर्वपरीक्षेसाठी आजपा | 🏹आदित्य अकॅडमी🏹

दिवाळी पहाट......

राज्यसेवा आणि संयुक्त पूर्वपरीक्षेसाठी आजपासूनच अभ्यासाला लागा. एक महिना पुरेसा आहे या परीक्षेच्या अभ्यासाला. कारण मागील वर्षभर तुम्ही तेच तेच वाचत आला आहात. आता तो अभ्यास फक्त रिव्हिजन करुन घ्यायचा आहे आणि जास्तीत जास्त सराव करुन आपला आत्मविश्वास उंचवायचा आहे.

परीक्षा काय दरवर्षी येतात, जशी दिवाळी येते. पण आपले काय? आपण आहे तिथेच राहतो. मागील वर्षी उरलेले फटाके यावर्षी फोडतो. कधीपर्यंत असेच चालणार आहे? जर ही परिस्थिती बदलायची असेल तर थोडे लक्ष देऊन अभ्यासाला लागा.

जसे आपल्या यशाला फक्त आपणच जबाबदार असतो, तसेच आपल्या अपयशाला केवळ आपणच जबाबदार असले पाहिजे. परीक्षेनंतर आपल्या अपयशाचे खापर आयोगावर फोडण्याचा शिरस्ता बदलायला हवा ना आता.

नीट नियोजन करा,उरले सुरलेले फटाके आज फोडून घ्या.फराळातील आवडते पदार्थ फस्त करुन जोमाने अभ्यासाला लागा.

आता हिवाळाही मस्त कडक असणार आहे.थंडीत चांगला अभ्यास होतो.या गृहितकाचा अनुभव घेऊन पहा. नाहीतर आहेच आपले नेहमीची येतो पावसाळा. पुन्हा परीक्षा,पुन्हा आपण!