2023-03-22 00:10:26
الله يرحم شيخ محمد تقي بهجت يسولف سالفة كلش حلوة يگول :
يوم من الايام كنت گاعد بغرفتي وكانت الغرفة قريبة من الشارع بحيث اسمع الكلام الي يدور برى البيت ...
وكان اكو اطفال يلعبون بالشارع وبهالاثناء اجه فقير وگال لطفل ، روح لبيتكم وجيبلي مساعدة او مال او اي شي
فالطفل الصغير كال للفقير كاله عمو روح لأمك وهي تساعدك !
الفقير كال للطفل : اني ما عندي ام ، انت روح لامك وجيبلي اي شي منها
شيخ بهجت يگول : اني استنتجت شي من هذا الحوار الي دار بين الطفل والفقير وهو ان هذا الطفل واصل مرحلة من الاطمئنان ان كلشي عند الام ولذلك عنده مرحلة تسليم ان الام تكدر توفر كلشي
فلو كل شخص عنده هيج اطمئنان بالله تعالى ويعتقد ان الله قادر على ان يوفر كلشي ويعطي كلشي ويدفع اي بلاء لما كانت لدينا اي مشكلة ولانحلت كل مشاكلنا
لو يطمئن الانسان بتدبير الله وقدرته كهذا الطفل لما صارت مشكلة
رحم الله من قرأ الفاتحة على ارواح شيعة أمير المؤمنين عليه السلام وخصوصا المرحوم الشيخ بهجت قدس سره
490 views21:10
ن
