مؤخراً راكم شفتو شحال من واحد خرج على راسو وعلى حياتو وعلى مست | The Red Pill

مؤخراً راكم شفتو شحال من واحد خرج على راسو وعلى حياتو وعلى مستقبلو بسبب القـ__ـضيب ديالو وبسبب الشهوة ديالو. داكشي علاش بغيت نشارك معكم هاد الشي. ونقول لكم بأنه داك بوشلاغم اللي كايتحَكّم فالشّهوة ديالو وفي القضيب ديالو كاتخاف منو المرا. علاش؟! لأنها تستخدم الجنس كَسِلاح. إذن النثوة فاش تلقاك متحكّم فالشهوة ديالك فإن داك السلاح ما بقاش خدّام وما تلقى منين تشدّك وصعيب أنها تستغلّك، على عكس دوك الضعفاء عَبَدة المـ''ـهبل اللي النهار وماطال وهو يجري من وراها، وفي الواقع وفي المواقع، هذا سااااهل عليها أنها تشدّو وتتحكّم فيه وتپروفيطي فيه ولو غير طاكوس وتعبئة وفلوس الطاكسي.

داكشي علاش الفيميخانزات كايحاربوا الحجاب والاحتشام بشراسة، وذلك بهدف "النفوذ الجنسي" اللي هو أقوى سلاح وأقوى ميزة تفاوضية لدى النساء. وللإشارة فإن العيالات كايحسّو بواحد النشوة كبيرة فاش يقشعوك نتا كاتشوف فالمناطق الأنثوية ديالهم وتتلذّذ بها. هنا هي كاتعرف راسها أنها تملك سلاح فتّاك ممكن أنها تحاربك به وتقضي عليك به وتخرج عليك وعلى مستقبلك به وممكن أنها تدبّر به فلوس أوْ خدمة أوْ دورة معك فالطوموبيل أوْ شي كادو... أو أقل حاجة شي طاكوس كيفما قلنا الفوق.

ونتا راك عندك سلاح مقووووود.. عندك الـ''ـنّوَوي يا مْعَلّم.. وهو هرمون التيستوستيرون. وهاد الهرمون هو وقود الرجل وخصك تعرف كيفاش تستغلّو لصالحك وتحقيق أهدافك وخصك تحافظ عليه وتخلّيه فالقِمّة. وهنا غادي نقول لك بأنه لو عرفتي كيفاش تلعب بهاد الهرمون (يعني التيستوستيرون) يا حتى تعيش الحياة اللي تحلم بها وما تبقى تلقى مشكل مع شي ختنا كيفما كانت، وعمرها تصيّدك شي واحدة أوْ تشدّك فشي فخ، (على عكس هادوك اللي خرجوا على حياتهم فشي قضايا ديال الجـ__ـنس / الاغتـ__ـصاب / القاصـ__ـرات...) وتعيش ملك مع راسك. وخصك تعرف بأن أخطر عدو غادي تواجهو فحياتك هو نفسك وشهواتك. وخصك تعرف كيفاش تسيطر عليها وتتحكم فيها قبل ما تخرج عليك.

الخلاصة: تحكّم في شهوتك وقضيبك وإلا فإنهما سَيَقُوودانك للهلاك يا بوشلاغم.
تهالّاو.