Ish haqi, pensiyalar, stipendiyalar va nafaqalar miqdori oshir | Soliq xizmati xabarlari - Rasmiy kanal

Ish haqi, pensiyalar, stipendiyalar va nafaqalar miqdori oshiriladi

O‘zbekiston Respublikasi Prezidenti bugun, 17-avgust kuni “Ish haqi, pensiyalar, stipendiyalar va nafaqalar miqdorini oshirish to‘g‘risida”gi farmonni imzoladi.

Mazkur hujjatga muvofiq 2021 yilning 1 sentabridan byudjet tashkilotlari xodimlarining ish haqi, pensiyalar, stipendiyalar va nafaqalar miqdori 1,1 barobarga oshiriladi.

Joriy yil 1-sentabrdan boshlab O‘zbekiston hududida:

mehnatga haq to‘lashning eng kam miqdori – oyiga 822 000 so‘m;
bazaviy hisoblash miqdori – oyiga 270 000 so‘m;
pensiyani hisoblashning bazaviy miqdori – oyiga 289 000 so‘m;
yoshga doir eng kam pensiyalar – oyiga 565 000 so‘m;
bolalikdan nogironligi bo‘lgan shaxslarga beriladigan nafaqa – oyiga 622 000 so‘m;
zarur ish stajiga ega bo‘lmagan keksa yoshdagi va mehnatga layoqatsiz fuqarolarga beriladigan nafaqa – oyiga 440 000 so‘m;
ish staji to‘liq bo‘lmagan chog‘dagi pensiyalarning eng kam miqdori qo‘shimcha to‘lovni hisobga olgan holda – oyiga 440 000 so‘m;
belgilangan yoshga doir eng kam pensiya miqdoridan 623 000 so‘mgacha pensiya oluvchilarning yoshga doir va nogironlik bo‘yicha pensiyalari miqdori – oyiga 623 000 so‘m;
1941–1945-yillardagi urush nogironlari va qatnashchilari, shuningdek, fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan shaxslarning eng kam pensiya miqdori ustamalarni inobatga olgan holda – oyiga 2 750 000 so‘m etib belgilandi.

Boquvchisini yo‘qotganlik pensiyasi oluvchilarning bir nafar mehnatga qobiliyatsiz oila aʼzosi uchun pensiyaning eng kam miqdori – oyiga 440 000 so‘m etib belgilandi. Keyingi har bir mehnatga qobiliyatsiz oila aʼzosi uchun amaldagi tartibga muvofiq pensiya to‘lanadi.

Boquvchisini yo‘qotganlik nafaqasi oluvchilarning bir nafar mehnatga qobiliyatsiz oila aʼzosi uchun nafaqa miqdori – oyiga440 000 so‘m va keyingi har bir mehnatga qobiliyatsiz oila aʼzosi uchun 165 000 so‘mdan qo‘shilishi belgilandi.

Тelegram | Facebook | Youtube| Instagram