هالة بن سليمان

2022-05-21 22:44:23 - اللي قاعد يوصلك إن قادر ياخد من حد تاني شيء أفضل من اللي أنت تقدم فيه ومع هذا ياخد منك ومش موقف، ولا اللي يبينلك إنه قادر يكون في مكان أفضل من اللي عطيتهوله ومع هذا مكمل وممشاش، الفئة هاذي اللي ياكلوا في الغلة ويسبو في الملة احرمهم من الغلة وخلي يشوفوا حياتهم بعيد عليك، أنت الاكيد ماتبيش حد قاعد يقلل من اللي اديرله فيه، ولا تبي تصرف جهد على الفاضي. Open / Comment

2022-05-21 21:56:23 - قيمة وقتك تاخد من قيمتك وتعطي. Open / Comment

2022-05-21 21:32:01 كان نفسي ببساطة، اخدك نهرب فوق بساطي.

مروان بابلو | ليالي. Open / Comment

2022-05-21 21:16:42 - أفضل حاجة ممكن تقدمها لأي شخص بغض النظر على نوع علاقتك بيه وهي إنك تتقبله زي ما هو، لكن قبلها لازم تقدم لنفسك حاجة أفضل وهي إنك ما تقبلش بأي حد جاي عليك. Open / Comment

2022-05-21 06:40:54 - نبي نقولك إني مش عارف شن اسم المرحلة اللي تبدأ فيها كل ليلة قبل ما ترقد تتمنى إنك تحلم بشخص معين، لكن اللي نعرفه إن من يوم ما قطعنا الكلام وانا فيها. Open / Comment

2022-05-21 01:33:03 - أنا لو موجود فا مش لأني متأقلم، أنا موجود لأني خايف نغيب وماعاش نشوفك. Open / Comment

2022-05-20 23:16:20 - ممكن تكون الظروف اللي مريت بيها جدا صعبة، اثرت فيك وفي صحتك ونفسيتك وروتينك اليومي، لكن الشي هذا ما يعطيش مبرر ل إنك تنقم على نفسك، وحتى على الاسباب اللي خلاتك تمرّ باللي مرّيت بيه، لو بتجي تشوف للناس حتى اللي شايفهم في وضع أفضل منك، لكن الحقيقة إنك ما تفرقش… Open / Comment

2022-05-20 23:15:09 - ممكن تكون الظروف اللي مريت بيها جدا صعبة، اثرت فيك وفي صحتك ونفسيتك وروتينك اليومي، لكن الشي هذا ما يعطيش مبرر ل إنك تنقم على نفسك، وحتى على الاسباب اللي خلاتك تمرّ باللي مرّيت بيه، لو بتجي تشوف للناس حتى اللي شايفهم في وضع أفضل منك، لكن الحقيقة إنك ما تفرقش عليهم هلبا، من المعروف إن "تتعدد المصائب بتعدد الاسباب والتأثيرات عند الناس"، يعني ممكن انت اللي صار معاك لو صار مع غيرك ما يأثرش فيه زي ما أثر فيك والعكس، لكن لازم تعرف ان عند الله عزّ وجل الوضع يختلف لأن ربي ابتلاك أنت وابتلاه هو وابتلى غيركم هلبا لسبب واحد :

"أولئك قومٌ امتحَن اللَّهُ قلوبَهم للتقوى لهم مغفرةٌ وأجرٌ عظيم". Open / Comment

2022-05-20 22:06:04 - الفجوة اللي بين شعورك واختياراتك، مش حتخليك ترتاح وتفرح حتى بالاختيار الصح لأنك مش حاسه. Open / Comment

2022-05-20 20:22:09 - أي شيء في الحياة قادر يضرك حتى وهو فكرته الأساسية إن ينفعك، لمجرد إنك صدقت فكرة إن هو فعلا فكرته الأساسية إن ينفعك بس وإن مش ممكن يضرك.
لو أنت عايش يوم كويس، مرتاح وتمارس في روتين عادي وما تبذلش في أي جهد جسدي أو ذهني ومش حاس إن في حاجة غلط في يومك، وحاس إنك في comfort zone (منطقة الراحة) ومافيش غلط ولا خلل في الموضوع، والروتين هذا قاعد يتكرر لأيام وشهور.

فا خليني نقولك إن الغلط والخلل في الموضوع هو ال comfort zone نفسها، وزي ما عرفوها بمنطقة الراحة "الوهمية"
إنك ما ادير في شيء، ولا إنك ادير في شيء ما يعودش عليك بفايدة، حتى لو يوصلك ل ليڤل عالي من المتعة، وبعدها تفوت عليك ساعات تفكير وعلى الاغلب تكون في الليل وتحس إنك تبي ادير فيه حاجة مهمة قبل ما ترقد حتى لو كانت مخطط، وتاني يوم ترجع لمنطقة الراحة من جديد (وهاذي حالة تانية وموضوعها أكبر)..
فا أنت حتقعد في نفس المكان وحتفقد ثقتك في نفسك وحيبدا يهون عليك وقتك بطريقة غير مباشرة، متاع أنا قعدت هلبا ما درت شيء، فا خلي نكمل الشهر هذا ونبدأ، أو مع بداية السنة الجاية..
وهاذي أغبى طريقة تفكير، أنت بشري وطبيعي حتاخد فترة باش تتكيف مع أي وضع، مش في يوم وليلة حتتحول من الشخص القاعد في مكانه ما يدير في شيء، لشخص أكتر إنتاجية، ومحتاج تمهد لنفسك، تبدأ في الشيء اللي تبي تبدأ فيه بمعدل ربع ساعة على الأقل يوميا، لن توصل في اليوم اللي قادر تمارسه ستة ساعات في اليوم بلا ما تحس إنك قاعد تضغط على نفسك.

واخيرا في جملة للعالم والكاتب (نيل د.وولش) وقفت عليها تقول "الحياة تبدأ في نهاية منطقة الراحة الخاص بك".
وخليك عارف إنك في الحقيقة أنت محتاج تتعب أكتر بشوية من إنك محتاج ترتاح. Open / Comment