#လှပ်၍လွင့်သော ကမ္ဘာ #ဆရာမစံပယ်ဖြူနု အေးအေးဆေးဆေးနဲ့ ကလေးေတွကို ဂိုက်လုပ်ပြီးစာသင်တဲ့ငြိမ်းမှာတော့ အမေဆိုတာမရှိတော့။ကြီးကြီး၊ အဖေနဲ့အကိုသာရှိေတာ့တဲ့ ငြိမ်းမှာသိပ်ခင်ရတဲ့ မမသက်နဲ့ ဥက္ကာတို့ မောင်နှမတော့ ရှိပါသေးရဲ့။ မမသက်တို့အိမ်မှာ အလှူလုပ်တော့ ငြိမ်း သွားစားရင်း မမသက်ရဲ့ သူငယ်ချင်းမကြည်ပြာက ငြိမ်းအဖေကို သူ့မောင်လေးကို သတ်ခဲ့ပါတယ်ဆိုပြီး စွပ်စွဲပါတော့တယ်။ ငြိမ်းလည်းကြားကြားချင်းလက်မခံနိုင် ။မမသက်တို့က အရင်ထဲကမကြည်ပြာမောင်လေးသေတာ သိကြပေမယ့် ဘယ်သူသတ်မှန်းတော့ခုမှပဲ သိကြရတာပေါ့။ မမသက်လည်းကြားပြီးရော ငြိမ်းအပေါ်အမြင်မကြည်တော့ပဲ ဥက္ကာကတော့ ပုံမှန်တိုင်းငြိမ်းကို ခင်နေမြဲ။ငြိမ်းကဒီကိစ္စကို မယုံနိုင်ပဲ ငြိမ်းအကိုကို ဖုန်းဆက်မေးတော့ သူလည်းမယုံဘူး၊မဖြစ်နိုင်ဘူးဆိုပြီးတော့ ပြောတယ်။ငြိမ်းကအဖေကိုမေးတော့ အဖေကအမှုဖြစ်ခဲ့တာမှန်ပြီးတော့ သူအပြစ်မရှိပဲ တရားသေလွတ်ခဲ့ကြောင်း ကြီးကြီးလည်း အဲ့လိုပဲပြောပါတယ်။ မကြည်ပြာရဲ့ ဒိုင်ယာရီကို မမသက်ဖတ်ပြီး ငြိမ်းဖတ်လိုက်ရချိန်မှာတော့ ငြိမ်းကိုယ်တိုင် စုံစမ်းချင်တဲ့စိတ်တွေက တားမရအောင် ပြင်းပြနေခဲ့တယ်။ငြိမ်းအိမ်မှာရှိတဲ့ အမှုနဲ့ပတ်သက်တဲ့ စာရွက်စာတမ်း၊သက်သေတွေကိုသေချာစုဆောင်း မှတ်သားပြီးတော့ ငြိမ်းရဲ့ငယ်စဉ်ကနေထိုင်ခဲ့တဲ့ မွေးရပ်ဇာတိ ဧရာဝတီမြစ်ကမ်းအနီးက မြိုင်သာယာမြို့ေလးဆီ သွားပြီးစုံစမ်းတဲ့အခါမှာတော့.....ငြိမ်းစုံစမ်းတဲ့အချိန်မှာဘယ်လိုအခက်အခဲတွေနဲ့ရင်ဆိုင်ရမလဲ။ငြိမ်းယုံကြည်နေခဲ့သလို ငြိမ်းအဖေက လူမသတ်ခဲ့ဘူးဆိုတာ ဟုတ်မှန်ပါ့မလား။ငြိမ်းသာ အမှန်သိသွားတဲ့အချိန်မှာကော ဘယ်လိုခံစားရမလဲ။မမသက်နဲ့ဥက္ကာကကော ငြိမ်းအပေါ်အရင်လိုပြန်ဆက်ဆံပါ့မလား။မကြည်ပြာကကော ငြိမ်းအပေါ်ဘယ်လိုသဘောထားဆက်ဆံမလဲ ဆိုတာကိုတော့ ဆက်လက်ဖတ်ရှုရင်းစောင့်ကြည့်ကြပါဦးနော်။ ဒီစာအုပ်လေးကိုဖတ်နေတဲ့အချိန်မှာ ငြိမ်းနေရာကနေခံစားမိတော့ အရမ်းကိုမွန်းကြပ်ရပါတယ်။ကိုယ့်ကအမှားမလုပ်ပေမယ့် ကိုယ်နဲ့ပတ်သတ်တဲ့သူကအမှားလုပ်မိတဲ့အခါ သူအပြင်ကိုယ်ကပါအဲ့ဒီဒဏ်တွေကိုခံစားရတော့ သိပ်ကိုခံစားရခက်ပါတယ်။တစ်ခုခုကိုလုပ်တဲ့အချိန်မှာလည်း စိတ်လိုက်မာန်ပါမလုပ်ပဲ သေချာစဉ်းစားဆုံးဖြတ်ပြီးမှသာေကာင်းရာမှန်ရာကိုလုပ်သင့်ပါကြောင်း........ #လှပ်၍လွင့်သောကမ္ဘာ #ဆရာမစံပယ်ဖြူနု #reviewed by khing 2.9K viewsedited 08:28
