المرأة في المنظور الاسلامي يقسمه الى قسمين : يكول اكو امرأة صالحة وامرأة طالحة ، المرأة الصالحة يكول : قيمتها اكبر من الدنيا ، يعني احنه اذا نريد نضع اله ثمن الصالحة ، يكول ما اله ثمن لان هاي مرأة طيبة جامعة لشروط الي رسمها الاسلام اله ، فما تقدر بثمن ..هي فوق ان تقدر بثمن ...بينما المرأة الطالحة لا سامح الله يكول ما اله كل ثمن حتى لو نريد انثمنه بشي صغير هم ما اله ثمن ،، لان خرجت عن نطاق الاسلام ، عن آداب الاسلام ، فصارت يعني متعبه لمجتمعه متعبة لزوجه لاسرته ، فماكو من وراها منفعه ، واحنه يعني اذا نمر عل الجزيرة العربية * العرب كان عدهم مواقف سلبية مع المرأة لا حدود لها ، شنو هاي يعني المواقف ؟ يعني تصوري الامر وصل عدهم الى مرحلة هل المرأة هاي اذا حصلتلها العادة الشهرية يعني كان ينبذوه يخلوه وين كان يجيبوه وراء البيوت يبعدوها عن ممارسة النشاطات ، عن ممارسة واجباته اتجاه الأسرة في الحياة العامة ،فما كان اله دور يعني خصوص بهاي الايام كان التمر بيه العادة الشهرية * ف اجه الاسلام رفع من شأن المرأة وقيمته .ونبذ هذه العادات والتقاليد، كال المرأة الصالحة المؤمنة هاي لا تقدر بثمن هاي يفتخر بيه المسلمين ...تفتخر بيه عائلته ... ولهذا المرأة كون تنتبه تعرف شنو واجباته، شنو مسؤلياته إتجاه زوجه مجتمعه اسرته ، حته تنتظم بهاي الحياةالطيبة ، لان عده دور كبير ..
من بعد هل مقدمة نجي للآية
يعني الله عزوجل جاي يفهمني يكلي : للمرأة دور كبير بالمجتمع ، يعني مو سهله الله يجي يضرب مثل بامرأة فرعون !! هي مرأة وضرب بيه مثل حته يبين صلاحه يريد يبين قيمته الاجتماعيه.. وضرب بيه وخلاها آيةقي القران * ف احنه نريد نكول الامام علي ،ع ،، ازوج سبع زوجات * كما هو معروف ، وهاي الزوجات الي ازوجه الي اول وحدة كانت فاطمة الزهراء ..ع .. وعد وفاته وصته بإمامه بت زينب كالتله ازوجه ، المرأة الثالثة،، خولة بت جعفر الحنفية الي هي من سبايا بني حنيف ، المرأة الرابعة : اسماء بت عميس الي هي زوجة جعفر ابن ابي طالب سابقا المرأة الخامسة : ليلى بت مسعود من نساء البصرة ، المرأة السادسة : ام الصهباء هاي من عين تمر لما جاؤا بسبايا خالد ابن الوليد ، صارت من سهم الامام احد السبيات ،المرأة السابعة : فاطمة بنت مزاحم الكلابية ، هذا التاريخ يذكر النه ذني الزوجات ،زين احنه لما نمر الى مولاتنا فاطمة الزهراء طبعا في حياته لم يفكر ولم يتزوج إمرأة ثانية في حياته ، التاريخ احنه اذا نريد ذني وزنهن بالميزان من بعد فاطمة الزهراء ع ذني زوجاته السته ، نشوف اكثر وحدة تالقت بيهن هي (فاطمة بت مزاحم ام البنين ) يعني احنه لما نتأمل اسباب زواج الأمير من فاطمة بت مزاحم ليش ازوجه الامام يعني يمكن يؤيد ما نقول ، علي ابن ابي طالب... ما اتفكه بعدد الزوجات ، ما كان عنده تفكه ، كان عنده اسباب ، اجه وين لعقيل اخوه كاله يا عقيل اختر لي ... إمرأة ولدته الفحول من العرب لعلي اصيب منها ولد ينصر ولدي الحسين في كربلاء ، ف اذن علي أبن أبي طالب ، هو جان يكدر هو يطلع زوجه من هاي البيوت لكن يطينه درس * اكو ناس عده اختصاص ، نروح للأهل الاختصاص نسالهم ، هنا يكله امرأة من بيت كريم ، انتي شايفة بعض الي يتنادهون عل الخطب ( خطب إمرأة ) ليش اكو ناس تروح لهذا لان هذا بيت كريم بيت مؤمن واكو بيت نعوذ بالله لا سامح الله بيت يعني يسموه بيت انتهازي اولاده هم انتهازيين يطلعون ، كون الانسان يهتم بهاي الحقيقة انه بيتي من اي لبيوت ...ولهذا نجد امير المؤمنين ع ركز في اختياره لهذه الزوجة الصالحة .... وهاي المرأة الصالحة هي فاطمة بت مزاحم كما تعلمون ...والتي انجبت اولادها الاربعة الذين هم فخر للأبناء الصالحين ومن بينهم ابي الفضل ( رمز الوفاء ) الذي فدى الحسين ع بنفسه فنعم الاخ المواسي لاخيه وكفاه فخرا قال فيه الامام جعفر الصادق : رحم الله عمي العباس فلقد اثر وابلى ، وفدى اخاه بنفسه *
1. قناة اليوتيوب الرسمية رابط👇للاشتراك. https://youtube.com/channel/UCz03jT4unuka51X7foOyXcg. 2.كروب الالحان(1) . https://t.me/joinchat/Dw92Dj9pmspR5uHfACG...
