2024-06-15 14:41:55
A RANAR GOBE, muna da azumi mai girman falala - Azumi na Ranar Arfa. Azumi ne halattacce mai hujja; bisa shiriya da koyarwa na Manzon Allah SAW. Bisa suka da wasu suke tayi akan azumin a gobe, muna iya ƙara tunatar da junanmu abubuwa kamar haka:
1. Rana wacce take ɗauke da wani aiki na Ibada wanda yake ɗauke da suna da irge a lissafin wata, misali يوم عرفة - RANAR ARFA a ranar 9 ga Zul-Hijja, Ibada ce da batada kayyadadden rana a mako, sakamakon irgenta na iya zuwa a kowani rana, Litinin ko Lahadi ko Talata ko Asabar.
A lokacin da kake ibada da yazo daidai da wannan irge, ba kana ibada ne da sunan ranakun mako ba; kana ibada ne da sunan wannan rana da aka bata. A takaice, ba azumin "Ranar Asabar" zamu yi ba; Azumin "Ranar Arfa" zamu yi - iyaka kawai irgensa yazo ne a Ranar Asabar.
2. Bayan صيام يوم عرفة - azumin RANAR AFRA, akwai صوم يوم التاسع والعاشر من شهر المحرم - azumin TASU'A da ASHURA, waɗanda duka ba azumi ne na farilla ba. Amma azumi ne keɓantattu da suke da bambamci da sauran azumi na Nafila, saboda sunada 'irge a lissafi' - saɓanin na ko yaushe da mutum ka iya yi. A bayyane yake, mutum ba zai ce zai yi azumin TASU'A ko ASHURA a cikin wata da ba "Al-muharram" ba, kuma ba a Ranar Tara da Goma na watan ba.
Don haka, irin waɗannan azumi, mutum irgensu yake dubawa yayi su, ba ranakun suna na mako da suka faɗo a ciki ba.
3. HAKA NAN, bayan azumin Ranar Arfa na ranar 9 ga Zul-Hijja da azumin Ranar Tasu'a da Ashura na ranar 9 da ranar 10 ga Muharram, akwai azumi da Annabi SAW ya kwadaitar da Musulmi suke yinsu, azumi na أيام البيض wato azumin ranar 13, 14, 15 na kowacce wata, waɗanda duka ba azumin farilla bane. Ranaku ne masu irge a wata, waɗanda suna iya zuwa har a cikin RANAR ASABAR. Amma halal ne mutum yayi su.
A lokacin yinsu, mutum ba Ranar Asabar yake azumta ba; iyaka azumin ranakun 13, 14, 15 yake yi waɗanda suka faɗo a RANAR ASABAR - kuma yana yi ne bisa koyarwar Annabi SAW.
4. Haka nan, mun sani akwai hadisi tabbatacce na Annabi SAW da yake cewa:
قال رسول الله - صلى الله عليه وسلم -: ((أحب الصيام إلى الله عز وجل، صيامُ داود - عليه السلام - كان يصوم يومًا، ويُفطِرُ يومًا))
Annabi SAW yace: "Mafi soyuwan azumi a wurin Allah shine azumin Annabi Dawud AS; ya kasance yana azumi na rana guda, ya sha ruwa na rana guda." A cikin wannan hadisi, kwaɗaitarwa ce akan yin azumi na Annabi Dawud AS daga Annabi SAW. A wannan yanayi, tabbas a watarana dole a samu ranar azumin nan ya iya zuwa a RANAR ASABAR.
5. HAKAZALIKA, shi kansa zancen hani akan yin azumi a Ranar Asabar ba sakakken zance bane mara qaidi. Domin a hadisi, ya tabbata Annabi SAW ya nuna ana iya yin azumi na Nafila a Ranar Asabar— IDAN AKWAI WANI DALILI.
دخَل النَّبيُّ صلَّى اللهُ عليه وسلَّم على جويريةَ بنتِ الحارثِ يومَ جمعةٍ وهي صائمةٌ فقال: ( أصُمْتِ أمسِ ) ؟ قالت: لا قال: ( أفتُريدينَ أنْ تصومي غدًا ) ؟ قالت: لا قال: ( فأفطِري )
A wannan hadisi na Juwairiyya bint Haris, matar Annabi, cewa: "Annabi ya shiga wurinta a ranar Jumuah, tana mai azumi; sai yace mata, tayi azumi a ranar Alhamis ne, tace, a'a; yace, tana da nufin yi a ranar Asabar ne, tace a'a, sai Annabi yace mata, toh ta sha ruwa." (Ibn Hibban, Imam Ahmad, Nisa'i). Anan, Annabi SAW ya nuna da zata yi azumi a Ranar Asabar, da batada matsala da yin azumi a Ranar Jumuah. DON HAKA, dalili yana iya saka ayi azumi na Nafila a RANAR ASABAR.
6. Har ila yau, an samu Annabi SAW ya kasance yana yin azumin Asabar da Lahadi a wasu lokuta.
عن أم سَلَمَةَ، أن النبي - صلى الله عليه وسلم - كان يصوم السبت والأحد ويقول: ((هما عيدان للمشركين فأنا أحب أن أخالفهما)).
Daga Nana Ummu-Salmah RA tace, "Annabi SAW ya kasance yana yin azumi a Ranar Asabar da Lahadi, yana ce: "Kwanaki ne guda biyu na idi a wurin Mushrikai; don haka ni kuwa ina son na saɓa dasu a ciki." A wannan hadisi, akwai nuni da cewa ashe ana yin azumi na nafila a Ranar Asabar matukar akwai dalili. Ba kwata-kwata haramun bane yin azumi a Ranar Asabar.
7. Waɗannan zance duka, idan an dauka ne cewa hadisin hani akan yin azumi na Nafila a RANAR ASABAR ya inganta. Saboda manyan Malaman hadisi da yawa suna ganin hadisin bai ma ingan
6.3K views11:41
S
