#قصائد_وفاة_ام_البنين_ع الليلة ام الگمر غمض جفنها وين اولاده | 8.مؤسسة منبريون للنساء🧿

#قصائد_وفاة_ام_البنين_ع


الليلة ام الگمر غمض جفنها
وين اولادها تحظر دفنها

___


قصيده ندبه للزهراء ع وام البنين ع

عندي حاجه وكلفت ام الحسين
حشمتها وحشمت ام البنين
...................
عندي حاجه وجيت للمجلس اون
ادري بيها فاطمه الليله تحن
عالطلبها وجاها وعيونه جرن

وحشمت وياها امير المؤمنين
..................
ساعه لام عباس اون ساعه الج
ارد احلفج فاطمه وبكل هلج
بداعة البدويه كلنه انحللفج

جينه كلنه الحضرتج متوسلين
...............
جينه كلنه الحضرتج نبجي وننوح
بيدج الطيبه تداويلي الجروح
كالو المحتار بس يمج يروح
واحنه جينه بفاطمه متعشمين
...................
بينها ام عباس ام الاربعه
وبين فاطمة الزچيه هالدعا
والجفن يمهن يهل ابمدمعه

تنگضي الحاجات مابين الثنين
..............
حلّفتهن بالعقيله وبالجرى
وبالضلوع البطفوف مكسره
وحلّفت بحسين ذاك ومنحره

اعليچن ابلوعة حسين امحلفين
...................
بلوعة حسين ولهفته  وغربته
دوم اتذكر مصابه ولوعته
والعقيله شلون يوم العافته
عالثره حسين وبنينه امذبحين
.................
عالثره حسين وبنينه والكفيل
ضال عالشاطي يون ون الثگيل
وزينب خلافه تون وي العليل
وي علي السجاد حيف مچتفين
...................
تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب نسألكم الدعاء والفاتحه لامواتنا وامواتكم مع الصلوات

___مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy