#قصائد_الامام_موسى_ابن_جعفر_ع الجنازه العل جسر محد عرفهه منين | 8.مؤسسة منبريون للنساء🧿

#قصائد_الامام_موسى_ابن_جعفر_ع

الجنازه العل جسر محد عرفهه منين
.     



رثاء الإمام الكاظم ع السلام
لحن يخيمات الشاعر عبدالهادي ألعريفاوي


يسجان كلبك ليش مايرحم يسجان
الكاظم بالقعر مايسمع أذان
سجن السندي صاير بسمه عنوان

بقعر السجن موسى انظلم يكضي بسجن حياته
سابع أمام اعله الأرض بالسم سبب وفاته
موسى الكليم بهيئته لمن لقى عصاته
السجده الطويله بكل فرض ويقره الدعا بصلاته

يمسجون شنهو الصار بحوالك يمسجون
لعنه بكل فرض ضدك يهارون
سجن السندي صاير بسمه عنوان

راهب بني هاشم علم بالمركز القيادي
باب المراد لكل طلب من اوصل بمرادي
تكضي حياتك بلسجن ياحسرتي بفؤادي
انصب عزاء لحضرتك من ارتدي سوادي

بالالام يامظلوم كل عمرك بالالام
يتبره ظلمكم من الإسلام
سجن السندي صاير بسمه عنوان

كلتلهم الجمعه الوعد يم الجسر يشيعه
واللي سمع هذا الخبر واجب عليه يذيعه
صار العزاء اعله الجسر من شافوا الفجيعه
أهل الدجل همه السبب من صنعوا الخديعة

يظلام شنهو الصار بالكاظم يظلام
والباطل أبد كل عمره مادام
سجن السندي صاير بسمه عنوان

صاحوا حماميل اربعه لنعشك مشت تشيله
سجنك يبو مام الرضا خل وفكد خليله
يابو الجوادين بحزن دمعي الك اسيله
هذا المصاب اللي جره ماظن اكو مثيله

يبغداد شنهو الصار بالجمعه يبغداد
ياوسفه بسلاسل موسى ينكاد
سجن السندي صاير بسمه عنوان

تدري نته بالصار وجره بطف كربله الفجيعه
بالوادي كلها مطشره جساد الاهل صريعه
مجتوفه عمتك بالحبل ياوسفه عالوديعه
وعمك أبو فاظل وكع ظل ساكن الشريعه

عالارماح ذيج الروس مرفوعه علارماح
وحداي الظعن درب السبي صاح
سجن السندي صاير بسمه عتدنوان

عبدالهادي العريفاوي


مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy