Ejmiatsin-lib-net

2021-01-31 21:40:25 Մարդն այն է, ինչ կարդում է։

#Իոսիֆ_Բրոդսկի Open / Comment

2021-01-05 22:02:50 Սուրբ Ծնունդ։ Գործ Սարգիս Պիծակի։ 1336 թ., Սիս, «Արքունական Ավետարան» (Մատենադարան, ձեռ. 5786)։ Open / Comment

2020-12-29 23:09:42 Open / Comment

2020-12-27 17:10:35 Ոչինչ չե՜մ ուզում այս տարեմուտից,
Ո՛չ գանձ, ո՛չ անուն, ո՛չ նոր բախտ ու սեր.
Հանե՜ր այս տանջող խռովքն իմ սրտից,
Ինձ նորից կյանքի հիացքո՜վ լցներ.
Դանդաղ նորոգվող իմ հին հավատից
Երկու բեկո՜ր էլ իրար կպցներ…

#Սիլվա_Կապուտիկյան Open / Comment

2020-11-15 23:27:11 ․․․Ու ես վեճ ունեմ, քեն ունեմ, ներո՛ղ,
Նախնիներիս դեմ ոխ ունեմ ու քեն։

Առաջին մետաղն, ասում են, դու ես ձուլել, իմ երկիր,
Բայց խոփն ո՞ւմ էր պետք,
Սրեր էին պետք ու մկունդ, ու նետ,
Եվ ո՞ւմ էին պետք
Մեսրոպյան տառերն այս երկաթագիր,
Մեզ երկաթակիր հրոսակների շառաչյուն էր պետք։

Դուք մեր ափի մեջ ինչո՞ւ դրեցիք խղճի մաճն արդար,
Յաթաղան տայիք, տապար ու կացին,
Եվ ինչո՞ւ դրիք
Աստղոտ ցորենի հրաշքը խարտյաշ,
Որո՛մ դնեիք,
Որ թույն խառնեինք օտարի հացին..․

#Վահագն_Դավթյան Open / Comment

2020-11-15 15:23:31 Խոնարհվում եմ նրանց առաջ, որ պատերազմ գնացին:
Խոնարհվում եմ նրանց առաջ, որ փառավո՜ր հաղթեցին:
Խոնարհվում են նրանց առաջ, որ վիրավոր ետ դարձան:
Խոնարհվում եմ նրանց առաջ, որ այլևս չդարձան:
Խոնարհվում եմ նրանց առաջ, որ զավակներ կորցրին:
Խոնարհվում եմ նրանց առաջ, որ ծնողներ կորցրին:
Խոնարհվում եմ նրանց առաջ, որ չունեցան ամուսին:
Խոնարհվում եմ նրանց առաջ, որ ունեցան - կորցրին:
Խոնարհվում եմ նրանց առաջ, որ կորցրին եղբայրներ:
Խոնարհվում եմ նրանց առաջ, որ կորցրին ընկերներ:
Խոնարհվում եմ նրանց առաջ, որ կորցրին մանկություն:
Խոնարհվում եմ նրանց առաջ, որ փրկեցին մանկություն:
Խոնարհվում եմ նրանց առաջ, որ ճակատում եղան քաջ:
Խոնարհվում եմ նրանց առաջ, որ թիկունքում եղան քաջ:
Խոնարհվում եմ ես վերջապես՝ նրա՛նց առաջ աշխարհում,
Որ փրկեցին մեր անունը, բայց մնացին անանուն...
#Արամայիս_Սահակյան Open / Comment

2020-11-08 02:16:35 ...Ուր ելնում են ամեն կողմից ֆիդայիններն այս ոգեղեն,
Դառնում անտես մի զորագունդ, թշնամու դեմ դառնում գեհեն:
ԵՎ եռագույնն են ծածանում մեր հինավուրց Շուշվա բերդին
Վրեժի շանթն աչքերի մեջ, վրեժի երգն իրենց շուրթին.
<<ԹՐՔԱՑ ՄԱՅՐԵՐ ԹՈՂ ԼԱՆ ՈՒ ԴՈՒՆ
ՈՒՐԱԽ ԼՈՒՐԵՐ ՏԱՐ Ի ԶԵՅԹՈՒՆ...>>
#Վահագն_Դավթյան Open / Comment

2020-11-03 00:26:22 Ռումբեր են կախվել աշխարհի գլխին ,
Նստած է աշխարհն ռումբերի վրա ...
Աշխարհը մոր պես դողում է կրկին
Իր ձեռով ցանած հունդերի վրա :
Հոգուս մեջ առել տագնապն աշխարհի
Ու միտք եմ անում իմ դերի վրա .
Ամենաահեղ ռումբը դառնայի ,
Պայթեի բոլոր ռումբերի վրա։

#Համո_Սահյան Open / Comment

2020-10-31 03:57:11 ...Վա՛ռ, կարմի՛ր հագիր, դո՛ւ հայ-ժողովուրդ,
Եվ սուրդ շարժե՛, քեզ ճանապարհ բաց.
Այս աշխարհի մեջ սուրն է միշտ կտրող –
Կտրի՛ր ու տիրի՛ր – անհա՛ղթ, հզո՛ր կաց:
Եվ ոտքդ ամո՛ւր դու խփի՛ր երկրին,
Հողիդ ու տանդ տերը դուն եղի՛ր,
Է˜յ, դո՛ւ արևի ճամփորդ վաղեմի,
Սրով, գոտեպինդ և առաջ քայլի՛ր.
Անհողդողդ գնա՛ դեպի լույսն – արև,
Եվ ազգերն ամեն, հարգանքի նշան,
Հետ-հետ գնալով և տալով բարև
Ազա՛տ, անարգե՛լ քեզ ճամփա կտան…

#Ավետիք_Իսահակյան Open / Comment

2020-10-04 21:11:50 ... Եվ լյառն Արարատ նայում էր ահեղ վեհափառությամբ
Եվ անդունդներից հղում էր անվերջ օրհնությունն իր բամբ,
– Զա՛րկ, իմ տառապյալ,
Զա՛րկ, իմ հրեղեն, զա՛րկ, իմ պանծալի,
Քո ձեռքերի մեջ
Սուր չէ, կռինչ է, մռունչ է ցավի,
Քո ձեռքերի մեջ
Մանկան հառաչ է, անեծք մայրական,
Զարկ, իմ սխրալի,
Եվ թող, որ լինի ակն ընդ ական:

#Վահագն_Դավթյան Open / Comment