__ ቅናት ያደላት ልብ እንኳንስ በልብሽ የምታስቢያቸው ነገሮች በሙሉ ፣ እኔ በሆንኩልሽ ብላ ት | መፅሐፍት
__
ቅናት ያደላት ልብ
እንኳንስ በልብሽ
የምታስቢያቸው
ነገሮች በሙሉ ፣ እኔ በሆንኩልሽ
ብላ ትቀናለች
የናፍቆት አምላኳ ፣ መሲህ ልታደርግሽ
ፍቅር የሰጣት ነፍስ
ነፍስነቴ ቀርቶ
ስጋዋ በሆንኩት ፣ በተደረብኩላት
የሳቅ የለቅሶዋን ፣ የስሜቷን ምልአት
በጀርባዬ መርከብ ፣ ልኑር ተሸክሜ
የምናፍቃትን
ገነቴን ልቀፋት ፣ ሲቃሽን ደክሜ
ብላ ትጣራለች..!
:
በየሄድሽበቱ
ኮቴሽ ለሙዚቃ ፣ ዜማ እየቀረበ
ዝምታሽ በገና
የምስጠት ማይ ውሃ ፣ ሆኖ እየዘነበ...
ዛሬም ሳስተውልሽ
ዝምታ እየራቀኝ
ቃል እየረቀቀኝ...
አንድ እውነት ተነፈስኩ !
ቀድሞ ስላሰበሽ....
ሞዛርትም ነሽጦት
እያንጎራጎረ.....
ይኼን ዘመረ!
<<"ምልኡ በኩልኼ
ውበት ሁለንተናሽ
የትዝታን ክራር ፣ እየደረደረ
ወደ ትንቢት ሰማይ
መጥቆ እየበረረ...
ሙዚቃ ህይወቴን
እስትንፋስ ባይሰጠው ፣ ምን ይሆን ነበረ!?
ምን እሆን ነበረ!?
____
https://t.me/MyMessagesss
