#قصائد_مواليد_شعبان_متباركين_بولادة_اقمار_ال_محمد_ص ————————— | 8.مؤسسة منبريون للنساء🧿

#قصائد_مواليد_شعبان_متباركين_بولادة_اقمار_ال_محمد_ص

——————————



مدح مولد العباس ع

من بحر المتدارك // وزن عگيلي
فعلن فعلن فعلن فعلن


مولد   عباس    بهليله
فرحانه ومبتشره العيله


نشكر   ربنا   شاء   وقدّر
ونباركلك   شبلك  حيدر
مثل اخصالك ليث وقسور
گطع الگماط بكل حيله....
مولد   عباس    بهليله
فرحانه ومبتشره العيله


قائدنه وكافل عنوانه
هذا الباري رافع شانه
سر  الاسرار   بايمانه
وبأفكاره ايعدل الميله....
مولد   عباس    بهليله
فرحانه ومبتشره العيله


عباس من ازلام النيبه
مفتخرين  بيه  الهيبه
ضوت كل انحاء بطيبه
تاج اعله الراس احنه انشيله....
مولد   عباس    بهليله
فرحانه ومبتشره العيله


لام عباس جينه انهني
مشاي  اليوم و متعني
فدوات ولچفوفك  ذني
صفگات وهوسه نسويله...
مولد   عباس    بهليله
فرحانه ومبتشره العيله


فرحانه  الشيعه بميلاده
وتبارك  حيدر    واولاده
وبكل شده ابطال وقاده
واجب هليوم نحييله...
مولد   عباس    بهليله
فرحانه ومبتشره العيله


٥/شعبان/١٤٤٤
بقلم شاعرة اهل البيت عليهم السلام
ام فراس الساعدي
غير مبري الذمه لكل من يغيير الاسم او ياخذ كلمات

———————-
مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy