#قصائد_محرم_عظم_الله_لكم_الاجر #مؤسسة_منبريات_للخطابه_الحسين | 8.مؤسسة منبريون للنساء🧿

#قصائد_محرم_عظم_الله_لكم_الاجر

#مؤسسة_منبريات_للخطابه_الحسينيه



گرب شهر الحزن وهاجت الاحزان
𖧷𖧷𖧷𖧷𖧷𖧷



نعي للعباس والسيدة زينب عليهما السلام


تگلة ماتگعد يشيال اللوه
وشوف ضعن اختك اليا ديرة نوه
الجنت خايف علي امن الهوه
هسه مسبية وشمر يبرالي


يالجبتني ابصايتك وانت الكفيل
وحملي ميهمك اشما يصبح ثجيل
روحي بعدك من شمر شافت الويل
وعگب شخصك من يباري اطفالي


محد يباريني بعدك يالولي
بس جثث خوية عفتكم بالخلي
والله يكتلني الشمر لوصد الي
اميسرة ومحد يخوية ابحالي


محد ابحالي وگمت اجري الدمع
جنت صوتي ابجالكم ماينسمع
شلون خوية ابكربله بيك انفجع
وهسه لوميته يخويه اشوالي


ريت ميته اولاشفت هيجي عذاب
روحي خويه امنحلة بثگل المصاب
احلامي بيكم يالولي صبحت سراب
وبعد. ليه. ماترد. يالوالي


يگلهه يازينب اجفوفي امگطعه
والعلم والجود يم المشرعه
وسهم عيني شلون يختي انطلعه
خويه شوفي اشصاير انه ابحالي


كون ترجع يمنتي وبيدي االعلم
شحدة واحد يوگف اباب الخيم
بالعمود نصاب والراس انهشم
والمهر رد. للمخيم خالي


لشاعره ام ابراهيم الحلفي


𖧷𖧷𖧷𖧷𖧷𖧷



مؤسسة منبريات للقصائد النسائيه
https://telegram.me/ahmed_alziwar17
2.كروب 2 خاص بنشر وتلحين القصائد
https://t.me/joinchat/Dw92DkJZ4tvb4YIzJWBWrg