شغفتني حُبًّا ' عندليب &

2024-06-12 14:24:01 احبك يا ضحكة الميلاد Open / Comment

2024-05-30 02:38:24 وش أحكي لك ؟
تراهــــا واضحــــه
جداً أحب تأثيرك !!
سواليفــــك وضحكاتك
بختصــــار أنا وقلبي ..
تعاهدنا نحب أتفه تفاصيلك Open / Comment

2024-05-20 03:23:25 نديمة دروبي .. ما بقى في رحابك فيّ
خذتك الظروف ولا اختفيتي ، ولا بنتي

أسوق الرجا في قولة الحي يلقى الحيّ
من المستحيل يحول عن ذكرياتك شيّ

مع إنك تركتي عاشقك في دروب الغيّ
وفي عينه الايام . . ( شانت ) ولا شنتي

محبتْك حتى في غيابك !.. مثل ما هيّ
لا هانت . . لياليك القديمة ، ولا هنتي

يروحون !.. كل الناس مني شوي شويّ
ولا فيه أحد يبقى على البال .. غيرك أنتي Open / Comment

2024-05-13 21:40:09 اوعــــــديني !!
واقطعي هذا السكوت
خابرك ما تخلفين الوعد كنتي !
هو صحيح الإنتظار والشوق موت
بس روحي معك وين مارحتي وسكنتي
انا بشتري لك ورد وبداخلي الف صوت
وبنتظرك بشوق حتى القاك سمعتي
ولا تشيلي هم وردي لا يمـوت؟
ما يموت الورد دام الموعد انتي ! Open / Comment

2024-04-28 10:37:41 السفر ماغيّرك .. غيّر بلادي
ضعت فيه وكنت أدل أربع جهاته

فيه حبيتك وحبيت المبادي
والمبادي موت والحب إستماته

لاتخليك السنين تصير عادي
في عيون اللي يقاسمك أمنياته

ونادني لو لا حياة لمن تنادي
اسمي بصوتك حياة بحد ذاته Open / Comment

2024-04-16 15:27:25 وداعًـــا لـــذكرياتك الـــدافئة إلى الأبــــــد ⚘️
𝐠𝐨𝐨𝐝𝐛𝐲𝐞 𝐭𝐨 𝐲𝐨𝐮𝐫 𝐰𝐚𝐫𝐦 𝐦𝐞𝐦𝐨𝐫𝐢𝐞𝐬 𝐟𝐨𝐫𝐞𝐯𝐞𝐫 Open / Comment

2024-04-06 21:12:30 لو شفت قلبي في غيابك تعجبت !!
مـــابه فراغ الا ومملي بصوتك
مو بس اتذكر كلامـــك اذا غبت
والله اني اتذكرك حتى بلحظة سكوتك !! Open / Comment

2024-03-19 23:14:11 على الوعود الغايبة كل السلام
و على جرح الهوى ياهوى الله لنا

لو ينقطع حبل الوصل قلنا حرام
لا صرت معتبرك أنا ..من هو أنا؟

أنا بقايا الحزن بعيون الأنام
وأنا ظلام الفقر من عقب الغنى

وأنا غصن من كثر ما يلقى ملام
تجاهلوه و مات حيله و انثنى

يا قوّ قلبك كيف ترتاح و تنام
اللي زرع حبك بقلبه وش جنا ؟

آسف على حزن الهوى و الاهتمام
يا خالدة من علّمك معنى الفنا ؟ Open / Comment

2024-03-16 15:16:38 قصة المشهد بنهاية الفيديو تصميمي Open / Comment

2024-02-25 12:01:31 لين انتهى ظلها وانا على اعصابي
عرفت معنى التعب والخوف ساعتها

لوحت اكابر وما صديت متغابي
تبكي .. وخليتها تكذب براحتها

حبيتها ليتني كنت اعرف اسبابي
او ليتها واضحه فيني وشافتها

عجزت لا اقفّل بوجه الندم بابي
دفعت عمري ثمن لاحلام باعتها Open / Comment