2022-07-24 14:25:09
من الارشيف لعلي الاكبر
علي الاكبر
ــــــــــــــــــــــــــــــــــــــــــــــــــــــــ
يـا شــبـه طــه وعـلـي يـابـعـد ريـحـت هـلـي
هـا يـلاكـبـر رد عـلـيـه گــلـي يـمـه ادللــي
سلام سلام على الاكبر سلام
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يمه عطـشان وأريـداً قطـره مـن مـاي الفـرات
وأنـي يمـه سـاعه سـاعه أذبـل اٴشلـون النـبات
والجـمر بـأحـشـاءي نايـم والعـطـش بيه يـبات
ريـحه المـي لـو أشمـها ماتضـل هـذي العدات
والله لـو أروي الـضـمـه مـاتـضل عـدهـم حـمـه
سيفي يشرب من دماهم مـنـهـو يـتـقـرب الــي
سلام سلام على الاكبر سلام
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
خـل أودعـج يـمـه رايـح قبـل لايبـدي ألـنـزال
رايـح أسـتـاٴذٍ أمـيـري يمـه وأمـشـي للـقـتال
أدري دمـعـاتـج عـزيـزه أي وحـگ ذاك الـدلال
بـس أبـوي بـلايـا نـاصـر لازم أمـشي لامحال
خــل أودعــج يـالــهـوه يـمـه لـجــروحـي دوه
راح اٴروحـن لـلـحـرايـب يـمـه وأنـتـي تـامـلـي
سلام سلام على الاكبر سلام
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اني الاكـبر مـن يجـينـي عايـف الكـون بگـفاي
روحي من شدت ضماها كمت اشوف الدنيا ماي
منهوا يوصل يـم حصوني منهوا يفـتر من وراي
الجـهبـني اٴنـي حـيـدر عمـي عـباس بسـمـاي
ابدي باسمك يالـگـمـر مـنهو يـوصـل للضـهـر
جدي حيدر مـن امـامـي حـيـدره هــوه الـولـي
سلام سلام على الاكبر سلام
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ربـي يالتـسمـع دعـائي أنـي أم قلبـي بحـنيـن
ردلـي الاكـبر ربـي سـالم أني ما أريـد الونين
أي بحـق جـده محـمـد أي بحـق روح الحسـين
تـرجـع لكـل أم ولـدهـا فگـدته صـارت سنـين
رجــع الـغــاب لـهــلـه بـلـغــريـب بـكـربــلـه
اٴي بـحـق اٴمـه الزجـيـه هـمـه كـون ويـنـجـلـي
سلام سلام على الاكبر سلام
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اهناك لن ابني رجعلي مدري شنهو يشـيله بـيد
جـربـه عـبالـي وتـرسـها والـگـمر ويـاه أكيـد
من تـقرب يمـي شايـل أبـني فرحـان وسـعـيد
راسـه لان بـكر أبـن غانـم هـذا أسـلاف العنيـد
يـم ابــوه لـن قــدمــه كـلـه بـويـه من الضـمه
بويه اريداً قطـره وحـده بهذا راس الــعـاذلـي
سلام سلام على الاكبر سلام
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مـن رجـع لارض المـعـاره كتـله يارب يامجيـب
اي الاكـبر ردلـي الاكبر رايح اوليـدي الحـبيـب
هذا يشـبه طـه جـده شـوفـته عنـدي الطبـيـب
راحـوا يقطـعـون جثـته أبـن الاحـسـين الغريب
عل الصـدر حـافر فـرس جسـمـه بجـروح انترس
اه يــيـمــه اه الاكــبـر قــاتـلـك هو قــاتـلـي
سلام سلام على الاكبر سلام
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الشاعر زين العابدين الشمري
960 views11:25