'በዝናብ ቅጠሪኝ' 'አማልዱኝ ባልልም አስታራቂ ልኬ ባልማፀንሽም ፊትሽ ተንበርክኬ እንባዬ እንዳይ | NEWS ABOUT CORONA VIRUSES

"በዝናብ ቅጠሪኝ"
"አማልዱኝ ባልልም አስታራቂ ልኬ
ባልማፀንሽም ፊትሽ ተንበርክኬ
እንባዬ እንዳይታይ ካንቺ ተደብቄ
አነባለሁ ዛሬም ዝናቡን ጠብቄ
ልቤ በስቃይ ጣር ብሶቱን ሲያሰማ
ሀዘኔ ተሰምቶሽ ልብሽ እንዳይደማ
ቀኑ ጨላልሞልኝ ክረምቱ እስኪገባ
መጥተሽ አጠይቂኝ ሆድሽም አይባባ
.
ዝናብ የኔን ብሶት ሀዘኔን ባያጥበው
ሳለቅስ እንዳታዪ እንባዬን ይጋርደው
በጉንጬ የሚፈሰው ዝናብ እንዲመስልሽ
ሁሌም ክረምት ይሁን ጉዳቴ አይታይሽ
ውዴ:-
ጥፋቴ ሲገባኝ ዛሬ ተመልሼ
ነይልኝ አልልም እፊትሽ አልቅሼ
አዲሱ ኑሮሽን ልረብሽ በ'ንባዬ
በበጋ አልጣራም ናፍቀሽኛል ብዬ
.
ሳለቅስ እንዳታዪኝ
ሁሌ በየአመቱ በክረምት ነይልኝ
ጉርምርምታው ሲብስ በዝናብ ጠይቂኝ
አንቺን ያገኘሁ ለት
ከንፈሬ ተላቆ ስስቅ እንድታይኝ
ቀን የጨለመ ለት
ዶፍ እየወረደ ዝናብ ውስጥ ጠብቂኝ
እስከዛው ግን ውዴ ሰላም ክረሚልኝ።
.