Infocom

2022-12-23 19:01:08 ՌԴ արտաքին գործերի նախարար Սերգեյ Լավրովն այսօր մամուլի ասուլիսի ժամանակ շատ դիպուկ է նկատել, որ Ղարաբաղյան խնդիրը որպես ժառանգություն մնացել է Խորհրդային Միությունից: Ինչ վերաբերում է ադրբեջանական «բնապահպանների»՝ հանքավայրեր այցին, ապա իրականությունն այն է, որ ս. թ. դեկտեմբերի 3-ին Արցախը Հայաստանին կապող միակ ճանապարհն առաջին անգամ արգելափակելուց հետո ադրբեջանական կողմը ռուս խաղաղապահների միջոցով Արցախի իշխանություններին փոխանցել է գրավոր առաջարկներ, որոնք բնապահպանական խնդիրների հետ ոչ մի առնչություն չեն ունեցել և բացարձակապես անընդունելի են եղել Արցախի համար:

Արցախյան կողմը կառուցողական մոտեցում է ցուցաբերել՝ խաղաղապահների միջոցով ադրբեջանական կողմին փոխանցելով այն պայմանները, որոնց պահպանման պարագայում պատրաստ կլինեն թույլ տալ ադրբեջանական բնապահպանների այց հանքավայր: Ադրբեջանական կողմը չի պահպանել արցախյան կողմի պայմանները և նրանց պատասխանը եղել է արդեն ճանապարհի երկարաժամկետ արգելափակումը։ [Արցախի նախագահ Արայիկ Հարությունյան] Open / Comment

2022-12-23 18:28:41 Արցախի Հանրապետության մի խումբ քաղաքացիներ՝ կանայք ու տղամարդիկ, Արցախի կողմից քիչ առաջ քայլելով հասան դեպի ռուսական խաղաղապահ զորակազմի անցակետ՝ բանակցելու նրանց հետ Հայաստանին կապող միակ ճանապարհը բացելու հարցով։
Արցախի բնակիչ Տիգրան Պետրոսյանը, դիմելով ռուս խաղաղապահին, ասաց․
«Մենք ՌԴ ղեկավարությունից խնդրում ենք, ես չգիտեմ՝ ուժով, թե ոնց, դուք պետք է ապահովեք անվտանգ ճանապարհ, մենք ձեզ խնդրում ենք ինչպես Լեռնային Ղարաբաղի Հանրապետության քաղաքացիներ, ապահվեք մեզ անվտանգ ճանապարհ։ Հիմա մենք կվերադառնան ներքեւում մեզ սպասող ժողովրդի մոտ, ու եթե մինչեւ վաղը ադրբեջանցիները չբացեն ճանապարհը, մենք ժողովրդով՝ այդ թվում երեխաների հետ, կգանք այստեղ՝ հույս ունենալով, որ թույլ կտաք մեզ անցնել ու ադրբեջանցիների հետ խոսել, նրանց ասել, որ սխալ են»։ Open / Comment

2022-12-23 17:49:06 «Արցախի Հանրապետության ճանաչում» քաղաքացիական նախաձեռնությունը հավաք է իրականացնում ի սատարումն Արցախի։ Հավաքից հետո կիրականացվի երթ դեպի ՌԴ դեսպանատուն։ Open / Comment

2022-12-23 16:44:57 Բայրամովը Լավրովի հետ ասուլիսում հայտարարել է, որ Ռուբեն Վարդանյանը անհապաղ պետք է լքի Լեռնային Ղարաբաղը: «Որքան շուտ այդ մարդը լքի տարածաշրջանը, այնքան լավ բոլորի համար. առաջին հերթին տուժում է տեղական բնակչությունը, նա չի թողնում ռեինտեգրվել»,- հայտարարել… Open / Comment

2022-12-23 12:01:12 Արցախի «Արևիկ» բուժմիավորումում 11 երեխա նորածնային և ռեանիմացիոն բաժանմունքներում է: Նրանցից 4 ամսական փոքրիկի առողջական վիճակը, ու մոտ ախտորոշվել էր «Ընդերային լեյշմանիոզ», շարունակում է մնալ ծանր․ նա ստանում է համապատասխան բուժում:
«Հանրապետական բժշկական կենտրոն»-ում 7 բուժառու վերակենդանացման բաժանմունքում է, 4-ը՝ ծայրահեղ ծանր վիճակում։ [Արցախի ԱՆ] Open / Comment

2022-12-23 11:52:07 Հանրային քրեական հետապնդում է հարուցվել Միհրան Պողոսյանի անձնական թիկնապահի ու վարորդի նկատմամբ

ԴԱՀԿ նախկին պետ Միհրան Պողոսայանն իր անձնական թիկնապահին ու անձնական վարորդին պաշտոնների է նշանակել ԴԱՀԿ-ում, սակայն նրանց հանձնարարել է օրենքով սահմանված իրենց լիազորությունների իրականացման փոխարեն ապահովել իր անձնական անվտանգությունը:
Նրանք փաստացի չեն աշխատել, բայց Պողոսյանի հանձնարարությամբ ստացել են աշխատավարձ և դրան հավասարեցված վճարումներ:
Այդպիսով Պողոսյանը պետբյուջեից հափշտակել է ընդհանուր 43,8 միլիոն դրամից ավելի գումար։ [ՀՀ գլխավոր դատախազություն] Open / Comment

2022-12-23 11:39:21 Դեկտեմբերի 22-ի դրությամբ Ստեփանակերտում դիտարկված մթերային խոշոր խանութներում նկատվում է որոշ ապրանքատեսակների պակաս, մասնավորապես՝ բրնձի, ոլոռի, ձավարի, ձեթի, տեղական արտադրության կարագի, երշիկի, նրբերշիկի և ծխախոտի որոշակի տեսակների, իսկ որոշ ապրանքատեսակներ առևտրային օբյեկտներում գրեթե բացակայում են, մասնավորապես՝ շաքարավազ, հնդկաձավար, ոսպ, ալյուր «Բաղրամյան», տեղական արտադրության ձու։ |armenpress.am|
Կարդալ ավելին Open / Comment

2022-12-23 09:45:41 Open / Comment

2022-12-23 09:30:42 ԵՄ բարձր ներկայացուցիչ Ժոզեպ Բորելը Ադրբեջանի ԱԳ նախարար Ջեյհուն Բայրամովի հետ քննարկել է Լաչինի միջանցքի հիմնահարցերը:
Բայրամովն ասել է, թե «Լաչինում բողոքի խաղաղ ակցիան միանգամայն օրինական է և անցկացվում է Ադրբեջանի տարածքում օգտակար հանածոների ապօրինի շահագործման դեմ՝ պնդելով, թե այն «պետք է ծառայի բացառապես մարդասիրական նպատակներին, սակայն հայկական կողմը չարաշահում է ճանապարհը»: Նա պնդել է, թե «մի շարք տրանսպորտային միջոցներ մշտական հիմունքներով երթևեկում են այդ ճանապարհով, դրա վերաբերյալ ոչ մի սահմանափակում չկա, տեղական բնակչությունն օգտվել է ճանապարհից պարեն ձեռք բերելու և բժշկական ծառայություններ ստանալու համար»:
Ըստ ադրբեջանական կողմի՝ Բորելը մտահոգություն է հայտնել տարածաշրջանում առկա լարվածության կապակցությամբ և կարևորել է Ադրբեջանի և Հայաստանի միջև խաղաղության գործընթացի շարունակումը: |azatutyun.am| Open / Comment

2022-12-23 08:29:11 ԱԽ քարտուղար Արմեն Գրիգորյանը հեռախոսազրույց է ունեցել ԱՄՆ նախագահի Ազգային անվտանգության հարցերով խորհրդական Ջեյք Սալիվանի հետ: ԱԽ քարտուղարը մանրամասներ է ներկայացրել Ադրբեջանի կողմից Լաչինի միջանցքի շուրջ ստեղծված ճգնաժամային իրավիճակի վերաբերյալ,… Open / Comment