ياخويه يالكمر.... من الخيمه للنهر .شكد صعبه جيتي.... أني الحسين يبوفاظل
****__
واكف انه باب الخيم... ولجيتك اني اتنطر وصوت أسمعت منك تره... ادركني يابو الاكبر من الخيمه تيهت الدرب... وحالي تراهو تغير بلكوه جانت مشيتي... امشي انه واتعثر
كل حيلي انكسر ... من الخيمه للنهر. .شكد صعبه جيتي.... أني الحسين يبوفاظل
****__
من عطرك اعرفت الدرب... واعرفت واكع بس وين وصوت اسمعت من العده... ظليت وحدك يحسين ايدي عله ظهري انه....ودموعي بوسط العين متجمعه فوكاك الزلم... طايح وفوكك سبعين
ياحالك بخطر... من الخيمه للنهر . .شكد صعبه جيتي.... أني الحسين يبوفاظل
****__
حطيت بحظني لجن ... ويصعب الحال هوايه لا ما عرفتني من الألم....وشاب الكلب من هايه مجروح انت بكل كتر... وطايحه وياك الرايه مطروح وبصف النهر ... سمعني خويه حجايه
والزمته الظهر.... من الخيمه للنهر .شكد صعبه جيتي.... أني الحسين يبوفاظل
****__
راسك تهشم للاسف... ونصين صاير هالراس بجروحك ابدا ما تهم... بزينب تهم يا عباس وشكثر بيه تشمتت... لمن طحت هاي الناس كل ما اشاهدلي جرح... انهدم يابوالاحساس
واشبع انه قهر... من الخيمه للنهر .شكد صعبه جيتي.... أني الحسين يبوفاظل
****__
جفين ماعندك شفت.... لايمنتك لا يسره بعد اني شصبر عالجره... كلي الكلب شيصبره راح اني اظل بعازتك... من اوكع اعله الغبره بصدري من يجلس شمر... زينب تطر الصحره
ينكطع نحر... من الخيمه للنهر .شكد صعبه جيتي.... أني الحسين يبوفاظل
****__ منتظر صالح الكعبي
ـــــــــــــــــــــــــــــــــــــــــــــــــــــــ مؤسسة منبريون للالحان رقم 1 @ahmed_alziwar1 مؤسسة منبريون لنشر القصائد 2 @ahmed_alziwar2 مؤسسة منبريون للمقامات3 @ahmed_alziwar3 مؤسسة منبريون للنعي4 @ahmed_alziwar55 (كروب مؤسسة منبريون) الكروب الاول https://t.me/+tVfRCNCfpmJlMGRi الكروب الثاني https://t.me/+tVGiZHdfNq81ZGYy قناة اليوتيوب الرسمية رابط الاشتراك https://youtube.com/channel/UCz03jT4unuka51X7foOyXcg قناة الحان الرادود احمد الزوار على اليوتيوب https://youtube.com/channel/UCEa2AIfPlXlAHgT7b8hxpvA
