الشاعر حسين الخرساني

2022-08-01 13:24:38 مصاب ويامصاب
عذاب وعذاب
جمالك عالتراب
ونزف نحر السلام
@@@@
اسأل والسؤال دموع
والحيره اعتنت وياي
ليش وهاي مدري شلون
ماي انته وتريد الماي
ماصارت ولادارت
مثل هاي المصيبه وهاي
يفياي ويغطي الكون
طحت تالي وتريد فياي
گطع بيك الضلال
وجمر جان الرمال
ووگع فوگه الجمال
وبحر هيمه نام
@@@@
عجيبه الوادم شبيها
بترافة گلبك يعرفون
وجف الغلضه خلوها
تذبح بالترافه شلون
بياض الدنيا جنت انته
طحت وأصبح سواد الكون
ووجهك آه يوجه الله
نمله شلون بحمار اللون
يمهجة فاطمه
انصبغ وجهك دمه
وتصيح من الضمه
وغشه عيونك ضلام
@@@@
لو بس هايه جا تكفي
وتخلي الدمع نهران
حسين انته وتگللهم
وحق جدي النبي عطشان
شافوك العطش هدك
وشافو عودك الذبلان
بگطرة ماي مارحموك
ويفيّض من قربهم جان
من الاول عطشوك
من طيحو اخوك
وتالي استوحدوك
بعد حامي الخيام
@@@@
يالگلبك حنان يفيض
الله اليدري بيك شصار
من گمت وطحت عالگاع
وبخيامك تشوف النار
آه ياهظمة المثلك
اليا لجمه وجرح تندار
منا تلتفت زينب
ومنا بس نحيب زغار
يعملات الزمان
الدلال بلا امان
على الگاع الحنان
وملت جسمه السهام
@@@@
المصيبه گبال أهل بيتك
تگوم ومايعينك حيل
تسيل من الجروح دموم
ودموع اليتامه تسيل
بأمان تأمن العيله
لون راسك عليها يميل
ماخلو امل عدهم
سحگو عالامان بخيل
العقيله شتحتمل
إصرخت زاد الحمل
وطفل طاح وطفل
فر فرت حمام
@@@@
202 2/7/31
الأحد Open / Comment

2022-07-30 01:18:09 هل يادمع هل
وها بالك تمل
وي فاطمه
وَدمع السمه
هل يادمع هل
@@@@
لاتنسه يادمع النضر
انته بوجودك غايه
للي أنحرم ماي العذب
تجري ويه كل قرايه
لوشفت رايه تعلگت
خلي على بالك هايه
شالت قميصه ام الحسن
مدمه ودمعها دمايه
صاحت وهي تنوح
يوليدي مذبوح
ومن ينجمع
نحر وضلع
هل يادمع
@@@
هل يادمع لاتنتضر
والجم جروحي الليله
نتعنه ويه الطاهره
وطف كربلا نمشيله
تشيل الوساده المن رمل
وتحضنه وتفييله
ونصرخ لون صرخت علي
هذا ابني خل انشيله
اتعنالي بساع
لايبقى عالگاع
فوگ الثرى
صب منحره
هل يادمع هل
@@@@
كل جرح ماينعد جرح
لوما خذه الطف لوعه
والما بجه حسين وهله
يصب ذله ماي دموعه
اسمع نحيب ام الحسن
شگالت وهي مفجوعه
هذا ابني مكسور الگلب
مرضوضه ليش ضلوعه
تحجيها وتميل
لاهايه مو خيل
الكسر الضوه
تحط يادوه
هل يادمع هل
@@@@@
شوف العذاب الشافته
وشوف الزجيه شبيها
يادمعي لوعة فاطمه
ماتنحمل تدريها
يا ام مثلها تمرمرت
وثوب الحزن غاطيها
يم نحر ابنها گاعده
وابن الابن بيديها
تدير المن العين
العبدالله لحسين
الهذا البلا
لبكربلا
هل يادمع هل
@@@@
ملهوف أريدك يادمع
ويالوالده الملهوفه
تصورها شوف بيا گلب
عبدالله دامي تشوفه
واضح على شفافه العطش
وفاض النهر بجروفه
والحيره حيرت رگبته
تكض السهم وتعوفه
تگله احجي وياي
مو رايد الماي
لايالترف
بسك نزف
هل يادمع هل
@@@@
يادمعي حالة فاطمه
يم جثته ياحاله
وتشوفه مرمي على الوجه
وملتمه يمه عياله
وصاحو نريد الماي اله
رغم العطش أطفاله
وگبالهم بيده العذب
وبده العذب جتاله
وصوت بدمع جان
والينه عطشان
وهذا الضمه
هد فاطمه
هل يادمع هل
@@@@
202 2/7/29
الجمعه ليله ١ محرم Open / Comment

2022-04-21 13:41:11 علي ياعلي ياعلي يمدلي الگلب
علي ياعلي ياعلي يمسهل الصعب
حبك غايتي جنتي علي علي
@@@@
علي بحبك كضيت ايامي وسنيني
علي ولمسة يمينك طهرت طيني
سألوني تحبه ودمعت عيني
وصحت حبي وحبيبي وبي كمل ديني
ودموعي الجرت جاوبت انا وكل هلي
خدام الترب كل درب بي قنبر علي
حبه بكلمتي وسكتتي علي علي
@@@@@
على لذة حبك انا الي فتح عينه
وبالمناغه ابتدت بسمك محاجينه
تگلي امي علي بس هو والينه
ودگات الگلب صاحتله لبينه
بكل عالم عشت بي شفت بس انته الضوه
وجيت الدنيتي وغربتي شميتك هوه
حالي وحالتي وندبتي علي علي
@@@@@
كبرت بحبك وصارو يحسدوني
يلوموني ودرت عن اليلوموني
ينادوني ولاجنهم ينادوني
عفتهم والضريحك دارن عيوني
الحبك مايصد ولا يرد لو لمحة بصر
أعطش والتوي وارتوي يالذكرك مطر
آه يافطرتي ودمعتي علي علي
@@@@@
يسألوني على گلبي وياهو محبوبه
وأگلهم بالصميم حروفه مكتوبه
شما يلهه الدليل وتكثر عيوبه
أضل ذاك اليتيم الجلب بثوبه
لايذ بي واضل للاجل واتنه الاخره
حتى اسمع هلا على الملا بشيعة حيدره
وياخذ يمنتي وعبرتي علي علي
@@@@@
علي يمخلي لذه بجرة انفاسي
علي وماينوصف بمحبتك احساسي
عنك ومن اسولف واحجي وي ناسي
عطفك والغرام يدورن براسي
بحنيتك احس وانخرس واحجيلك دمع
ياريت انحني وانفني الميثم والجذع
وكل وصيتي بدنيتي علي علي Open / Comment

2022-01-23 04:38:02 أرد اجيك
أرد اعوف الدنيا كلهه
وبطرك حسره اعتنيك
أرد أعوف وأرد اعوف
وجرح عاشورك اجيبه
كبالك وأنحب عليك
كلشي ماريد على بالي
يمك جوابي وسؤالي
أرد اجيك بكلب خالي
من سوالف ناسنه
الماتحجي بيك Open / Comment

2022-01-02 20:14:24 علي الما مكسور ياوسفه انكسر
صابر وعن بعد فاطم ماصبر
صاح وي دفنتها والمدمع حدر
يارسول الله راحت فاطمه

گضت فاطم والصبر يمها وگضا
وصور مرن من زمانه اللي مضى
مكدر وبعيونه مسود الفضى
احترگ بيته وهو حماي الحمه

جرح فاطم ماله لم من انفتح
بگلبه يدي وماجرح مثله انجرح
حيدر الكرار بمصابه انذبح
بيوم شافه يسيل عالباب الدمه

بين وحشة داره وتراب الگبر
بروح مكسوره وهظم يگضي العمر
على أعتاب الدار يصرخ من يمر
انا ميت كون وانتي السالمه

الباجي بس لله على فاطم دم جرى
وبابه وضلوعه بلهيب موجره
يگلها فاطم إحجي جلمه الحيدرى
محني وعليه الجروح محزمه

يا فرحتي وغيرو الفرحه بدمع
راح صوتج بعد ياصوت استمع
شنسه وآنه الأيدي مرت عالضلع
شفته مكسور وبجت حتى السمه

الخميس
16 12 2021 Open / Comment

2021-12-19 16:07:03 أحط روحي بقلم اعصرها مرات
اعتمادا عالعقل اكتبله رايد
واغفه ومايجن ابيات واحتار
وابجيله ويصب گلبي القصايد
امشي ويه الهوى وذنوبي وياي
ومدري الياوهم عن جرحه اباعد
وبس اذكر مصابه ومدري شلون
الگاني بضريحه هناك گاعد
هاي آنه العشتها ومو حجي السان
عندي هواي من هاي الشواهد
الزايد ويه غيره اعتبره منقوص
وبحبه القليل عليه زايد
الدمعه على الحسين تفتح الأبواب
المقفوله بسهوله وماتعاند
حتى الماتصير بمدمع تصير
بس استحضر الطف والمشاهد
الگلب واحد حرام يصير لثنين
والحب للحسين وهو واحد
بعد طحت بهواه شعليه بالناس
وشعلي باليلوم وگلبه جاحد
شربت الكله صافي واشرب شلون
غيره وادري جواه طينه راكد
النار البالگلب ماتطفه وتزود
بدمعه ومو مثل نار المواگد
هي الخلت بنص گلبي عاشور
بعد ياعيد يلفيني واعايد

لخادم الزهراء
حسين الخرساني Open / Comment

2021-12-19 16:06:59 Open / Comment

2021-09-11 00:00:00 وين اخوتي
آنه زينب يالهواشم
بالضلام اطلعت ادوّر
ليش محد منكم يرد
اعله صوتي
وين اخوتي

أمس وين الليله وين
أمس حاوطتو الخيم
داير مداير
الليله نفسه
الحارگ اخيام الحراير
حارس على الخيمه صاير
والله من هالحاله
ارحم ليه موتي
وين اخوتي

ماگدرت اصبر وإجيت
بهالمسيه
لاصبر لاحيل بيّه
آنه اختكم آنه زينب
گلبي ينخه
وانحب واخنگ نخوته
والدرب
عثراته موته
شوفو دهري بيا
مصاب اووين ذبني
اعثر وبجسوم اهلنه
هذا اخوي وهذا ابني
آه يهلنه
وانا اگولن هيچي
واسمع
من اخوي حسين صوته
ويگعد ويسمع بلوتي
وين اخوتي

وصرت اخاف
أخطيلي خطوه
لأن كل خطوه بمصيبه
خطوه ايد وخطوه راس
وخطوه جثه
معفره وبالدم خضيبه
وانتو تدرون العصر
كل حيلي وشّل
من ركضت امن الخيم
للحومه والتل
وهسه هاي الحومه
بس دم وآنه شندل
والمن اشكي
وياهو اليسمع شكوتي
وين اخوتي
ــــــــــــــــــــــــــــــــــــــــــــــ
للشاعر حسين الخرساني

٢٠٢١/٨/١٩ Open / Comment

2021-09-10 23:59:13 ريت النهر چف لاشفت مايه
صاح حسين زينب طاحت الرايه
يختي اليوم خدرچ راح حمّايه
يختي عينيني ـ طاح احزام ضهري

كون الماي هذا بعيني ماشوفه
والعباس دمه يصب على جروفه
اخوي الحيد يمه إنگطعت چفوفه
طاح شيّاله ـ يازينب علمنه

إجيت اوحيد خويه ودمْعتي تجري
طاح الگلب مني وضيّعت صبري
أعدله انوب يرجع ينحني ضهري
حيل ما بيّه ـ أرجع للمخيم

طاح شلون طيحه وشافته عيني
إجيت وحيل ماضل يختي عينيني
ما ضل حيل بيّه وارفع ايميني
ذاب دلّالي ـ من حچي الشماته

أجرها وگوه تطلع خويه حسراتي
آه ياضيعت اختك هاي چلماتي
أول تالي انوح اگبال شمّاتي
اوحيد خلاني ـ راح الچان ذخري

تطشّر ماي حيلي وياهو ليلمّه
طاح ودار وجهه وعينه لخيمّه
وگبل ليموت زينب گال هالچلمه
يختي عذريني ـ ون وصاح زينب

انا الرديت أنحب والجفن دامي
رحل حمّاي بيتي وللضهر حامي
وبطيحة عمدها طاحت اخيامي
طاحت اخيامي ـ ويّ طيحت عمدها
ـــــــــــــــــــــــــــــــــــــــــــــــــــ
للشاعر حسين الخرساني
٢٠٢١/٨/١٥ Open / Comment

2021-09-10 23:58:57 يا إباة الضيم يحيود الطفوف
غير إلكم ماتلوگ الموزمه

يالعشگتو حسين بس مو بالكلام
انتو خليتو السوالف للدمه

عفتو لذّات الحياه والمشتهات
اتركتو ماي الدنيا واشريتو الضمه

الفطره حبكم لامثل حبكم مثيل
ولاشركتو بحب ابن حامي الحمه

انتو بعيون الگلب شفتو الحسين
وغيركم بگلوبهم عدهم عمه

ياملوك وجيتو بس بسم العبيد
العبد سيد ينحسب عد فاطمه

افزعتو لبيتو الغريب مغمضين
وماسألتو سيدي شلون ولمه

وصارت وصكّت رماح اعله الرماح
وانتو واحدكم شمس بالملحمه

بيها شفتو الجيش جوّاكم يصير
وهمّا چن گاع وتباوع للسمه

فرق بين اللي يطب والحُب خذاه
وبين ذاك الروحه بالذل هايمه

الهالسبب همّا بسلاح مدججين
ومن نزل عابس نزع درعه ورمه

انتو صيحتكم أمير النه الحسين
وهمّا صيحتهم اجتنه الحاطمه

ياسيوف الحُب مشرعه اعله الضلام
يادروع حسين دون مخيمه

هو لو هيچ الهوى ولو مايصير
وهاي هيَّ الچانت أعظم خاتمه
ـــــــــــــــــــــــــــــــــــــــــــــــ
للشاعر حسين الخرساني
السبت ٢٠٢١/٨/١٤ Open / Comment