#قصائد_محرم_عظم_الله_لكم_الاجر #مؤسسة_منبريات_للخطابه_الحسيني | 8.مؤسسة منبريون للنساء🧿

#قصائد_محرم_عظم_الله_لكم_الاجر

#مؤسسة_منبريات_للخطابه_الحسينيه
گرب شهر الحزن وهاجت الاحزان

لطميه نزله للامام العباس ع

نزل بيهم عاصفه//سيفه وبجف الوفه
رافع الراس رافع الراس

كلهم اشحده اليگول//من يمس بت البتول

ينگط احساس. ينگط. احساس


نزل بيهم غضب واقع دارهم دور الرحى
صار زلزلال اعله اميه سيفه بيهم لوحه
جالهم جيل السحاب ولشمس بيهم طحى
اهتزت الكاع بجدمهم والخسف بيهه وحى


من بده وبيهم ختم/ /ابو فاضلمن هجم
بيهم يصول ويجول// من يمس بت البتول
هذا عباس هذا عباس


صار بيهم ريح صرصر من نزل سوح الوغه
طير ابابيل وحصدهم عصف ماكول اشبقه
شحدهم يفرون منه اليوم يوم الملتقه
اصناف مانعرف شكلهم اليوم اشوفهم شغه

كال اردهم للعدم//ابو فاضل من هجم
عام مو خاص الشمول//من يمس بت البتول

تشهد الناس.// تشهد. النااس


صار جن يوم القيامة ضلت الوادم تموي
من بريق السيف ترجف عفيه عباس بن ابوي
حسين گله بهده اوياهم ها على كيفك يخوي
كفو منك يابو فاضل ضلت ابدمهه تفوي

اموت بكصصهم رسم //ابو فاضل من هجم
شافو الموت المهول//من يمس بت البتول

خربط الناس //خربط الناس


گلهه ماصار اليمسح زينب ويگرب عليج
انه اخوج احزام ظهرج والأمر يرجع اليج
ابكيفج اشتردين كولي زينب انه بين اديج
غير اراويهم جهنم انه من اسمع بجيج

اشحده اليمر بالخيم//ابو فاضل من هجم

والله اخليهم اتلول//من يمس بت البتول

كوم الارجاس//كوم الارجاس

اعيونه يطاير جمرها وشاربه يرف البطل
ضلت اتلوذ ابعضهه ابو فاضل من نزل
صعدت بروحه الحميه هذا بن خير العمل
ماتشيله الكاع كلها ابو الغيره لوزعل

كفو من راعي الشيم//ابو فاضل من هجم

الكاع ترجف من يصول//من يمس بت البتول

. يگطع انفاس. يكطع انفاس


لشاعره ام ابراهيم الحلفي

مؤسسة منبريات للقصائد النسائيه
https://telegram.me/ahmed_alziwar17
2.كروب 2 خاص بنشر وتلحين القصائد
https://t.me/joinchat/Dw92DkJZ4tvb4YIzJWBWrg