#قصائد_الامام _ العباس #عظم_الله_لكم_الاجر #مؤسسة_منبريات_ | 8.مؤسسة منبريون للنساء🧿

#قصائد_الامام _ العباس

#عظم_الله_لكم_الاجر

#مؤسسة_منبريات_للخطابه_الحسينيه
𖧷𖧷𖧷𖧷𖧷𖧷
قصيده للعباس عليه السلام
على طور ملا عمار الكناني
اشسوت بيك الخيل
المستهل



سهم الصاب العين
خلاه محني حسين

جيتك يالكافل حاجيني
افراگك عباس ايأذيني
❊•◇◆◇○✶∶∶∶∶✶○◇◆◇•ـ❊
ياخويه....جيتك واتعثر باجدامي
ياخويه....گالو يم النهر وضامي
ياخويه...شفتك متوذر گدامي
ياخويه...متخضب ياوسفه ودامي

جفوفك متگطعات
الجانن ترفــــات

بعدك ماحبيت اسنيني
افراگك عباس ايأذيني

سهم الصاب العين
خلاه محني حسين
❊•◇◆◇○✶∶∶∶∶✶○◇◆◇•ـ❊
مفجوعه...ياالكافل يانور عينوني
مفجوعه...بذبحك ياويلي اذوني
مفجوعه...محتاره من يحدي اضعوني
مفجوعه...منهو يردهم لو شتموني

من دم الدمعات
صبغلي الوجنات

هالمنظر خويه يبجيني
افراگك عباس ايأذيني

سهم الصاب العين
خلاه محني حسين
❊•◇◆◇○✶∶∶∶∶✶○◇◆◇•ـ❊
عافيتي...راحت وي گطعت انفاسك
عافيتي... من شافت متهشم راسك
عافيتي... بحاجة حنيتك واحساسك
عافيتي...ياگلبي ايس من عباسك

راح وراح الحيل
الجان الهمي يزيل

ناره بــدلالي تجويني
افراگك عباس ايأذيني

سهم الصاب العين
خلاه محني حسين
❊•◇◆◇○✶∶∶∶∶✶○◇◆◇•ـ❊
بخيماتك...نيران التسعر وجوهه
بخيماتك...وايتامك منها طلعوهه
بخيماتك...اختك يالكافل شافوهه
بخيماتك...واخلافك حيف يشتموهه


اشباه الازلام
وجوهه الخيام

انهض يالجنت تباريني
افراگك عباس ايأذيني

سهم الصاب العين
خلاه محني حسين
❊•◇◆◇○✶∶∶∶∶✶○◇◆◇•ـ❊
يالكافل.....اگعد لتطولهه النومه
يالكافل...مطروح احسينك بالحومه
يالكافل...تدريني اخلافك مهضومه
يالكافل...مذبوح مسلبات اهدومه

ومرضرض الضلوع
وروحي يمه تلوع

موتي اتمنيته وي احسيني
افراگـــــك عباس ايأذيني

سهم الصاب العين
خلاه محني حسين
❊•◇◆◇○✶∶∶∶∶✶○◇◆◇•ـ❊
تــــمت بعون الله تعالى
بقــــ لم خـادمة االزهراء عليها السلام
الشـــاعره أم حسين الفريداوي
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
𖧷𖧷𖧷𖧷𖧷𖧷

مؤسسة منبريات للقصائد النسائيه

https://telegram.me/ahmed_alziwar17

2.كروب 2 خاص بنشر وتلحين القصائد
https://t.me/joinchat/Dw92DkJZ4tvb4YIzJWBWrg