2021-06-12 08:18:29
УСТАМА УЧУН АСОССИЗ ҲУЖЖАТЛАР ТАЛАБ ҚИЛИШ ТАҚИҚЛАНДИ Маълумки, Вазирлар Маҳкамасининг 2019 йил 30 сентябрдаги “Умумий ўрта таълим муассасаларининг ўрнак кўрсатган ходимларини моддий рағбатлантириш тартибини такомиллаштириш тўғрисида”ги 823-сонли Қарорига мувофиқ, мактаб ишчи гуруҳлари томонидан ҳар йили 1 июлга қадар умумтаълим муассасасининг ҳар бир педагог, психолог ва кутубхона ходимлари фаолиятини баҳолайди ва навбатдаги ўқув йили учун юқори натижа кўрсатган педагог, психолог ва кутубхона ходимлари базавий тариф ставкасига ҳар ойлик устама микдорини белгиланиши кўрсатилган.
Сўнги пайтларда Халқ таълими вазирлигига педагог ходимлардан уларнинг фаолиятини ишчи гуруҳлар томонидан баҳолаш жараёнида катта ҳажмдаги ва асоссиз ҳужжатлар талаб қилинаётганлиги ҳақида ҳақли эътирозлар келиб тушган.
Халқ таълими вазирлиги бундай ҳолатларни олдини олиш мақсадида, устама тайинлаш бўйича ишчи гуруҳлар томонидан ўқитувчилардан талаб қилинадиган ҳужжатлар рўйхатини тақдим этиб, бундай ҳолатларга йўл қўймаслик бўйича алоҳида кўрсатма берди.
Вазирликнинг берган кўрсатмасида ишчи гуруҳлар томонидан ўқитувчилардан бошқа ҳужжатлар талаб қилиниши
қатъиян ман қилинишини ҳамда ҳозирги кунда ўқитувчилар томонидан тақдим этилган ҳужжатлар ушбу талабларга мос келган ҳолда, уларга ҳужжатлар йиғмажилдини қайта ишлаб, тақдим этиш учун ишчи гуруҳлар томонидан талаб қилинишига йўл қўйилмаслигини таъқидлаган.
Шунингдек, Халқ таълими вазирлиги, Тошкент шаҳар халқ таълими бош бошқармаси ва вилоятлар халқ таълими бошқармалари, туман (шаҳар) халқ таълими бўлимлари ишчи гуруҳининг фаолиятига ҳамда улар қабул қиладиган қарорларга аралашишга йўл қўйилмаслигини ва ушбу Ушбу Низом талабларини бузган шахслар қонун ҳужжатларида белгиланган тартибда жавоб беришини алоҳида эслатиб ўтди.
Халқ таълими вазирлиги шунга ўхшаш муаммолар бўлганда уларни оператив ҳал қилиш мақсадида вазирликдан бу ҳусусда чиқаётган хат ва тошириқларни педагог ходимлар биринчи қўлдан, тезкор олишлари учун @operinfo номли канал фаолиятини ҳам йўлга қўйди.
Эслатиб ўтамиз, педагог ходимларга устама тайинлаш учун уларнинг фаолиятини баҳолашда фақатгина вазирлигнинг қуйидаги кўрсатма хатида келтирилган ҳужжатлар рўйхатидан фойдаланилади.
Бизнинг канал
https://t.me/yosh_ustozlar
412 views05:18