Жорий йилнинг 17 июнь куни Давлат солиқ қўмитасининг YouTube саҳифаси орқали «Электрон ҳисобварақ-фактураларни расмийлаштириш, уларга тузатиш киритиш тартиблари» мавзусида онлайн семинар-тренинг ўтказилди.
Электрон ҳисобварақ-фактураларни расмийлаштириш ва уларга тузатишлар киритишда ҳисобчилар вақтини тежаш ва юзага келиши мумкин бўлган хатоларнинг олдини олиш учун янги функциялар жорий этилди.
Давлат солиқ қўмитаси мутахассислари электрон ҳисобварақ-фактураларни автоматик равишда тўлдириш ва расмийлаштириш бўйича татбиқ этилган янгиликларни семинар иштирокчиларига батафсил тушунтириб берди.
Қарийб икки соат давом этган онлайн-семинар давомида тадбиркорлик субъектларидан 100 дан зиёд саволлар келиб тушди.
ДСҚ ва «Янги технологиялар» илмий ахборот маркази мутахассислари солиқ тўловчиларнинг таклиф ва муаммоларини тинглаб, мавзуга оид барча саволларга батафсил жавоб берди.
Онлайн-семинар Давлат солиқ қўмитасининг YouTube саҳифасига жойлаштирилди.
