1.مؤسسة منبريون الحسينية🧿

2022-09-02 21:59:36 #قصائد_شهادة_الامام_الحسن_عليه_السلام #مـۄسسـﮫ_مــﻥــبـريۄن_للالـﺢــان الناشر.احمد.الـــزوار.cc يمته ننصب بالبقيع قرايه ونعتني لكبر الحسن مشايه * ــــــــــــــــــــــــــــــــــــــــــــــــــــــــ لا گُبّه لا مــــناره لا مشهد و زياره … Open / Comment

2022-09-02 21:59:35 #قصائد_شهادة_الامام_الحسن_عليه_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

يمته ننصب بالبقيع قرايه
ونعتني لكبر الحسن مشايه
*

ــــــــــــــــــــــــــــــــــــــــــــــــــــــــ



لا گُبّه لا مــــناره لا مشهد و زياره
لا باب لا حضره نشوف
لا مرقد اعلـــيه انطوف
*
يالخلّصت عُمـــــرك ألــــم من فاجعــة يوم الدّار
من نگلوا اعليها الحطب وبعينك اتشّوف الصّار
من جذوع و ثجيلــة و زن باب العليه شبّوا نار
بي عصروا أُمّك فاطمه وصوّب ضلعها البسمار
حامي و طفه بصدرها وچف الرّجس سطرها
مابين ارهاب و خوف
لا مرقد اعليه انطوف
*
ومن بعد عينك شــاهدت طــــبرة علي بمحرابه
بيد الرّجس سـيف الرّجس طر هامته و لا هابه
بحجرك خذت راسه وگمت تمسح دمايه صوابه
عن وجـــــها وتهل يالحسن دمعــــاتك السّچّابه
دمع اليتم بخدودك لأُمّك تنوح وعودك
ياجرح بالدّمعه تروف
لا مرقد اعليه انطوف
*
بهالحال وبهذا الوضع يالمُجتبى عشت أعـــوام
و ظــــلّام عصرك عاشرت ما سالمت للظّــــلّام
من بني مروان شكـثر شــفت و تحمّلت اجــرام
دسّـــــولك السّم و گضت روحــــــك بذيچ الآلام
بالطّشت تنزف چبدك وحسين أخيّك عندك
دمعه المُصابك مذروف
لا مرقد اعلــيه انطوف
*
بطشت المــــنيّه يشاهدك تتقيّه چـــبد المسموم
و بخدّه دمعـات الحزن معصوم يبچي المعصوم
اعله چتافه نعشك شايله وأظلم عليه ذاك اليوم
يعـــاين بنعشك چم سهم صـابوه و يسيل دموم
وأم الجمل تتكهّن من لانُحب لايُدفن
يم گبر جدّه ولا شوف
لا مرقد اعليه انطوف
*
بچفوف اديه گبرك حفر وعله التُّرب حط خدّك
و بلحد الموادع نزّل بس روحــــــه ظلّت عندك
مابيّه عالگومــه بعد واشلون أعـــــوفك وحدك
فگــدك أحس ظهري كسر يالمُجتبى وحق جدّك
بياعين أشوف مچانك خالي ووَحش ديوانك
وانته الكريم المعروف
لا مرقد اعلـيه انطوف
*
نفســــه المنع دفنه اجه اليوم و هـــدم للحضره
وتساوت الوجــــــه الأرض ذيچ القباب الصّفره
مشـــرك يســـمونه اليجـي ويريد يحظن گـــبره
لايَمّـــه توصل شـــيعته و لا يَمّـــه ناعي اليقره
يايوم طالب ثاره يگوم ويشيّد داره
وتتعنّه زوّاره صفوف
لا مرقد اعليه انطوف
لا مشهد وزياره
*




الشّاعر
أبو سجّاد الجعفري
1 صفر 1443هـ
قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg

قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

كروب الالحان رقم 1
https://t.me/joinchat/Dw92Dj9pmspR5uHfACGjlA

كروب الالحان رقم 2
https://t.me/joinchat/Dw92DkJZ4tvb4YIzJWBWrg Open / Comment

2022-09-02 21:57:40 #قصائد_شهادة_الامام_الحسن_عليه_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

يمته ننصب بالبقيع قرايه
ونعتني لكبر الحسن مشايه
*

ــــــــــــــــــــــــــــــــــــــــــــــــــــــــ


گلبي انخمش           مــن النعش
صابــه سهام           ون العـرش
للفاجعه ودمعي يسيل لمصاب ابـــــــــــــــــــــــن الزهره
******
نعش الحسن لمّن بــــــــــــــــــــــده تشييعه
يم جــــــــــــــــــــــــدّه ردنه دفنته وتوديعه
علينه اعتــــــــــــرض چم ناصبي بتشريعه
أم الجمـــــــل           ابْغِـــلْ وجهل
رفضــت الأمر         وايّـــــــد ملل
مـــــــــن هالناس وصابــــــــت كلب كلمن يوالي العتره
**
الأرض البقيع اتّجَـــــــــــــــــــــه بي دفّانه
ليطيع أمــــــــــــــــــــــــر المجتبى مولانه
وينفّذ أمـــــــــــــــــــره وكلشي بي وصّانه
يم بت اســـــد         شاله وگصد
للوصّــــــــــاه         يوفـي العهد
الحسين ابن داحـــــــــــــــــــي الباب اليعرف بأمره وسره
 ************
أبـــــــــــــــــــــــــن الحكم ملعون سدد سهمه
وصاب النعش بسهــــــــــــــــام لاحت جسمه
وجردت سيفـــــــــــــــــي ردت أقابل خصمه
رِدتْ انتقـــم           مـــــــن الظِلَمْ
العانـــــــــده           ابـــــن الحكم
وبسيفي مـــــــــــــــــــــــــا بقّي اثــار للمعتدي والكفره
 ***********
الحسين أخويــــــــــــــــــــه صاح سيفك ردّه
مو هــــــــــــــــــــــذا يومه خويه ردّه ابغمده
يـــــــــــــــــــــوم الطفوف هناك يظهر مجده
بطــف كربله         جولـــــه إله
ويجلي هموم          گومه وهله
ويحمي ضعن المخدرات ويأمّـــــــــــــــــن أمنه وخدره
***
تمنيت أخويــــــــــــــــــه الحسن عاف أوصيته
جان الجمعهم هـــــــــــــــــــــــــذا بيـــدي فنيته
وبسيفـــــــــــــــــــــــــي راس ام الجمل حزيته
ومتضــل فتن         طــول الزمن
مـــن يرحون         اهــــل الوثن
ويعم الأمـــــــــــــــــــــــــان بكل دار بالكون كلّه وأسره
 *************
چان الگبر متشيّــــــــــــد وبـــــــــــــــي أسوار
ويوميه بـــــــــــــــــــــــي تسعه وتزور الزوّار
والذهـــــــــــــــــــــــــــب بي يلمع تشع الأنوار
صحـن الحسن        جـان الوطن
والمحتـــــــــار       بــي يستجن
ومــــــن عنـــده ياخـــــــــــــــذ ليريد ويفرّج أمره وعسره
***
بالحسن يــــــــــــــــــــــــــا رب نسالك ومصابه
أتعجّل فــــــــــــــــــــــــــرج مهدينه تنهي غيابه
بلوعه وألــــــــــــــــــــــــــــم وآهات كل احبابه
عاشــت رعب        يجوي الگلب
صــــار سنين        دمـــع المحب
يجري الأبــــــــــــــــــــــن حامي الجار من كل فرد ينتظره
 
 
 
 
 
 
الشاعر
قاسم حتروش البلداوي
خادمكم
أسألكم الد

قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg

قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

كروب الالحان رقم 1
https://t.me/joinchat/Dw92Dj9pmspR5uHfACGjlA

كروب الالحان رقم 2
https://t.me/joinchat/Dw92DkJZ4tvb4YIzJWBWrg Open / Comment

2022-09-02 21:57:19 #قصائد_شهادة_الامام_الحسن_عليه_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

يمته ننصب بالبقيع قرايه
ونعتني لكبر الحسن مشايه
***

ــــــــــــــــــــــــــــــــــــــــــــــــــــــــ

استشهاد الإمام الحسن عليه السلام

ليش ما ألك كبـــة ومنارة
ليش من بعيد أقره الزيارة
ليش يا حلـم طال أنتضاره
يا أمامي
.............................................
شيبة شيبة خلصت عمري الجفاك
ضايع ومالك أثــــــر وافتر وراك
كلبي من كد المحنه طيف أجـــاك
حتى بكبور الحلم هم مـــــــا لكاك
وين بيا كتر كبرك واجيلــه
وين اليا أمام أمشي اشتكيله
وين كلبي لا مــا تطفه ناره
ياأمامي
.............................................
عادة عند الليحب مـــــــن ينجرح
عمره يخلص ليل ويجافي الصبح
آنــــــــــه ليليه أمن اذكرك انذبح
كولشي فا هي أبدنيتي وأنته الملح
كون كبرك اندلــــه وأشوفه
كون مثل كبر حسين أطوفه
كون بحضرتك أقـره شعاره
يا أمامي
...............................................
كون ألك كبه ومنـــــاره يالحنيـــن
وبمضيفك توكف أعله الزائريــــن
وكون الك عاشور هم مثل الحسين
وتعتني المشايا تحيي الأربعيــــــن
ريت عمري للمهدي جذوره
ريت أيعجل الباري ضهوره
ريت ويبني كـــبرك بالغياره
يا أمامي
..................................................
ليش ضايع كبرك وهو انته نور
وليش من أبعيد كل عاشك يزور
يالحسن كل عمري خلصته نذور
يا ألاهي رحمتك عَجـل الضهور
نار كلب ألي ايجافي حبيبه
نار روحه من جسمه سليبه
نار ضاع كبــــرك باختياره
يا أمامي
.........................................
أنموت نحيه الذكرك انقيم العزاء
يا أمام وخامس أصحــاب الكساء
شما يمر بينه جرح يعلوا النـــداء
كل شهر عاشور عدنه وكل أرضاً كربلاء
عهد نبني كبرك مـــن دمانه
عهد أبصحنك أنسوي عزانه
عهد شيعتك رهــــن ألأشاره
يا أمامي
...............................................
خادم خدمة الحسين
الشاعر
محمد الموالي




قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg

قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

كروب الالحان رقم 1
https://t.me/joinchat/Dw92Dj9pmspR5uHfACGjlA

كروب الالحان رقم 2
https://t.me/joinchat/Dw92DkJZ4tvb4YIzJWBWrg Open / Comment