#قصائد_مواليد_شعبان_متباركين_بولادة_اقمار_ال_محمد_ص ————————— | 8.مؤسسة منبريون للنساء🧿

#قصائد_مواليد_شعبان_متباركين_بولادة_اقمار_ال_محمد_ص

——————————


مدح للامام المنتظر عج

بانتظارك يمهدينه بانتظارك
الشيعه كلها تريد تعرف شنو اخبارك

يمته يلغايب تعود
بالظهور انت تجود
نعلك شموع وبخور اباب دارك
بانتظارك يمهدينه بانتظارك

تاخذ بثار الحسين
وثار مكطوع اليدين
تشتفي منهم اعداك وتطفي نارك
بانتظارك يمهدينه بانتظارك

الزهره تفرح من تجي
بجالك يلوك الحجي
تاخذ الشيعه اوامر من اسرارك
بانتظارك يمهدينه بانتظارك

زينب الحره تكول 
يجولهم غايبنا جول
والرؤوس الطاغيه يكصها بتارك
بانتظارك يمهدينه بانتظارك

صار كل شعبان عيد
نكتب اشعار ونزيد
للحسين تروح متوجهه خطارك
بانتظارك يمهدينه بانتظارك

تجي ويعم السلام
وتمحي بنورك ظلام
والنبي عيسى بظهورك هم يشارك
بانتظارك يمهدينه بانتظارك

هسه منتظرين كلنه
انت بالدنيه املنه
نمشي كل احنه وراك بيوم ثارك
بانتظارك يمهدينه بانتظارك

يمته نسمع صرختك
التنتظرها شيعتك
تزيد فرحتنا نعيد وانتبارك
بانتظارك يمهدينه بانتظارك

يلله عجل بالظهور
يلله يابدر البدور
يلله يامهدينه فرحها زوارك
بانتظارك يمهدينه بانتظارك


١/شعبان/١٤٤٢
بقلم شاعرة اهل البيت عليهم السلام
  ام فراس الساعدي
غير مبري الذمه لكل من يحذف الاسم والرابط او ياخذ كلمات القصيده و


———————-
مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy