#قصائد_وفاة_السيدة_زينب_ع اجاني الموت اجاني .       ياهو ي | 8.مؤسسة منبريون للنساء🧿

#قصائد_وفاة_السيدة_زينب_ع


اجاني الموت اجاني
.       ياهو يخبر اخواني




قصيده للسيده زينب عليها السلام
تقرأ بطور المربعه والفزاعيه
===========


رساله  الكربلا

زينب  اتوديله

تگله احضر يخويه نعشي اتشيله

===========

حضروني يخوتي وغمضو عيوني

بهيده علمتن بس لاتلچموني

سياط الشمر زرگه ولسه بمتوني

لو شفت المتن ياخويه تبچيله



رساله من دموع العين للوالي

تگله احضر يخويه ونضر الحالي

ياهو ايشيل نعشي خويه يلغالي

چنه الموت حاضر ياهلي الليله



خويه احضر وحطني بگبري بهيده

تراني من المصايب صايره ونيده

خففلي التراب وبالك تزيده

تراب اللحد حار وماالي حيله



تكله احضر يخويه لاتخلي اختك

روحي اليوم يابو الفضل رايدتك

لهذا اليوم ياعباس ذاخرتك

انته الي اكفلتني وكافل العيله



گلوله يحضرني ولا ليتعذر

تراني للدرب كل يوم اتنطر

بلكي يحن عليه الوالي ويحضر

ياخوتي الجسد ايريد تغسيله



لشوفتكم يخوتي الروح محتامه

وداعت ذاك ظلع امي والامه

من يوم المشيتو الليل مانامه

ياروحي المشه كل يوم حنيله



من يوم المشيتو بصدري العبره

وخلصت العمر حسره تجر حسره

ياوسفه گضت وياكم العشره

لو طاح الحمل ياهو اليتچيله


===========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

.

راب

مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy