#قصائد_الامام_موسى_ابن_جعفر_ع الجنازه العل جسر محد عرفهه منين | 8.مؤسسة منبريون للنساء🧿

#قصائد_الامام_موسى_ابن_جعفر_ع

الجنازه العل جسر محد عرفهه منين
.     



مربعه للأمام الكاظم عليه السلام


طاح أعله التراب .. أو طايح أعگاله
وچا منهو الحضر من السجن شاله
❥━──➸➽❥ ❥━──➸➽❥
طاح أعله التراب اليوم أبو طلبه
أو منه العين ألف يا حيف تتربه
أو عالج وحده الليله أو گضى نحبه
ومايبچي أعله روحه يبچي لعياله
❥━──➸➽❥ ❥━──➸➽❥
طاح أعله التراب وطيحته أمجيده
أو عنه ديرت أهله كلش أبعيده
أو ضل ما يگدر الليله يحرك أيده
أو بالـسم يـمرد الـملعون دلالــه
❥━──➸➽❥ ❥━──➸➽❥
ما حضرت عمامه أتشيله هذا اليوم
وبالزنزان أبن جعفر وگع مسموم
ميت من عمت عيني حلو الأرسوم
وغمضت عينه أو ماشايف أعياله
❥━──➸➽❥ ❥━──➸➽❥
خلت فرگته أبگلب الرضا جمره
ضل يبچي وغدت عينه عليه حمره
والصادق يويلي أبعيد وميحضره
أو چا ياهو العزه أبغداد سواله
❥━──➸➽❥ ❥━──➸➽❥
اليوم أبو الرضا دنيانه فارگهه
وجثتة الطاهره چا ياهو لحدهه
أو معصومه بعد والد ولا عدهه
أو لغيابه تون والدمعه هماله
❥━──➸➽❥ ❥━──➸➽❥

*لخادمة الأمام الحسين 《ع》*
*الشاعرة نشوان الكناني*
*غير مبرء الذمة كل من يتلاعب بلقصيدة*

الثلاثاء / ١٥ من شهر رجب
الموافق ٢٠٢٣/٢/٧
                        


مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy