تجمع أحباب الزهراء ع ( 1 )

2022-06-10 04:31:00 وي الضعن . راح الوطن .. اتنادي عيني
الحدر الضلع .. ضل ينسمع .. وني وحنيني
يل ماخذ اوياك الدفو .. الدنيا وحشه ابلا ابو
اتنادي عيني
.........

يا دمعة تكفي لغيبتك .. اه يل كلت رايح
خوفت دليلي جن طفل .. من يسمع الصايح

اه يا جلمه البويه .. طعمها تارس الريه
تدري بحالها من تروح ..تراهي اتموت البنيه

اجمل حلم .. هذا الاسم .. لمن اناديك
عشرت هوه ..وي الضوه .. دمعي اليحاجيك

بمجانك اليرهم منو .. الدنيا الوحشه ابلا ابو

اتنادي عيني
.................................

بويه اليعيش ابلا ابو .. تبين تره اهمومه
اعليه من كثر الهظم .. ايثكلن اهدومه

اليفارك ضوه اعيونه ..تايه بالمشي اتشوفه
يضل طول العمر مهموم .. يون من يسمع الحروفه

تلكه اليون .. فوك الجفن .. مرسوم غالي
ما اعرف اضم .. بويه الهظم .. تدري انت حالي

وانجرح لو كالو شكو .. الدنيا وحشه الابو
اتنادي عيني

.................

من يوم ما سار الضعن .. اسمك على الساني
جن والده فكدت ابن .. انشافت احزاني

ونت فاكده اعليكم .. اونن والخلك تسمع
ضعنكم دوم اناطرله ..واني ادريبه ما يرجع

الما عدها اهل .. تلكه الامل .. من عدها غايب
تحجي بالم .. حركه ندم .. اه يالحبايب

مهضومه يل ماعدها اخو .. الدنيا وحشه ابلا ابو
اتنادي عيني
..........................

يل شايل من الله عطف .. ما شاله كل واحد
الدار ما ينطب بعد ..من يرحل الوالد


الدار اتون ونين ايتام .. من يروح راعيها
يبين شوكها الحيطان .. لمن ما يرد ليها

تسمع صدى ..حزني ابتده .. راعينه وينه
لصوته تحن.. لاجله وتون .. تبجي وحزينه

ويبين اسبابه وشنو .. الدنيا وحشه ابلا ابو

اتنادي عيني
.....................................

ايعينه الله الغربو .. اهله ومشو عنه
تلكاه يناطر عالدرب ..ونه باثر ونه

بالرايح يضل والراد .. ينشد عن اهاليه
معذور الطم يحسين .. كلمن فكد غاليه

وحده ويحس .. ظلمه الشمس .. لو هي فوكه
الفارك اهل .. واضح يضل ...بعيونه شوكه

كلماته تتعثر عفو .. الدنيا وحشه ابلا ابو
اتنادي عيني

#ايوب يوسف الطوكي

https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-06-10 04:30:14 كل هلي على ضهور النوك ركبو
الماخذو انه العليله الماخذو
مافكرو مجفين وبيه مافكرو
مسمعوني حشمت بحالي مادرو

بليل حاديهم سرى وشال
وعباس عمي شلون من شال
وحسين ابوي وكل العيال


من الدار كالو خل نحمل
نسوان وزلم وزغار ترحل
وبس العليله كالو تظل

اي العليله هاي هيه يالعليله
كطعي الامل مابعد حيله
موتي بحيرتج من تشتكيله


ضمي الحجي من يرجع الحيد
هذا الفراك طبعه يتعب الوحيد
اهلج ماخذوج وشالو بعيد

موتي ماردو عليج وياخذونج
يعمه بعيد درب اليحدونج
وعله العليله مايردونج

وين ارجال هاشم وهلي السباع
ماردو عليه وروحي ترتاع
نسو عدهم عليله بساعة وداع

\\\\\\\\\\\\\\\\\\\\\ؤ
تمت بعون الله
بقلم الشاعره ام زهراء الحسيني
لايجوز حذف اسم الشاعره


https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-06-10 04:29:37 قصيده للسيده ابنت الحسين فاطمه الكبرى عليها السلام

هونك ياظعن تاني العليله*
ماعدهه خلك وحيل التشيله
امبيَّنه مريضه مرمره // يلشايلين القافله
تاني العليله٢
~•○~•○~•○~•○
هونك هاياحادي للعليله واني مسراك
المرض هدني وكتني تناني ارجاك
تهدالي المشي رايض على هواك
ياهل شلتو ولاكلتو العليله خذه وياك
ريضو ياطيبين * البت الحسين
ياهو بولمها مادره // يالشايلين القافله
تاني العليله٢
~•○~•○~•○
ظلت وحدها تنتحب ينسمع ونهه
والله من افراك البو يلجم حزنهه
دموع فركتهم تره بخدهه جونهه
خاف تموت الوحده ومن يوصللهم علمهه
مبحوحت الصوت * جيبلها تابوت
هاي العليله محيره // ياشايلين القافله
تاني العليله٢
~•●~•○~•○
صاحت دردو ياهلي خلوني ارتاح
ظلوعي حانيها المرض مني الخلك راح
طبع المريض اهله تجي اتعلله ويرتاح
بس انه عافوني هلي ماسمعو نياح
اليلجمهه الفراك * ومنه النفس ضاك
ليش بحزنهه موزره // يالشايلين القافله
تاني العليله٢
~•○~•○~•○
شويه تانو فدوه احاجيكم يالحباب
السحكته الفركه بجسمها لمرض ماطاب
ويالرحت بيهم اشويه احسبلي احساب
بفركتك ياحسين بويه كلبي انصاب
من كل كتر معيوبه * بفركه البو مصيوبه
عفتوني انه مرمره // يالشايلين القافله
تاني العليله٢
~•○~•○~•○
صار داري ميت ومايملك احساس
لاعمتي يمي بقت لاردعلي جاوين عباس
حزن فاطم علبو واعله زينب عجب الناس
ابعيد درب الي مشوا شيبلي الراس
ما شافت افياي* كرهت شكو ماي
متدري صارت مجزره // يالشايلين القافله.
تاني العليله٢
~•○~•○~•○
مرساله لمن وصل لحسين وشكال
بدمعاتها كتبت حجي لاتبطي اْزعل
من قاراه حسين دمعه صار يهمل
شكد مصايب ياكلب فاطم تحمل
طف كربله بعيد *** وشوف البوه تريد
عله حسين صرات دايره // ياشايلين القافله
تاني العليله٢
~•○~•○~•○~•○
تمت ____ بقلم الشاعره ام زهراء الحسيني


غير مبراء الذمه من يحذف اسم الشاعره


https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-06-10 04:29:01 لا تروح لخاطري .. اشتاكلك ياوالدي

يا حنان الله الغفه بذرعانك
روحي ما تنطي اودع احضانك

لا تروح الخاطري
................................

يلعفت بعيوني حسره .. اعليه بلكت تلتفت
كلمة البويه عزيزة .. بيها تتباها البنت
ياهي مثلي اضل عليله ..لا اخو اليمها واخت
ياهوى الروح وضواها.. روحي راحت من رحت

يا شمس دلالي .. كلمه هاي ابالي

مشتاكه اسمع بنتي من السانك
روحي ماتنطيني اودع احضانك

لاتروح الخاطري
.................

لحظه الغرب ضعنكم .. صاحلك دمعي اليهل
ابلا ابو الدنيا وحشه .. بويه ابد ما تنحمل
حبك التارس الحياتي .. لاتظن من عنده امل
يا خليل اكليبي ناده .. مايعيش ابلايه خل

ما اعيش ابدونك .. الا نور اعيونك

اشلون اصدله خالي ضل ديوانك
روحي ما تنطيني اودع احضانك

لا تروح لخاطري
........................................

يا دفو المبيوك مني .. دنيتي صارت برد
وامنيت كلبي الوحيد .. بويه اغفى اعله زند
شفت يابويه بمنامي .. خيل تسحك بالحمد
وكام يترواله بخيالي.. اكبالي مذبوح ورد

يل سكنت احلامي .. انت نور ايامي

اعليه تبجي من رحت حيطانك
كلبي ما ينطيني اودع احضانك

لا تروح لخاطري
......................................

كاعده اعله الباب اتاني .. وادعي من الله الصبر
وبيها كل لحظه التمرني .. اعيوني تنزفلك جمر
واحجي وي روحي واسولف ..طفله ما احمل هجر
ابعيني احس الدنيا ظلمه ..حتى لو صار الظهر

الدنيا ظلمه ابعيني .. ومحد ايدليني

وانه اعرفك ما تسد بيبانك
روحي ماتنطيني اعوف احضانك

لاتروح الخاطري
.........................

اه حسرات وندامه .. مارحت وي الضعن
البنت لو راح ابوها ..يعني تبقى ابلا وطن
تصير بالدنيا غريبه .. اعليها تزاد المحن
الحايره وما الها احد .. بويه ياذيها الزمن

الودعت واليها .. الزمن ياذيها

تارس الدنيا عطر ريحانك
روحي ما تنطي اعوف احضانك

لا تروح لخاطري

#ايوب يوسف

https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-06-10 04:28:33 المولاتي العليله عليها السلام


رايحين وحيلي راح
خاف اموت من النياح
اخلافكم بيش استراح

هنا يهلنه. هنا يهلنه

......

كاعده محضره الملابس
عود اروح وعندي واهس
مانمت من كد فرحتي

فرحه ما دامت ثواني
حسين صاحالي وخذاني
كال اسمعيني يبنتي

بويه سفرتنه طويله
وانتي يبنيتي عليله
فرحتج صارت دمعتي

رديت بدمعتي وحسرة الروح
حاجتني رقيه وگلت ماروح
شحلات اللمه كلكم يمي الاعزاز
بس ترحون أجابل وني والنوح

هنا يهلنه. هنا يهلنه
......

صعدّو كل الفواطم
حسين ابوي وكمر هاشم
وانه محد گلي اصعدي

بس عمت عيني رقيه
كامت تباوع عليه
الدمعه البخدهه اعله خدي

صار الموادع بواجي
ردت اگلهه اعله التراجي
خل يظلن يختي عندي

مالحكت اكلهه وصار الاوداع
مشه الحادي بضعنهم كوطر بساع
عمت عيني التراجي هناك تنباگ
ودم اذنج رقيه يترس الكاع

هنا يهلنه. هنا يهلنه
..........

راح أظل اكعد وناطر
حسين واعدني اعله باجر
كال اوديلج رسايل

مولحت عيني بدربهم
بلكت الله يحن كلبهم
ويرجع اعليه بو فاضل

المن ارجع ضلمه بيتي
بس ارد توصل منيتي
الواهس من البيت شايل

وكت ادواي فات وما شربته
المفارك محب ماتشفه علته
خلوني أطيب وروحو يحسين
وكت الفركه كلش موش وكته

هنا يهلنه. هنا يهلنه
.......

من التعب سلهمت عيني
وطيف ياخذني من اديني
جني بالطف وي اهلنه

مو عليله و ردلي حيلي
يامرض يوصل دليلي
ومن جديد التم شملنه

حسين حبني وحب خواتي
وگال احبجن يا بناتي
وكام يحضنه ويلمنه

شويه وفتحت من الحلم عين
لا يم الاهل لا يمي الحسين
حسره بكلبي صارت ذيج الايام
اجيب اعزاز كلبي الراحو منين

هنا يهلنه. هنا يهلنه
........

ياهلي هلبت كلبكم
ينكسر يذكر بنتكم
اخلافكم تكسر الخاطر

بكثر ما انشد عليكم
بدرب اليروح ويجيكم
ابابي ما يعبر امسافر

احسب ايام الوفاتي
اخلافكم شلي بحياتي
روحي حنت للمكابر

اول مره احس الموت راحه
المن عايشه الما مستراحه
عليله وفوگ مرضي امفاركه اعزاز
وخلصت العمر ون اونياحه

هنا يهلنه. هنا يهلنه
.......
#الخادم موسى البطلي

https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-06-10 04:28:03 #للعليله..

طفله محرومه من ريحـة هلي طفله
گلـبي ابجفــــاهم مبتلي طفله
مجبورهه اعيش ابلا ولي طفله
ـــــــــــــــــ ❁ ❁ ❁ ــــــــــــــــــ

من حده الحادي ابسفرهم
گلبي رفرف ـــ چن حمامه ـــ وي ضعـنهم

بس جسد ضليت اعيشن
من بعدهم ـــ واني ضلت ـــ روحي عدهم

علتــي أوحشــت ديـاري
عذبـــــني ـــ وگمت اساهر ـــ مـن بعدهم

احلم يرجعلي ابوي امن السفر احلم
من بعده مكســـورة ظهر احلم
ويگلــي بويـــــــه ادللــي طفله
ـــــــــــــــــ ❁ ❁ ❁ ــــــــــــــــــ

غيبتـك وســــهام هجرك
صوبـــــني ـــ وگمت اسولف ـــ ويـه روحي

كون أطـــول ما اشــوفك
تعمه عيني ـــ ولحظه ماضن ـــ يهده نوحي

اجروحي بسمك سجلتهن
يمته ترجــع ـــ حتى يشفن ـــ كل جروحي

وينك اعيوني مشتاقات الك وينك
يمـــــته ترد وتنفسـك وينك
لا انته اجيت ولاعلي طفله
ـــــــــــــــــ ❁ ❁ ❁ ــــــــــــــــــ

ذبلت احــــلامي العشته
وبنتضــارك ـــ روحـي ورده ـــ وذبلتهه

يبست قصـــني وتنــــاثر
فـوگ دربك ـــ وي دمعـــتي ـــ النزلتهه

اشلون اعيش ابلا وجودك
يل وجودك ـــ يمي فرحه ـــ وضيعتهه

حزني ماينوصف بعدك صبح حزني
بالدنيه كسرلي الجنح حزني
يابويه غيرك ياهو الي طفله
ـــــــــــــــــ ❁ ❁ ❁ ــــــــــــــــــ


الدنيه غابه واني وحدي
والرزايــــه ـــ اتحــيط بيه ـــ وگلـــبي حاير

كافي يا دنيــه مئاســي
صبري خلص ـــ عل مصــايب ـــ گــوه اكابر

گصرني عمـري النوايب
والبواچي ـــ وكلشي وحشه ـــ ابعيني صاير

شهگه غـــرگانه يل ردتـك تمـــــر شهگه
يالعــــايش اويـاي العمــــر شهگه
بعدك اويه ادموعي اختلي طفله
ـــــــــــــــــ ❁ ❁ ❁ ــــــــــــــــــ

عطلت ميل الثـــواني
من كثر ما ـــ بيه احسب ـــ يمته ترجع

حتى لو بحلامي ردلي
ارد اشمك ـــ بلكي منك ـــ بويه اشــبع

املت روحـــي بلقائك
ياحبــيبي ـــ خــبر منك ـــ يمته اسمع

ترجع لحضاني ماضنك بعـد ترجع
ايست مـنك يالعــــمد ترجع
بالدنيه من بعدك شلي طفله
ـــــــــــــــــ ❁ ❁ ❁ ــــــــــــــــــ

الخادم
كامل السعيدي


https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-06-10 04:26:52 #العليله..

يالنويتو اعله السفر … كَلبي مايحمل قهر
بويـــه ياحسين

بويه يوم السافرت -- جن ألف موته متت
بويه يوميه اموت ابفكَدك آني
نزلت ادموعي جمر-- والوداع اصعب امر
من حده الحادي ابضعنكم عذباني
يالخذت كَلبي ورحت-- ورده ذبلانه اصبحت
من زغر سني بهجركم كَمت اعاني

جنتو لعيوني ضوه -- هلـي يانسمة هوه
بويـه ياحسين
****

من بعدكم ياهلي -- بالمصايب ابتلي
وبقه احن ألكم وناطركم تجوني
وحشه داري ومضلمه -- فاكَده انجوم السمه
وآنه محتاره وتغير حتى لوني
اخلاف زينب والكَمر -- رافكَ اعيوني السهر
سافرو لرض الغرب ماودعوني

كَاعده ابدرب اليمر -- انطر احباب العـمر
بويه ياحسين
*

لارساله ولاخـبر -- بيه ابـد ماظل صبر
روحي خلصت وي وداعك يابو الاكبر
بويه تدري ابحيرتي -- حيل زادت علتي
كل دقيقه ابكَلبي جرح الفركَه يكبر
اكسر الخاطر صرت-- بالرزايه اتحزمت
ونت الزهره اون ونـاري تسعر

طفله من عمري اشفت -- والله حيل اتعذبت
بويه ياحسين
**

من افز من نومتي-- يمي ماشوف اخوتي
وركض ابلايه شعور ولاوعيه
يهلي ليكم كَمت-- طير ويحن عالقصن
ورسم ابالي صوركم كل مسيه
لوذكرت ام الخدر -- يمي يتفاوح عطر
وبقـه اتنفس حنـان الهـاشميه

خالي هزيت المهد -- عالطفل كَلبي انمرد
بويه ياحسين
**

آه من جور الزمن -- طفله راواني المحن
ليش وياي الزمان اهواي قاسي
فاض بركان الألم -- واهس اسنيني انهدم
من ألم دنياي شيب حتى راسي
جنت اعيش امدللـه -- هسه وحدي امعلعله
راح اخلص كل حياتي اويالمئاسي

صحت ياربي الصبر -- حيل تعبني الهجر
بويه ياحسين
****

الخادم
كامل السعيدي



https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-06-10 04:26:23 عمـي يمحمد بگينه ابدارهم
ننتظر ترجع علينه اخبارهم
ماخذونه اوياهم
وسفـه فارگناهم
«»«»«»«»«»«»«»
گاعـــد وحمل ضعنهم وانــــه عالخد دمعتي
اتعذبت مــــن ودعتـــــهم زاد ونـي ولوعتي
والله يمحمد بعــــدهم ضلمه صــارت دنيتي
فارگت أهلي وعمامي وراح اموت ابحسرتي
عنه شالـــو وبعــــدو بضعونهم
كلشي مايسوه العمر من دونهم
ماأطيق اجفاهم -- وسفه فارگناهم
«»«»«»«»«»«»«»«»
راح عـــــن علتـــي اشتكيلك وشتكيلي علتك
بيدك امسح دمــع عيني وبيدي امسح دمعتك
خلـــي نتبـــتادل يعمـــــــي بين ونـــي أونتك
انه راح ابچي اعله اخوتي وانته ابچي اعله اخوتك
تركو ابروحــــي ألـــــم بغيابهم
اشلون لوحادي الضعن ماجابهم
نبقه نترياهم --- وسفه فارگناهم
«»«»«»«»«»«»«»«»
والفضل ضل وحــده حاير ينعه ابوه الودعه
ونتــه اتهد الرواســـــي يبچي ويهل مدمعه
اگلوبنه اخلاف النحبهم مـن حزنهه امصدعه
الدنيـــــــه بس للنايبات ابواب الهه امشرعه
الدنيــه ابد ماتنحمل نكباتهه
جرعتني امـن الزغر لوعاتهه
والعشت بحماهم --- وسفه فارگنهم
«»«»«»«»«»«»«»«»
والــــدي أبعـــد عليه ابشـــوگ اناطــــــــــر جيته
اتعــودت بحضينه انام وغفــــــــــه لو شم ريحته
الدنيه احس تضحكلي چانت من اشوفن ضحكته
واللـــه هـــد حيلي ابغيــــابه اتعذبت مــن فرگته
عني سافــر وانتظــــر خلاني
وخــــذ وياه الاهل وخــواني
مگدر ابلياهم --- وسفه فارگناهم
«»«»«»«»«»«»«»«»«»
ابالي مرسومه صورهم وانه ليليه ابحلم
هسه يرجعلي ابـــوي وعمي شيال العلم
ادري سفرتهم طويله وانـــه ذابحني الألم
ما اضن نرجـع سويه والامـل حيل انعدم
مااضـــن يلتم شمل خلاني-- (الخل)
فگد اهل بيتي جمر جواني
احبابي ودعناهم--- وسف فارگناهم
«»«»«»«»«»«»«»«»«»«»
الخادم
كامل السعيدي


https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-06-10 04:25:50 للعلیلة عليها السلام

راحو هلي..راحو هلي
تكتلني سكتتهم
ماجن انه بتهم
راحو هلي..راحو هلي
_
صار الحچي بس بالهمس من احضرانه ايسكتون
وقره بوجوه اهل الرحم نظرة اموادع العيون
حسيت شي ظمو علي يمي اسف مايحچون
فردوني ماادري شعجب ظن لرحيل يحضرون
ماچني من عدهم
تكتلـــني سكتتهم
راحو هلي..راحو هلي

العلويه ام رقيه

لملم خواتي و ماحچه خايف عليه اسمع
حين الي حملهن اجه بصدره حظني وودع
گلي يبويه فاطمة اوصلهم وتالی ارجع
لمن سمعتة ابونتي حسيت گلبي اتصدع
انجمعو ابلمتهم
تكتلني سفرتهم
راحو هلي راحو هلي

ام عمار الصائغ

أيشوفوني أني بوجل وشيخ العشيره يمي
ولتفت ليه والدي والدمع منه يدمي
محروسه بالله فاطمة وعلينه بويه سلمي
ماخذ خواتي بالضعن چاليش حتى امي
ياروحي شافتهم
تگتلني سكتتهم
راحواهلي..راحوا هلي

ام علي المالكي

فردوني ما ادري اشعجب شنهي القضیه یارب
یخافون لن مرضي یعم ابهالسفر وانه اتعب
اصنت الهــم و اندعي وجمرة لهیبي تلهب
ما تروح تبگه فاطمه حسینی یخبر زینب
انتظر ردتـــــهم
تکتلني سکتتهم
راحو هلي...راحو هلي
ام مهدی مجدم

خلوني وحدي بالنزل راحوا هلي واخواني
اخذوا خواتي وعمتي ضليت اون بس آني
اتسله بالهم والقهر ومغيّرات الواني
والبيت لو مابي اهل ماينعرف عنواني
عافــوا ابنيتهم
تكتلني سكتتهم
راحو هلي...راحو هلي
ام فراس الساعدي

وحدی بگیت ابـدارهم بس المرض غاطیني
من حملو اهلي ومشو دمعاتي اتسلیني
نذراً علیه لورجع والدي وشفتة بعیني
افدیه کله عمري اله وافدیله کل اسنیني
سلتني وحشتهم
تکتلني سکتتهم
راحو هلي... راحو هلي
المیرزا ام لیلی الخاقاني

تمت بجهود شاعرات اهل البيت ع


https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-06-10 04:24:52 العليله

فارگوني احباب گلبي«»«»«»ليه رجعهم يربي
فارگوني فارگوني«»«»«»فارگوني فارگوني
«»«»«»«»«»«»«»«»«»«»
غافيه اعيوني ابمنامي،،،وفزت الصوت الرحيل
وبالظعن طوح الحادي،،،الكربله ناوي يشيل
صحت وياكم اخذوني،،،والدمع مني يسيل
يالسفركم هدم حيلي،،،والعليله ابلايه حيل
،من المرض نحلان جسمي«»«»«»والعليله صار اسمي
،،ودعوني ودعوني«»«»«»فاركوني فارگوني،،1
«»«»«»«»«»«»«»«»«»«»
ليش عفتوني غريبه،،،ودمعتي عالخد تفوح
فوگ العله هجركم،،،وزادت اجروحي جروح
راحت اسكينه ورقيه،،،و ليش اني ما اروح
اغيابكم يصعب عليه،،، عليكم ابقى بس انوح
،ليلي يگضي بالمدامع«»«»«»وبيه اتهيج المواجع،
،،ما يجوني مايجوني«»«»«»فارگوني فارگوني،،2
«»«»«»«»«»«»«»«»«»«»
شيعت صبري بعدهم،،،والصبر مني انطوه
من شفت عباس عمي،،،شايل ابجفه اللوه
اشكد ترجيت اخذني،،،اوياك عمي النينوى
ورحت يم حسين ابويه،،،وخدي ابدمعي انجوه
،راحو احبابي من أديه«»«»«»سافرو لرض المنيه،
،،اتعذروني اتعذروني«»«»«»فارگوني فارگوني،،3
«»«»«»«»«»«»«»«»«»«»
طفله والوالد فگدته،،،ومن مشه ضاع الاامل
وراح الاأكبر من أديه،،،عليه صعبه من رحل
ريت ميته ولا فكدهم،،،و البعد لا مو سهل
وادعي ابليلي ونهاري،،،ربي رجعلي الا اهل
،هم يرجعون الوطنهم«»«»«»ونظرابعيني ظعنهم،
،،ياعيوني ياعيوني«»«»«»فارگوني فارگوني،،4
«»«»«»«»«»«»«»«»«»«»
هوايه عذبني انتظاري،،،وشايله ابگلبي ألم
ولو غفت عيني ابمنامي،،،يختلف نوم اليتم
ابلايه اهلي ولا ابو يه،،،بكربله نصبو خيم
والهوه يخنگ ابر يتي،،،بي حرگ اخيام أشم
،الكربله اتصد النواظر«»«»«»وحالتي تكسرالخاطر،
،،ضيعوني ضيعوني«»«»«»فارگوني فارگوني،،5
«»«»«»«»«»«»«»«»«»«»
منين اجيب الراح مني،،،والدرب اعليه بعيد
والمرض ياكل ابعظمي،،،مثل سيف ايحزوريد
جوت اخدودي دمعتي،،،لحظه ما تقبل تهيد
امدلله جنت انه عدهم،،،وهسه ماعندي عظيد
،،ياعليله اتنوح مثلي«»«»«»من المرض ولفراگ اهلي،،
،،حيروني حيروني«»«»«»فارگوني فارگوني،،6
«»«»«»«»«»«»«»«»«»«»«»«»
الشاعرقصي القاسمي


https://t.me/joinchat/AAAAAEXfC0WTgXR6jaIf6w Open / Comment