#قصائد_استشهاد_فاطمة_الزهراء_ع ظليت اصرخ مارحموني | 8.مؤسسة منبريون للنساء🧿
#قصائد_استشهاد_فاطمة_الزهراء_ع
ظليت اصرخ مارحموني
عمداً يابويه ايسطروني
فزاعية لمولاتنا الزهراء "عليها السلام"
----------------
الليله حيدره حضرها الجنازه
صار الهم اله والحزن عكازه
-------------------------------------------------
باچر للگبر بالزهرة يتعنه
بس اليوم وياها ام المحنه
يموت وياها حيدر راد يتمنه
يگلها عازتچ يم الحسن عازه
زيـ ـنب الـواسـطي
-------------------------------------------------
يگلها بعازتج يـم عشرة الحلوه
صار افراگنه يازهـرتي گــــوه
يم بيتي وشمعته ونوره لوضَوه
خذاج الموت ياغصن الطري وتازه
زمـــ ــــن حـاتــم الربيعــــي
-------------------------------------------------
ياغصن الدلال بروحي ضميته
كسرو ليش گطعوه الهوه بريته
حرموني حنانه ال آنه حبيته
وبتراب الوداع اليوم يتجازه
أم حسين العسكري
------------------------------------------------
فتح باب الحزن للمرتضى بابه
وجلباب المصايب صار جلبابه
والگبر الوديعه وَجَـه اعتابه
علي بعدج مرار البين هل حازه
أم سـجـ ــــــاد العسكري
-------------------------------------------------
يتحسر بقى لمصاب غاليته
شالت من وكت وحده مخليته
الچانت عون اله وبالدنيه تسليته
ماخذها الدهر عالفرگه اتوازه
العلوية أم منتظر جمال الدين
-------------------------------------------------
توازه عالحبيب وضيع رسومه
بتراب البقيع ومشت مالومه
زينب من بعدها أصبحت مهظومه
ياعظم المصيبه ابفگدت أعزازه
رمــ ـــاد الخيام
-------------------------------------------------
تــمــــ بـحمـــدالله وتـوفيـقـــه ـــــــــت بـــأقــــ ـــ ـلام شـاعــــرات الملتــقى الحسيـــــني لـناعــــــيات الطـــــــف بتـاریــــخ جماد الأول / ١٤٤٤هـ بـإشــــــراف الشــاعــــــــرة والحاجـه أم حســـــــين العسكـــــري ناصــــريـه يحـــــرم الحــــذف والتــــــلاعب ونسألكـم الدعـــاء والفاتحـة لأمواتــنـا.
مؤسسة منبريات للقصائد النسائيه
https://telegram.me/ahmed_alziwar17
كروب 2 خاص بنشر وتلحين القصائد
https://t.me/+tVGiZHdfNq81ZGYy