2018-08-09 11:15:53
اکو ولد شباب یرجع من العسکریه یجی للبیت یلگه والدته میته ایحاچی الجنازه
ایگلهه
یما ردی ابداعتی.
یما ملک الموت اجانه
ابساعه سوده
وگتله لا موساعت امی
الهای بیدک ساعتی.
امی های اشلون های.
ربی رجعهه واخذنی
المن اسیر
تچفی کل مایک ورای.
ربی های امی وغطای.
های چانت بسمتی وابوکت البواچی.
امی یا اول قنیه
العگب خیط البکره
ماخلت تراچی.
الیله شوف العین راچی.
وانته یا دفان لاتگرب لحدهه.
الام حنیه ومن تموت
ابگاع ماتدفنهه
تدفنهه ابولدهه.
اتدفنهه بیه.
انه ذاک الشاعر الکلش خطیه.
انه ابنهه.
انه الزغر من حظنهه.
انه ذاک الچانت
المن تضحک ایفسره حزنهه.
امی تنعه اعلیه
من نگعد نجیب
احچایه من طار المحنه.
((اتگلی))
روحی وروحک فرد معلاگ.
واثنیننه مانهوا الفراگ.
وصار قصبآ والوکت طشر شمنه.
ک.حسین جوده الساری جدید
662 views08:15
ق
