2020-10-01 07:02:14
די פרעזידענטליכע דעבאטע קאמיטע באטראכט ענדערונגען פאר די קומענדיגע דעבאטעס
פון יאסי ווייסמאן צו ברעיקינג
די דעבאטע וואס איז פארקומען נעכטן צווישן די צוויי פרעזידענטליכע קאנדידאטן האט ארויסגעברענגט גרויס קריטיק. אין די ערשטע דעבאטע צווישן די דריי וואס גייט פארקומען, האבן טראמפ און ביידען באוויזן צו דעליווערן א דעבאטע וואס איז פון די ערגסטע וואס די פאראייניגטע שטאטן האט נאר אמאל געזען, דא אזעלכע וואס באצייכענען עס אלס די שמוציגסטע פרעזידענטליכע דעבאטע אין אמעריקאנער היסטאריע.
אין ליכט פון די מיאוסע און גרויליגע צוזאמשטויסן צווישן די צוויי, איז געווען אזעלכע וואס האבן גערופן צו קענסלען די קומענדיגע צוויי דעבאטעס, אבער פארשידענע שישקעס אין די דעמאקראטישע פארטיי האבן געלאזט הערן אז ביידען דארף זיך יא באטייליגן אין די קומענדיגע צוויי דעבאטעס און האפנטליך וועלן די וויילער זען די קאנטראסט צווישן די צוויי קאנדידאטן און ביידען וועט געווינען.
אין ליכט פון די מאסיווע שטורעם וואס די דעבאטע האט פאראורזאכט, פלאנט די פרעזידענטליכע דעבאטע קאמיטע צו צולייגן פארשידענע ענדערונגען כדי די קומענדיגע דעבאטעס זאלן זיין מסודר און אוועקגעשטעלט.
אין א סטעיטמענט וואס די קאמיטע האט ארויסגעלייגט, זאגן זיי אז ס'פעלט זיך אויס פארשידענע נייער רולס וואס וועט פארזיכערן א רואיגע און מסודר'דיגע דעבאטע.
די פרעזידענטליכע דעבאטע קאמיטע איז אומפארטייאיש און ארגאנאזירט די פרעזידענטליכע דעבאטעס זינט די וואלן איו 1988.
די קאמיטע האט צוגעלייגט אז זיי באטראכטן מיט פארזיכטיקייט די ענדערונגען וואס וועט אדאפטירט ווערן און ס'וועט אין נאנטן געמאלדן ווערן. סי-בי-עס נעטווארק האט באריכטעט אז די קאמיטע פלאנירט צו אויספלאגן די מייקרעפאון פון א קאנדידאט וואס וועט נישט רעספעקטירן די כללים און צושטערן די דעבאטע. די טראמפ קאמפיין האט אין רעאקציע געזאגט אז די קאמיטע וויל טוישן די רולס אינמיטן די געים...
נאך בעפאר די קאמיטע האט געמאלדן אז זיי פלאנירן שינוים, האט דזשאו ביידען געזאגט פאר רעפארטער אין אהייא אז די קאמיטע דארף טרעפן א וועג צו ערמעגליכן פאר די קאנדידאטן צו רעדן אן צו ווערן איבערגעהאקט.
ביידען וואס געפינט זיך זייער שמאל אין אהייא, האט אטאקירט טראמפ נאך די דעבאטע אין פראנט פון אהייא רעפארטער: "דער פרעזידענט פון די פאראייניגטע שטאטן פירט זיך אויף ווי אזוי ער פירט זיך אויף און איך האלט אז ס'איז געווען א נאציאנאלע איבערעסמענ"ט, ער האט נישט נאר אטאקירט מיר און מיין פאמיליע, נאך אויך דער מאדערעיטאר קריס וואלעס".
פרעזידענט טראמפ האט בעפאר ביידען'ס קאמענטארן אטאקירט דער מאדערעיטאר קריס וואלעס פון פאקס ניוס, שרייבנדיג אויף טוויטער אז ס'איז געווען א שלאכט איינס אנקעגן צוויי.
841 viewsedited 04:02