مرحبا طلابنا الحلوين طلاب بخصوص بحوث التخرج هواي داشوف ناس | English Department 4
مرحبا طلابنا الحلوين
طلاب بخصوص بحوث التخرج
هواي داشوف ناس تكتب بحوث تخرج رغم همة ماعدهم اي امكانية مع كل احترامي الهم لكن هاي الحقيقة اكيد اكوناس تعرف وشاطرة بس الاغلبية ميعرفون ويشتغلون باسعار عالية بعضهم والبعض الاخر باسعار قليلة.
انتة ك طالب شلون تضمن حقك حنطيك بعض النصائح البسيطة الي ممكن تطبقهن علمود تتفادة هيج ناس ماعدهم اي معرفة بهل مجال.
علمود تعرف البحث مالتك كتابة ايد لو ماخوذ او مسروق من بحث اخر الي عليك تسويه هو تستلم جزء من بحثك روح انسخ نص من عنده وابحث بكوكل اذا ماخوذ نصا راح يطلعلك الملف او الموقع الي مسروق منه البحث وجرب اكثر من نص ومن عدة اماكن من البحث علمود تضمن ان بحثك شغل ايد ومرتب. ملاحظة: انسخ فد 12 سطر تقريبا وابحث عنهن.
وكذلك شوف بحثك موثق لولا بيه مصادر لولا.
بعض البحوث يشتغلوهن بدون توثيق بدون ذكر المصادر بداخل البحث وهذا خطأ ومباشرة ينرفض من المشرف وحتلو وافقو عليه تقديرك راح يكون ضعيف.
افضل طريقة للحصول ع ناس تخاف الله وتصدق بعملهة هي من خلال تجارب الناس الي قبلك وحاول تشوف اكثر من شخص علمود تضمن ان الشخص الي سالته ماجان دا يروج لصاحبه او شخص يعرفه لهذا من يكون اكثر من شخص ينصحون بنفس الشخص هذا معناه حصلت اجابة صادقة بنسبة كبيرة والله اعلم.
ولا يغرك سعر الشخص الي يشتغل بيه سواء كان رخيص ومناسب او غالي ومكتبه كبير وهل سوالف لا الغالي زين ولا الرخيص يفيدك المجرب هو اليفيد والمضبوط فقط.
نشرت هل منشور لان هواي طلاب دتجيني خطية بحوثهم جدا تعبانة ومتستاهل يندفع الهة هل مبلغ اصلا.
