2022-07-18 23:04:08
#قصائد_شهر_محرم_الحرام_١٤٤٤_هـ
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار.c
عٌلَى أّلَدِنِيِّأّ أّلَعٌفِّهِ مَنِ بِعٌدِ آلآمـآمـين
مَنِ بِعٌدِ عٌبِأَّّس خَوِيِّ وِأّبِنِ أّمَيِّ أّلَحٌَّسيِّنِ
ـــــــــــــــــــــــــــــــــــــــــــــ
اليوم يوم الفرحه مو يوم البواچي
لكن آثار العطش فوگ المحاچي
بثغر الشباب الباسم .. زفة حبيبي القاسم
——-
____
فرحة الأم بولدها بيها لهفه ..
و شكبر فرحتها من اتحنّي چفه
شمعه تعلگها وتخلّص شمعة تطفه ..
اليوم للقاسم نريد انسوّي زفّه
اليوم بچفوفي أريد اعجن الحنّه
يا حلاته القاسم وبعيونه جنّه
بيها الاله شراسم .. زفة حبيبي القاسم
——
مُشرق الليلة شبابه وتضوي شمسه ..
ويفتخر أبني بعَمامه تسوّي عرسه
وأندعي بجاه الزچية الله يحرسه ..
والأبن يتمنّه ابوه يزفّه نفسه
كون تنزَف الشباب ويه الهلاهل
وتفخر الناس بولِدها لو بواسل
والليله موقف حاسم .. زفة حبيبي القاسم
———
بالفرح عادة الوادم ألها لمّه ..
والوليد بعرسه كون اصحابه يَمّه
يحبّه ابوه وأمّه من نحره تشمّه ..
ويلي وانته بكربله عرسك ييمّه
وعادة الشاب بزفافه الأبتسامه
ويگعد وتستقبل احبابه عَمامه
والباري اليّه شقاسم .. زفة حبيبي القاسم
———
وبالأهل عادة يرشّون الثنيّه ..
وانه ماي عيوني بس بالغاضريه
وابني اشافه مفطره وينظر عليه ..
ويلي يوليدي زفافك للمنيه
والشباب اتزف الوليد بشبابه
وآنه ابني بكربله اتزفّه النشابه
وياي الحزن متقاسم .. زفة حبيبي القاسم
——
عادة الغالي تحنيّه اصدقائه ..
وابني السيوف التحنيّه بدمائه
بغربه واعلينه العطش نازل بلائه ..
والهجير بكربله يذبح هواءه
وبالعرس عادتها تلتمّ الحبايب
لكن بعرس ابني ملتمّه المصايب
وحيره اعله وجها الواسم .. زفة حبيبي القاسم
———-
بدمّه تتحنّه السهام ويضوي نحره ..
والرماح اتكسّرت كلها اعله صدره
شحالها الذبحو ضناها من تنظره ..
واللي يفدي حسين الله يعظّم اجره
من السمه نزلت على گلبي البشاره
أبنچ لكل الشباب اصبح مناره
وحزني لدليلي جاسم .. زفة حبيبي القاسم
——-
علي صابر السّراي
نسألكم الدعاء
ـــــــــــــــــــــــــــــــــــــــــــــــــــــــ
مؤسسة منبريون للالحان رقم 1
@ahmed_alziwar1
مؤسسة منبريون لنشر القصائد 2
@ahmed_alziwar2
مؤسسة منبريون للمقامات3
@ahmed_alziwar3
مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول
https://t.me/+tVfRCNCfpmJlMGRi
الكروب الثاني
https://t.me/+tVGiZHdfNq81ZGYy
قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
769 viewsخــادمــ أم محمـــود الشمـــري ــة الحسيــن ( ع), 20:04
9
