2024-05-09 07:57:25
#9_may
Aziz vatandoshlar, muhtaram faxriylar, Sizlarni
9-may – Xotira va qadrlash kuni hamda
Ikkinchi jahon urushida qozonilgan Gʻalabaning 79 yilligi bilan chin qalbimdan tabriklayman.
Siz, azizlarga va sizlarning timsolingizda butun
xalqimizga oʻzimning chuqur hurmat-ehtiromim va
ezgu tilaklarimni izhor etaman. Mana shu qutlugʻ kunda eng avvalo urush maydonlaridan qaytmagan minglab
yurtdoshlarimizning muqaddas xotirasi oldida bosh egib, ruhi poklariga hurmat bajo keltiraman. Ularning
xotirasi abadiy, jasorati mangudir! Vatanimiz tinchligi, sarhadlarimizning mustahkamligi
uchun jasorat koʻrsatgan, front ortida
fidokorona mehnat qilgan va bugun ham yoshlarni maʼnaviy-axloqiy jihatdan tarbiyalashga hissa qoʻshayotgan
muhtaram faxriylarimiz oldida taʼzim qilaman. Shu kunlarda yurtimizning barcha goʻshalarida
Xotira maydonlari toʻlib-toshgan, urushda halok boʻlgan
vatandoshlarimiz yod etilmoqda, faxriylar holidan xabar olinmoqda. Zero, Sizlarning va marhum safdoshlaringiz sadoqati tufayli osmonimiz musaffo, koʻnglimiz xotirjam, farzandlarimiz baxtiyor va chehralari gulgun.
Hurmatli faxriylar, ushbu qutlugʻ ayyom munosabati bilan Sizlarni yana bir bor tabriklayman.
Hammangizga sihat-salomatlik, xonadonlaringizga fayzu baraka tilayman!
Sherzod Kudbiyev,
Soliq qoʻmitasi RaisiТelegram |Facebook |Youtube| Instagram |X|Threads
16.6K views04:57