जीने के बहाने लाखो है! मित्रांनो, वेळीच भानावर या.आपले मरण | 🏹आदित्य अकॅडमी🏹

जीने के बहाने लाखो है!

मित्रांनो,
वेळीच भानावर या.आपले मरण इतके स्वस्त नाही. शेवटचा मार्ग निवडण्यापेक्षा इतर मार्गांकडेही लक्ष द्या. MPSC म्हणजेच सर्वस्व नाही.

‘मरू का, मरू का?,’ असं म्हणणाऱ्या विषयी मला कधीच कौतुक वाटत नाही. उलट, ‘मी जगून दाखवतोच, जगणं मुठीत पकडतोच,’ अशांचा मला भारी अभिमान वाटत असतो.

निसर्ग आयुष्य देतं, जन्म देतं; पण चालण्यासाठीच्या वाटा आपल्यालाच तयार कराव्या लागतात. आपल्या वाटेवर घुबडं का जमा होतात, हे आपल्यालाच शोधावं लागतं.

असेही विद्यार्थ्यांच्या आत्महत्येला इथली व्यवस्था काडीचीही किंमत देत नाही.विषाणू आणि मृत्यूचे आकडे आता पूर्वीसारखे परिणाम करत नाही की घाबरवितही नाही.

व्यवस्थेने आपले अस्तिस्तच नाकारले आहे तेव्हा आपण जिवंत असलो काय अन मेलो काय इथे कुणाला फरक पडतो? मुर्दाड सरकार असो की टीआरपीसाठी वाट्टेल त्या थराला जाणारी मिडिया आपल्या मृत्यूचेही भांडवल करु शकत नाही.आपण ना तर कोरोनाने मरत आहात ना की ही शेतकरी आत्महत्या आहे.ज्यांना मृत्यूनंतर तरी कोणी विचारतं,काही पॅकेज जाहिर होतं,मदतनिधी मिळतो.पण आपले काय? दोन दिवस चर्चा नंतर दुसऱ्याचा नंबर लागल्यावर अरे तो पण असाच गेला होता ना? एवढीच काय ती आठवण!

तेव्हा वेळीच भानावर या. जीने के बहाने लाखो है!