عارف مجاهدتك لنفسك ومقاومتك لشهواتك ومعاناتك عشان تبعد عن الذنب الفلاني.. كل ده جهاد بجد جهاد شاق جدا..
بس والله كله لمصلحتك انت.. "وَمَن جَاهَدَ فَإِنَّمَا يُجَاهِدُ لِنَفْسِهِ ۚ إِنَّ اللَّهَ لَغَنِيٌّ عَنِ الْعَالَمِينَ"
البنت اللي بتلبس حجاب شرعي كامل وبتجاهد حبها للميك اب والبناطيل والشعر..
الشاب اللي بيتقطع من جواه وهو بيقطع علاقته ببنت كام متعلق بيها عشان حرام ومش هينفع يستمر..
الراجل اللي بيعافر عشان يبطل السجاير او العادة والإباحية..
الشباب اللي بيجرجروا نفسهم بالعافية عشان يصلوا في المساجد..
الأب اللي عمال يجيبها يمين وشمال عشان يأكل عياله من الحلال ويبعد عن الربا والقرش الحرام..
كل ده مش هيروح عالأرض والله... ده كله في صالحكم انتم وفي موازين حسناتكم.. انتم المستفيد الوحيد في المعادلة..
والنتيجة "والذين جاهدوا فينا لنهدينهم سبلنا"
#رسايل
