#قصائد_مواليد_شعبان_متباركين_بولادة_اقمار_ال_محمد_ص ————————— | 8.مؤسسة منبريون للنساء🧿

#قصائد_مواليد_شعبان_متباركين_بولادة_اقمار_ال_محمد_ص

——————————



مولد الامام الحجه عج

كركيعان كركيــــعان. المهدي جانه بشعبان
انهني الشيعه بجيـته
ونغني باحلا الـــحان


نطش الورد ويه الياس
ونهني جده اليله
نور الحفل بالاعياد من كل گلب ندعيله
نقره القدر والتوحيد وبكل حرف ترتيله
ونهني النبي العدنان
كركيعان.. وكركيعان


جبت الاهل والاحباب محفل فرح سوينه
كل الهلا بمولوده يلمنتضر نادينه
من زغره قائد مهيوب خزراته تلوك بعينه

چن جده داحي البيبان
كركيعان .. وكركيعان


جن جده داحي البيبان يامحلا طوله یبهر
نور الشمس والاكوان شعت بنوره تنوّر
هل الربيع بجيته والشجر يانع مزهر

يازين كل الشبان
كركيعان.. كركيعان


يرتل بسورة ياسين والكوثر شمحلاهه
صوته عذب والتسبيح وي الفجر صلاهه
سبحان رب المعبود ياصورته جلاّهه

كل شيعي بجيته فرحان
كركيعان.. كركيعان


نتوجه لرب الكون يمن بلفرج والتعجيل
كل جمعه التمر بينه دمع الصبر منّه يسيل
ياسيدي نترجاك المرض من عدنه تشيل
بسمه يتشافه الوجعان
كركيعان.. كركيعان


١٢/ شعبان/ ١٤٤٤
بقلم شاعرة اهل البيت عليهم السلام
  ام فراس الساعدي
وام روكان الشمريه
غير مبري الذمه لكل من يغيير الاسماء
او ياخذ كلمات القصيده وينسبه

———————-
مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy