بايعناك ياكرار ــــــــــــــــــــــــــــــــــــــــــــــــــــــــ من گبل يوم الغدير .. نصبه الباري أمير ياعلي ياعلي ياعلي @@@ المرتضى حامي الرساله واسد الله والرسول داحي خيبر باب علم المصطفى وزوج البتول قدره من بد الصحابه عالي محد له يطول يلوگله تاج الإماره حيدره فحل الفحول … من امر ربنه القدير .. نصبه الهادي وزير ياعلي ياعلي ياعلي @@@ من مثيله في خصاله وبيده دوران الفلك واباسم حيدر تشنف كل نبي وحور وملك وابسراط الله جوازه واللي ميوده هلك وبس يفوز اللي ابطريقه مسلك المولى سلك … كل ملك باسمه نطگ .. بوالحسن محد سبگ ياعلي ياعلي ياعلي @@@ هاللذي ابهجرة نبينه للفده رايگ غفه من قرى عنه يشوفه معجزه كله صفه ابأحد بأربع جهاته حامه عن المصطفى وحتى وحي الله تعجب وبسمه ردد هاتفه … ابلا علي من صولته .. لا فقار ولا فتى ياعلي ياعلي ياعلي @@@ خيبره لمن دحاها (ومرحبه) راسه فتگ رايته راية رجوله وغيره بالفشله احترگ ويوم لحزاب الاوادم كلمن ابخوفه شرگ بس علي دار ابرهيفه ونحر ابن (ودهم) فرگ … وعادل ابهذا الامر .. للبريه كل اجر ياعلي ياعلي ياعلي @@@ شي طبيعي لطه يصبح حيدره هو الوزير وهو نفسه بآيه نزلت ضال منكرها وضرير انما حيدر وليكم راكع وينطي الفقير يعني اول حيدر اصلاً مو ابد كان الأخير … من الى الباري شهد .. ابد مو رابع ابد ياعلي ياعلي ياعلي @@@ ابغدير الخم تنصب والله اعطاه الامر علي واضح ليه بيعه وابد ما چانت غدر الجابه الله نور كله وبيه منهج يستمر مو سقيفه وبيها جمعه وگت طه يحتضر
… حسنه حب الولي .. السيئه بي تنجلي ياعلي ياعلي ياعلي @@@ علي احمد الحمود ٤-٧-٢٠٢٣ الغدير الأمير ع
مؤسسة منبريون للالحان رقم 1 @ahmed_alziwar1 مؤسسة منبريون لنشر القصائد 2 @ahmed_alziwar2 مؤسسة منبريون للمقامات3 @ahmed_alziwar3 مؤسسة منبريون للنعي4 @ahmed_alziwar55 (كروب مؤسسة منبريون) الكروب الاول https://t.me/+tVfRCNCfpmJlMGRi الكروب الثاني https://t.me/+tVGiZHdfNq81ZGYy قناة اليوتيوب الرسمية رابط الاشتراك https://youtube.com/channel/UCz03jT4unuka51X7foOyXcg قناة الحان الرادود احمد الزوار على اليوتيوب https://youtube.com/channel/UCEa2AIfPlXlAHgT7b8hxpvA