تجمع أحباب الزهراء ع ( 1 )

2022-05-29 05:01:09 #محرم_١٤٤٢
#هلال_محرم

#طور الحدي الخليجي (لمن حدا الحادي)
حضريني يالزهره
#هلال المحرم بعيون الموالي :


محرم ياحجّ الروح دمعي اعلى خدّي ايلوح
ما بطّل اونيني عالطّايح ومطروح

سجليها يالزهره راح اذرف العبره
شهر المحرم جه وسط القلب جمره

قلبي انفطر مجروح بلشت ليالي النوح
والعبره ما تنشف نبكي على المذبوح

حزني على العطشان يم النهر ظمآن
ومشققه اشفافه مرمي على التربان

اربِينه على امحرم كل ليلة وي مأتم
تحضرنه أم حسين فاطم وتبكي دم

بطفه شفت كفين وسيف وسهم بالعين
وحرة تهيم بواد تنادي ييُمّه حسين

خادمة أبي الفضل



https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-05-29 04:59:35 *جديد ـ /مولاتنا الزهراء ع وقدوم شهر محرم* / لحن جرحتو قلبي المجروح الملا عبد الحي قنبر ♪ او يا جبريل.. او التغريد الحزين او لفى عاشور~
~
عاشور الحزن أقبل والزهرا على بابه
ظهرها من الحزن محني ومنها الدمعه سچّابه
اظنها حاضرة ويانه تون لحسين ومصابه
تلطم عالضلع مكسور وتنصب مأتم المنحور~

تحضر فاطمة وْيانه وكل ونّة تفت الروح
تعين الناعي عالمنبر وتصرخ آه يا مذبوح
بجلباب السواد تدور
بالمجلس تجي وتروح
تمسح دمعة الباكين محنيّه الضلع مكسور

بعد الزهراء ع تحضر بكربله هناك عند ولدها ولها عزاء آخر…
بيوم الأول محرم تنصب للعزا ونّه
(وين ايها الشاعر)
يم باب الحسين ع هناك بباب الراس تتعنه
تزور المنذبح ظامي وللزهره غِدت حنّه
واملاك السمه نزلت تلطم والدمع منثور

(الزهراء ماذا ترى بعين البصيرة)
تشوفه والجسد ما بيه موضع ما بقى سالم
وراسه من النحر منحور ممدد عالترب نايم
وعبدالله على صدره والله بحالته عالم
ظامي منذبح ويلاه ومحزوز النحر منحور
الشاعرة خادمة آل محمد


https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-05-29 04:58:25 #هلال_محرم
#لسان حال الحوراء غ حين نظرت لهلال شهر محرم

*(ريحة خيم )*


جني اشم ريحة خيم احترقت واسمع الم
قلت هل شهر الحزن اعرفته من شفته يون
بحالي ما والله رحم

__________

هل الهلال وبجييت وقلبي فر امن الضلع
والله مكسور ورجيت روحي طلعت بالدمع
بيك يا شهر اشلقيت عمر بالهم منفجع
اسمع اونين الحمام وقلبي بالونه انصدع
انا زينب بت علي بيك امشي ابلا ولي
ياشهر بيك العجب شفته اهلالك رسم
___________

ياشهر اسمع ونين يقطع انياط القلب
ادري اعليه بجييت ودمعة اهلالك تصب
ويلي ويل من المصايب اشلون قطعيته الدرب
وحدي وابلمة يتامى امشي لديار الغرب
وينهم بالله اخوتي وين عنها امصيبتي
اشلون ياغيرة علي ابلا ولي اتظل الحرم
___________

جني اسمع بيك حافر خيل وايكسر صدر
روحي فرت من وجعها والله بفادي الكسر
بيك اشوف اطفال عطشى وعود قلبه منفطر
ابلايا راس وليه اناظر بعده مااشوفن فجر
عالرمح راسه ارفعوه وعمري والله ضيعوه
ليش مو يم النهر ليش من مايه انحرم
____________

اه ياهلال المصايب شفت جفين وقمر
وجود مذبوح بسهام مطشره يم النهر
ورايه بس تبجي وتنوح تريد راعيها ايحضر
ولونك ابدم انصبغ اعرفته محزوز النحر
ياكفيل العايله دموم منك سايله
عالترب ضامي طريح وحيل زينب انهدم
____________

جني اشوف خيام شبت وروحي اشعلها الجمر
وبيك اشوف احبال حمرا وطفله مفزوعه وتفر
وسوط يتلوى ابعيوني ايعلم بوجه الدهر
امقطع المصحف اشوفه ووجهه ذبلان وحمر
وجبل ماشي للسبي ومطر من عين النبي
وكبرت صوت الزجيه وارفعت اسود علم
_____________
*تمت بحمد الله تعالى*
*بقلم:بنت الشمري*
*___الكويت ___

https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-05-29 04:57:32 #هلال_محرم
#زينب ع وهلال محرم

گرب هلال المأسي
بانت ايام الحزن
احمر عيوني ودموعي
وانصبغ لون الجفن

————————————
باجر وصايا اهلي يحل موعدها
وامشي بفياي اجناح اخوتي بسدها
ورفت الرايه الحلوه عيني تصدها
وكلما اأشر ابو فاضل عدها

ما يطول حالي ادري
وادخل الطف وابتدي

نار وصياح وعساكر
ودمع الاطفال التئن

احمر عيوني ودموعي
وانصبغ لون الجفن

————————————
وامشي بطريق العافيه مو منه
ما يحله بي بس لون صوت الونه
ما شفت زفه لا فرح لا حنه
موحش مثل درب المكابر چنه

والاطفال بسد عباتي
تحتمي من الضرب

وانه احاميها بأديه
من السياط اليجن

احمر عيوني ودموعي
وانصبغ لو الجفن

————————————
باجر خيامي النار بيهن تسعر
ومتني كثر ما ينضرب لونه احمر
ورسوم بدر عله الرمح تتغير
والليل ونهاري اهيمن بالبر

من بعد بدر العشيره
يحدي مركب شمر

وبضحك وبروس اخوتي
يكلي ها زينب واون

احمر عيوني ودموعي
وانصبغ لون الجفن

————————————
باجر رقيه وسكنه يمشن حفاي
مجوايه رجليهن وما ضاكن ماي
اثنين بعبايه واضن يمشن جواي
وتنزف رقيه اذانها دموم هواي

عليه يشتدن همومي
وانه حرمه بلا اهل

توصل البگماطه غافي
بحافر خيول اندفن

احمر عيوني ودموعي
وانصبغ لون الجفن

————————————
باجر وحيده عله الهزل وبغربه
حرمه بسفر مسبيه كلش صعبه
ولون العبايه احمر كثر ما تربه
عيون الشمات تعاين وتتربه

والوجه بجفوفي اغطي
وساعه اشاكف بالسياط

هذا حالي باجر انه
بلايه اخو وبلا ابن

احمر عيوني ودموعي
وانصبغ لون الجفن
————————————
حيدر عيسى البديري

https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-05-29 04:56:40 #هلال_محرم

هلال الايام فرح ... هلالك انت شبي حزن
يا شهر ليش دمع .. مالي نضرات الجفن

يا .. محرم .... يا .. محرم

————————————
لبستك دون الشهور .. اسود محرم
والحزن طبعك يظل .. وايامك الهم
حتى گبل الطف جنت .. مكدر واظلم
يا محرم مو شهر .. جن طعمك السم

الدمع بيك انولد ... كلشي بأيامك يون
هلال الايام فرح ... هلالك انت شبي حزن

يا .. محرم .... يا .. محرم

————————————
تصبح وتمسي بدمع .. مابيك ضحكه
ولا اثر حنه عله چف .. بايامك الگه
يا شهر اه وسبي .. وهموم فرگه
حته دلال الطفل .. شبعته حرگه

نار راويته وسبي .. وبالغرب صار الدفن
هلال الايام فرح .. هلالك انت شبي حزن

يا .. محرم .... يا .. محرم
————————————
حمره خليت السمه .. خيم حزنها
والعرش آن ويون .. اذيت اهلها
والاملاك البلسمه .. شاغلها ونها
كسرت صم الصخر .. وجريت دمها

صارت ايامك دمه .. وللضحك لا ما تحن
هلال الايام فرح .. هلالك انت شبي حزن

يا .. محرم .... يا .. محرم
————————————
هلالك يهل بذبح .. سبي ويتامه
وطفله مدميت اذن .. اه وندامه
تبجي دم وي الدمع .. كثر الملامه
حلم ما سمعت نفس .. بنتي السلامه

ليلك وطعم الصبح .. بالالم نفس الوزن
هلال الايام فرح .. هلالك انت شبي حزن

يا .. محرم .... يا .. محرم
————————————
ماي شحيت وخيم .. عن بيت الاكرام
وشيخت ارذل بشر .. وبأرذل ايام
لأقدس ايات السمه .. يسبوها للشام
موقف يصدع الصخر .. ويشيب الاحلام

انت سويته صدگ .. لا حمه بيه وامن
هلال الايام فرح .. هلالك انت شبي حزن

يا .. محرم .... يا .. محرم
————————————

حيدر عيسى البديري


https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-05-29 04:55:10 #هلال_محرم

محرم ريته غاب - شهر حزن وعذاب
بيه صفو أهل الرسـاله ابكربله كلهم خضاب
والكواكب كلهه نزلت والشمس فوگ التراب
*
هل علينه هلال عاشــور الحزن
والدمـــع ويــاه هل اعله الجفن
اهموم وآلام ابقدومه اشگد يشن
بس علينه ويستمر شــبه المزن

شهر حسره وبكاء - ملطخ بالدمـــاء
ظلمة الدنيه ابقدومه والجرح مالحظه طاب
والكواكب كلهه نزلت والشمس فوگ التراب
*
بيـــــــــه نتذكر مصـــــايب كربله
ومعظله بي شفنه اشد من معظله
اشگد سمع مــن عدنه كلمة لاهله
اسنين مرت والعتـــــــاب اتحمله

لبس ثوب الحداد - تكلل بالســــواد
هل شــهر ويــاه واللــه ابـــد ماينفع عتـاب
والكواكب كلهه نزلت والشمس فوگ التراب
*
مايمــر مثله على مــــر الدهــر
تشهد الامـــلاك عن هذا الشهر
بيه الحره اتحملت ضيم وسهر
اگبالهه حسين انگطع منه النهر

انتصر دم الوفاء - على اسيوف الطقاء
حسين ثبت دين جـده ونطه غربان الرگاب
والكواكب كلهه نزلت والشمس فوگ التراب
*
حسين اخذ طفله وتوجــــه للنهر
الان گلبه امن العطش حيل انفطر
ابلا رحم صابوه وگطعوله النحــر
ورجع بيه حسين مكســور الظهر

جره النوح الفضيع - عله الطفل الرظيع
ياشهــر بمصـــاب ابنهه عذبت گلب الربــاب
والكواكب كلهه نزلت والشمس فوگ التراب

بيه جاسـم وســـفه ماشــاف العـرس
طـــاح دامي وطاحت ابصفه الشمس
وبيــــه الاكبر لجل ابوه ضحه النفس
سحكت اعله اجسادهم خيل الرجس

انصرو دين الامين - مضو لجل الحسين
ابهل شهر سالت دمــاهم ونذبح حلم الشباب
والكواكب كلهه نزلت والشمس فــوگ التراب
***
الخادم
كامل السعيدي


https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-05-28 12:28:20 #اعلاااان

من يوم غد يبدء نشر قصائد محرم حسب ترتيب الأيام


#خدمتكم_شرف_لنا Open / Comment

2022-05-26 21:16:02 ألا هذي الوصية

● قريض .. لسان حال الإمام الصادق عليه السلام على فراش الموت ..
.
.
.
ألا يا شيعتي دوماً فنُوحـوا
على المظلوم جدي واندبوه

ألا هذي الوصيةُ فأحفظوها
وعهدي شيعتي لا تنقضــوه

فكم لي قد رَويت لكم مراراً
ألا زوروه دوماً واقصــــدوه

ألا مــــن زاره زار النبيـــــا
وكل الاوصيـــــا حتماً بَنُوه

ألا نوحوا حسيناً ما بقيتمْ
على الرمضاءِ عارٍ فأذكروه

فَبين الأهل قد كان الوداعا
وجدي وحــــدهُ ما غسلوه

سَقوني الماءَ رَوُّوا لي فؤادي
وجدي جنب نهرٍ ما سقـــوه

ذكرتُ العاري عطشاناً سليبا
وحيـــــداً بالفـــلا ما كفنوه

فنوحوا للغريبِ مَدى الزمانِ
عزاءاً ما ظلَلَتُــــمْ شَيِّـــدوه

تمت بحمدالله تعالى
/ فاطمہ كريم
نسألكم الدعاء لتعجيل الفرج
يا أبا عبـــــــــــــــــــــــــدالله
الفاتحة مع الصلوات إلى روح والدي


https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-05-26 20:52:40 تركضت رحت من شبت النار
والصار بيك بعمتك صار
عالخد جرن دمعاتك وتذكرت عماتك
ذيج المسيه
****
بيتك عليك امن احترك بالماي رحت اطفيه
وصيوان زينب من دوه حته الفزع يحرك بيه
طفل اليطيح اعله الوجه بعمامتك تركضي ليه
وحسين كطعو منحره ومن العمامه امسلبيه

بحالك صحت يالصادق اشلون
من تسمع اطفالك ينوحون
ما تنحمل لوعاتك وتذكرت عماتك
*
زين انته ما عندك مره وكت الحرك دفعوها
بس عمتك وكت الحرك اشكد عالمتن ضربوها
ما عندك ابنيه انسبت ولا بالحبل جتفوها
لاجن رقيه بكربله اشكد بالحبل جروها

فرفح كلبها امن البواجي
ومنها خذو حته التراجي
ما تنحسب لجماتك وتذكرت عماتك



مهموم خلصت العمر وهمومك اتهد الحيل
ضليت كل ما تختنك تبجي اعله زينب بليل
جدك ذبيح بكربله وفوك الترب دمه ايسيل
فوك السهام البالصدر كل ساعه ساحكته الخيل

وينه الشيله امن الترب وين
بالخيل خلص صدر الحسين
الجدك تشب جمراتك وتذكرت عماتك
*
زين انته ما عندك جرح بكد السبوها ايتامه
شيصير كلي بحالته الذبحو اخوه كدامه
مولاي طبع الينجرح فتره وتطيب الامه
لاجن صحت شيصبره الشاف الحرك بخيامه

الفوك النهر عايفله عباس
بيمن يشد اجروحه يا ناس
واشكد حجي بصفناتك وتذكرت عماتك
*







زين انته بالصحره ابد ما شردوها اطفالك
هم عندك اوليد انذبح بيدك وعذب حالك
ما ماتت اطفالك عطش ولا فرهدوها اعيالك
وما شكك اجفوفك حبل ولا لوعو دلالك

والكلش اصعب تدري من هاي
حسين انحرم من شربت الماي
ما تنتهي مأساتك وتذكرت عماتك
**
شمسويه بيكم كربله غير الدمع مابيها
وعمتكم المتحيره اشلون الشمر يسبيها
يالصادق ابكد الخيم كام الجمر يجويها
وحجايت الما تنحجي بالطف حجوها اعليها

البت حيدر اتون ضلت النوك
معقوله زينب طبت السوك
بكد كربله شوغاتك وتذكرتك عماتك
**
تمت
#تحسين الخفاجي

https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-05-26 06:07:30 #للصادق_دم_شالت_عيني Open / Comment