Бугун 2 апрель. Мактаб ўқувчилари орасида оммалашган, адашмаса | DaniyarovUz

Бугун 2 апрель. Мактаб ўқувчилари орасида оммалашган, адашмасам соч тортиш ёки сумка яшириш куни. Кимларгадир бу ёқмайди. Лекин беғубор ёшликни ажойиб одатлари бу.

Афсуски айни пайтдаги вазият сумка яширишу соч тортиш, сув сепишу хазил қилишга имкон бермайди. Минг афсус. Мактаблар бўм-бўш. Синф хоналару мактаб ошхонаси, дарс пайти бўлишига қарамай югуриб юрадиган коридорлар, катта танаффусда ўқувчилар билан тўлиб тошадиган мактаб ховлилари хувиллаб қолди.

Доскалар ёзувсиз, парталар эса ўша шўх ўқувчиларини интизорлик билан кутаётгандек гўё. Синф хоналарнинг токчаларидаги тувак гуллар хам сувсиздир балки. Қўнғироқларчи, бир неча кунлардан бери жирингламай зериккандур-а.

Эсингдами, катта танаффусда компютер ўйнагани қочиб кетиб, бешинчи соатдаги дарсингга қорним оғриб қолди деб кириб келганинг. Эсингдами завучни хонасида дарсдан қочганинг учун бошингни эгиб турганинг.

Сендан анча ақилли бўлган синфдошинг Гулидан уйга вазифани кўчирганинг хам ёдингдами? Яна эсласанг Наврўз байрами арафасида синфдош қизларинг турли салатлар тайёрлашарди, тан ол, айнан шу салат уйингдагидан хам ширин чиққан. Ахир унга дўстлик мехри қўшилган эди.

Алимов айтганидек, журналдаги алфавит тартиби бўйича савол жавоб бошланганида фамилянг эсга тушиб, юз мега тонна хаяжон босганичи, эсингдами?

Қани братишкаларим, яқинроқ келингларчи, сизлар билан алоҳида гаплашаман: ўшанда Наргизга сен хат ёзганмидинг? Ничего, уялма, хаётинг давомида ортиқ бунақа ажойиб хат ёзмайсан энди. Интернет орқали ёзураман дейсанми? Балки, лекин мактабдагисини ўрнини босолмайди. Ишон.

Кейин, ўшанда қайси биринг журналдаги бахойингни тўғрилаб қўйгандинг? Қўрқма, бу жиноят эмасди, шунчаки сенинг беғуборлигинг ва ўқитувчингнинг паст бахо қўйганига қарши реакциянг эди. Қара, одам ўзи қилган қайси айб ишини эслаб кулиб, хурсанд бўлади? Менимча фақат ўша мактаб давирдагиларини. Ким нима деса десину, у пайтдаги қилган шўхликларинг айб эмасди.

Хозир мактабингни қадрига ет. Мустақил хаётга кириб келишингда асосий омил ва биринчи университетинг хам айнан мактаб бўлади. Мактабни битириб, бир икки йилдан кейин хам соғинмассан балки, лекин жавоб бераманки ёшинг йигирмадан ўтиши билан шундайин соғинасанки таърифга тил ожиз.

Мактаблар, ўқувчиларини интизорлик билан кутаётган мактаблар: УЛАР ТЕЗ ОРАДА ҚАЙТИШАДИ!

каналга уланиш: @al_toshkandi