#قصائد_محرم_عظم_الله_لكم_الاجر #مؤسسة_منبريات_للخطابه_الحسيني | 8.مؤسسة منبريون للنساء🧿

#قصائد_محرم_عظم_الله_لكم_الاجر

#مؤسسة_منبريات_للخطابه_الحسينيه
گرب شهر الحزن وهاجت الاحزان

لطميه للعباس ع عن لسان الحسين ع

وين العلم ،،،،، يابوالشيم
وبيا كتر خليته
وبطيحتك ابوالفضل
ظهر الحسين احنيته
...........

وين العلم منك هوه يابوالفضل حاجيني
ووحيد غيرك مالي وبغربتي تخليني
من طاح جفك والعلم اهل الغدر توليني
ماشوف بعيوني الدرب عباس راحت عيني

يوم الطحت واتعذرت
حزام الظهر حليته
............

ظهري حنيته بطيحتك وزادت عليه الامي
وتفزع عليه اهل الرده وانته صريع ودامي
والكوم ياراعي الوفه وصلت الحد اخيامي
بيمن اشدن العزم طحت ورخيت حزامي

يوم الهوه راعي اللوه

دمعي بحزن هليته
.........
هليت دمعات الحزن من رحت اخبر زينب
والكيتها اباب الخيم تلطم عليك وتنحب
راعي العلم شوما اجه بس لاتكلي اتصوب
صاحت اريدن كافلي ماتدري بيه مخضب

حامي الخدر مايعتذر
زينب انه مربيته
..........
عباس ظل عالنهر وكطعو يخويه جفوفه
وعينه انطفت من السهم وهامه بعمد مخسوفه
وبكتره ظلت رايته وفوك الترب ملفوفه
وفه الاخوه كافلج وكال العهد ماعوفه

وفه العهد والطف شهد
وراعي الوفه سميته


القصيده من كتاب المآسي العلويه الجزء الثامن

ام زينب كربلاء

مؤسسة منبريات للقصائد النسائيه
https://telegram.me/ahmed_alziwar17
2.كروب 2 خاص بنشر وتلحين القصائد
https://t.me/joinchat/Dw92DkJZ4tvb4YIzJWBWrg