2024-05-30 21:13:22
● الاستعداد النفسي والجسدي للوزاري من الآن..
نصائح مهمة يفضل تطبقها بالايام المتبقية قبل الامتحانات الوزارية:
#اولا : النوم:-
بهذا الاسبوع حاول تعدل نومتك خاصةً اذا كان نظامك ليلي يعني حاول تنام قبل ال 12 بالليل وتكعد ورة الفجر حتى بليلة الامتحان تكون متعود عليها وما تروح للامتحان وانت مو نايم.
#ثانيا: صحتك ثم صحتك:-
بهذا الاسبوع وبالامتحانات راح تصرف طاقة هواي وراح توصل لأعلى مستوى من التركيز فهذا كلة يحتاج منك تاكل زين وتشرب عصاير وفواكه ومي...الخ حتى عقلك يبقى مركز وجسمك يبقى نشيط وحيوي مو تحرملي نفسك والله شنو علبو دخلت بانذار الامتحانات (ديربالك تهمل صحتك).
#ثالثا: التفكير الايجابي:-
اتجنب كل الافكار السلبية الي تجي على بالك وبدلها بأفكار ايجابية.
اتجنب الاشخاص السلبيين والي يأثرون على نفسيتك سلبيا.
#رابعا: الخوف:-
من الطبيعي يجيك شعور الخوف قبل الامتحانات لان هذا امتحان تحديد مصير ، لكن لا تخلي الخوف يسيطر عليك ويمنعك من الدراسة.
• خلي ببالك انو ضبطك للمادة والاستمرار بمراجعتها راح يخليك تضمن درجتها وراح يقل خوفك.
• كلامك ويه اهلك والدافع المعنوي منهم راح يقلل من توترك وخوفك بنسبة كبيرة.
#خامسا: شعور النسيان:-
شعور طبيعي لان عقلك جاي يركز ع المادة الي انت دتراجعها او الي راح تمتحن بيها ومسوي سكب على باقي المواد.
#سادسا: احرص على الدقيقة
لا تسخت نهائياً استغل الساعة استغل حتى الدقيقة.
#سابعا: الملهيات:-
انستا ، فيس ، تلي ، العاب ، دردشة وسوالف ، ...الخ كلها راح ترجع تستخدمها اضعاف وتشبع منها من تكمل امتحاناتك على خير، اتجنبها وسيطر على نفسك منها.
#ثامنا: الرضا بقضاء الله:-
انت سويت الي عليك والباقي على رب العالمين شنو مكتوب الك بهاي الايام وبنتيجة هاي الامتحانات راح يجيك واي شي يجي من رب العالمين هلا بي والف هلا وبكل رضا وبكل قناعة .
(كن راضياً بما يقدره الله لك، واعلم أن الله يختار لك الأفضل )
#اخيراً ولكن هي النقطة 0 قبل كل هاي النقاط:
"التوكل على الله"
هو خير وكيل وخير مدبر لأمورك فتوكل عليه دائما.
(اللهُم اجعلني ممن تفائل بخِيرك فأكرمتّه وممن توكل عليك فأسعدتّه )
هسة الوضع تمام؟ @ii99ii_bot
مـصطفـى الـهيتـي
قناة الهيتي للتميز
@xd6xd6
9.7K views18:13
ا
