شنو هو الريدبيل و علاش و كيفاش خرج و أضلاعه؟ و فين واصل دابا | The Red Pill

شنو هو الريدبيل و علاش و كيفاش خرج و أضلاعه؟ و فين واصل دابا فالمغرب؟

غادي نجاوب على حسب معرفتي و البحوث ديالي فهادشي و لكن sous-controle ديال الأصدقاء اللي للأمانة كايفهمو كثر مني و تفاجأت positivement للمستوى ديال بعض التعليقات على مستوى المنشورات ديالي.

1- هادشي خرج فالغرب و كان الهدف ديالو هو الدفاع عن حقوق الرجل و الوقوف ضد حركة الأنثوية اللي كانت بسلات و تغلغلات.
الرجل أصبح خاسر مور الطلاق بداكشي اللي كاتدي ليه ديال الفلوس زايد الابتزاز بالأبناء و ماتشوفهمش و الحضانة عاد زيد البكا و الشكا ديالهم حتى ولاو كاياخدو الفابور و عندهم بزاف ديال الامتيازات فالخدمة و فرص الشغل إلخ..
أيضا حقوق الرجال اللي خدامين فالبني و المناجم و تحت الأرض .. خطورة كبيرة بشوية ديال الفلوس.. و تسلط أيضا الضوء على عدد الرجال اللي كاينتاحرو و اللي كثر من النساء. داك الضغط ديال المجتمع .. إلا ماخدمتيش أو مادرتيش الفلوس راك ماساويش و ماعندك قيمة.. الهدف هو تبين ليهم باللي خاس يديرو مجهودهم لكن قيمتهم ماشي فقط فشنو عندهم.. و أيضا نسمعو ليهم و لأي واحد عندو مشكل. حيت الرجال ديما مخبيين فعقلهم و داخلهم الحاجة حتى كاينتاحرو أو يتسطاو.
شوية داز داكشي لسيكولوجية المرأة حيت شر لا بد منه باش يفهم الرجل كيفية الاستعمال و التعامل و باش يستهلك بلا مايتهلك.. و هادشي عطا مفعول حيت الرجل الغربي فهم و مابقاش كايتزوج باش au pire نتفارقو و بسلامة .. hypergamy و تقافز القردة و smv و تكتيكات العار و shit test .. هادشي كاااامل باش ماتبقاش مقلوبة عليك القفة و ترجع للطبيعة ديالك أنك تكون القايد و ماتآمنش لهاد المخلوق الضعيف المتقلب.
شوية غايدوزو لخاس تكون أحسن version ديالك باش كلشي يسهال حيت smv ديالك هوما الإنجازات و غالبا كايوصل ل peak ديالو فالثلاتينيات ..داكشي علاش كاينصحك redpill الإبتعاد عن الفتيات فالعشرينيات و باللي داكشي جاي ب la première qualité من بعد.
داكشي ديال بعد فخطرة على البنات راه mgtow يعني بلاصتك ماشي هنايا .. و داكشي ديال redpill هو فقط تخدم على راسك و لا علاقة مع البنات خطأ حيت من أسباب ظهور redpill هي النسوية. لذلك عارف دوي ماعارفش سكتنا كي خلاها واخد الأستاذ قراني باش ماتغلطش الناس.

2-الريدبيل فالمغرب غادي بخطوات متتاقلة و لكن صحيحة و مركزة. لاعبين ف les réseaux sociaux.. الغروبات و les chaînes و شكرا للمجموعات و redapill و Douglas واخا هاد الأخير بدا كايسوق ل mgtow مؤخرا..
شكرا للشيخصار اللي بلا مايهضر على redpill راه كايعاونا مي حارب الموظفات . . هادشي عتق بزاف ديال الدراري و لكن les médias و التلفزيون مامعاناش حيت مطبعين و داعمين العلمانية و النسوية لعدة أسباب و لكن كيما كايقول الشاعر (حنا مع مهم حروبات) حتى الشخصيات العامة مامعاناش حيت كلشي خايف على طرف ديال الخبز باش تعرف هاداك الجنس شحال خطير. و بالرغم من ذلك حسو بالصهد ديالنا و خايفين .. بزاف ديال الدراري خداو الحبة الحمراء و كاين اللي خذاها بلا redpill حيت شافهم بسلو لكن ضروري التعمق ف redpill باش تفهم مزيان و تستروكتوري الأفكار.
صحابي كاملين قريتهم هادشي و كاين اللي تعمق كثر مني و جا علمني هههه و كايقتانعو بسهووولة بهضرتي حيت tout simplement نحن على حق .. لذلك نشر أخي مع الأصدقاء ديالك.

by:Othmane