#قصائد_الامام _ العباس #عظم_الله_لكم_الاجر #مؤسسة_منبريات_ | 8.مؤسسة منبريون للنساء🧿

#قصائد_الامام _ العباس

#عظم_الله_لكم_الاجر

#مؤسسة_منبريات_للخطابه_الحسينيه
𖧷𖧷𖧷𖧷𖧷𖧷
هوسات للعباس عليهه السلام
=====
نلطم حيل للعباس مولانه
نواسي بالطم وزينب الحزنانه
نكلهه اليوم اجينه الج عوانه
وندك وياج ع امصابه
====
يستاهل الطم عباس دهريه
سبع وابن السبع وامك البدويه
تشهد كربله وتشهد الحربيه
تشهدله الساحه ابن البدويه
======
تشهد كربله وتشهدله الساحه
وسفه وحيف ابن النذل من لاحه
طر راسه بعمد ومكطع اذراعه
ايكحمونه عباس اشلون
=====
وسفه شلون صابوك بعمد ع الراس
وانته ابن الصميده يابطل فراس
من طب كونهه تشهدله كل الناس
تشهدله الساحه عباس مجرب
=====
يحتار الوصف وشما اوصف بيك
وانته ع المراجل حيدر امربيك
وانته من لاالله وربك امسويك
وخلاك عضيد المولانه
=====
يتباهه بعضيده حسين يتباهه
ومن يهجم وخوه اليطب للساحه
شحاله ياعضدي من وكع صاحه
ياخويه الحك راحت عيني
=====
اجاه احسين مسرع من اجه يمه
مايكدر يشوفه غارك ابدمه
ضل محني وينوح عليه ابو اليمه
ياخويه اكعدلي وحامني
=====
اكعد ياعضيدي ماهو وكت النوم
تخليني يخويه وحدي بين الكوم
نكسر ضهري يخويه والكلب مهموم
انهد حيله من طاح اعضيده
======
تمت بعون الله بقلم العلويه ام اسامه الموسوي شاعرة اهل البيت ع
𖧷𖧷𖧷𖧷𖧷𖧷

مؤسسة منبريات للقصائد النسائيه

https://telegram.me/ahmed_alziwar17

2.كروب 2 خاص بنشر وتلحين القصائد
https://t.me/joinchat/Dw92DkJZ4tvb4YIzJWBWrg