اللي ماباسوا الصور ماحبوا !
جنت دائما لما اقره هالجملة استهزء وجنت اكول معقوله آكو شخص ممكن يبوس صورة ؟
يعني شنو هالحب اللي ممكن يخليك تقرب الصورة سواء جانت على ورقه او شاشة الكترونيه لدرجة آنك تبوسها !
بس لما حبيتك اعترف آني جنت غلطان اكتشفت انو اللي يشتاق ويعيش بمرارة الشوق مو بس يبوس الصورة يحضنها هم ومرات يبجي كدامه ويدعي ربه آنو ترد روحة بشوفة صاحب الصورة
الحب يا اصدقائي مو يوم ويومين ويذبل ولا عمره كان شيء بسيط ويعدي بسهولة لما تعيش مرارة شعور الشوق راح تلجاء للصور لان هي ملاذك الاخير بعد ماتفقد الامل بالشخص الحقيقي اذا حبيت صديق وراها تغير او حبيت شخص صعب يكون من نصيبك او شخص توفى او اغترب في كل الحالات راح تبوس الصور وتبجي على حظك اللي ما خلاك تتهنى بهذا الشخص وفعلا اللي ما باسوا الصور ماحبوا والله ."
