#قصائد_مواليد_شعبان_متباركين_بولادة_اقمار_ال_محمد_ص ————————— | 8.مؤسسة منبريون للنساء🧿

#قصائد_مواليد_شعبان_متباركين_بولادة_اقمار_ال_محمد_ص

——————————

قصيدة انتضار الفرج


انه كل جمعه جديده/ وياك اجدد العهد
هلبت اتسجلني يمك/ وبأسم واحد احد
الشيعه منتظره الظهور
لحضرتك طول الدهور
شما يطول غيابك  احنه نقسم وهذا وعد...
انه كل جمعه جديده/ وياك اجدد العهد


أُمنيه هاي بحياتي تصلي بالكوفه ونراك
اعلينه حتى الباري يرضه لوتفرحنه برضاك  
بكل سجودي وقانت اني بالي ابد لامانساك
نفرح يتم السرور
ونعلك شموع وبخور
نضل ننتضرك يغالي  يااعز  من   الولد...
انه كل جمعه جديده/وياك اجدد العهد


سيدي بلهفه اكلك انه وبكلبي وجل
كون هاي اخر علامه وتظهرلنه بالعجل
جارو اعلينا الاعادي وللصبر مانحتمل
شفنة ظلم وشفنة جور
يمته نحضى بالظهور
أنده باسمك وانادي حتى لو وسط اللحد....
انه كل جمعه جديده/ وياك اجدد العهد


نسمع الندبه وتضل اعيونه تجري الدموع
من نزور السهله نقراها ونصلي بكل خشوع
الشيعه منكل صوب أجتك سيدي تحضر جموع
نبقى واليوم النشور
علسراط النه عبور
ندعي من الله بحق كل عابد وصلى و سجد....
انه كل جمعه جديده/ وياك اجدد العهد


سيدي بجاه اللي صلى عد مقامك وعِبد
والمثال الناس  كالت النه من  جَد وجَد
انت النه العون تبقى سيدي و انت الوتَد
من تجي تعدل الشور
كلنه الك تلگانه سور
ياامامي  وياضخرنه ياشفيع النه وسَنَد....
انه كل جمعه جديده/وياك اجدد العهد


نطيعك بكل عمل صالح مانخالف سيدي
ونظل  بغيابك نحارب  كلمن عليه يعتدي
بسمك  وثوب الشهاده الکفن احنه نرتدي
لازم عليهم نثور
حتى لو نعبر بحور
شيعتك موجوده دوم بكل مدينه وكل بلد....
انه كل جمعه جديده/وياك اجدد العهد



بقلم شاعرة اهل البيت عليهم السلام
       ام فراس الساعدي
غير مبري الذمه لكل من يغيير الاسم
#_منتدى_القلم_الفاطمي



———————-
مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy